Community News & Updates

Stay informed with the latest happenings, achievements, and announcements from our community.

All News

calendar_today April 1, 2026

Ahmedabad: ધોલેરાના નવનિર્મિત એક્સપ્રેસ હાઈવેનું વડાપ્રધાન દ્વારા ઈ-લોકાર્પણ

અમદાવાદ જિલ્લાના ધોલેરા ખાતે આવેલ એબીસીડી બિલ્ડિંગ ખાતે રૂ. 5800 કરોડના ખર્ચે નવનિર્મિત એક્સપ્રેસ હાઈવેને ખુલ્લો મૂકવાનો કાર્યક્રમ યોજાયો હતો. આ કાર્યક્રમમાં વડાપ્રધાન નરેન્દ્ર મોદી ઉત્તર ગુજરાતના વાવ-થરાદથી વર્ચ્યુઅલી જોડાયા હતા અને એક્સપ્રેસ હાઈવેનું ઈ-લોકાર્પણ કરવામાં આવ્યું હતું. ધોલેરા ખાતે યોજાયેલા કાર્યક્રમમાં પૂર્વ કેબિનેટ મંત્રી ભુપેન્દ્રસિંહ ચુડાસમા, ધારાસભ્ય કાળુભાઈ ડાભી, કિરીટસિંહ ડાભી, પ્રોજેક્ટ ડાયરેક્ટર રાજીવ ચંદ્રા, સ્થાનિક આગેવાન શક્તિરાજસિંહ ચુડાસમા, પ્રદ્યુમનસિંહ ચુડાસમા સહિત અનેક મહાનુભાવો ઉપસ્થિત રહ્યા હતા. આ પ્રસંગે પૂર્વ કેબિનેટ મંત્રી ભુપેન્દ્રસિંહ ચુડાસમાએ જણાવ્યું હતું કે આ એક્સપ્રેસ હાઈવે બનવાથી સમય અને ઇંધણની બચત થશે અને સમગ્ર આયોજન ભારતમાળા પ્રોજેક્ટ અંતર્ગત કરવામાં આવ્યુંછે. ધોલેરા એબીસીડી બિલ્ડિંગ ખાતે યોજાયેલ કાર્યક્રમમાં મોટી સંખ્યામાં લોકો ઉપસ્થિત રહ્યા હતા અને એક્સપ્રેસ હાઈવે શરૂ થતાં વિસ્તારના વિકાસને નવી દિશા મળશે તેવી આશા વ્યક્ત કરવામાં આવી હતી.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today April 1, 2026

Mandal: માંડલમાં સફાઈ કર્મીઓએ હડતાળ પાડતા ગ્રામ પંચાયતે બહારથી કર્મીઓ બોલાવ્યા

માંડલ ગ્રામ પંચાયતમાં સ્થાનિક વાલ્મિકી સમાજના સફાઈ કર્મીઓ નગરમાં વર્ષોથી સફાઈની કામીગીરી કરી રહ્યાં છે અને છેલ્લાં એકાદ મહિનાથી પંચાયતે બહારથી અન્ય સમાજના સફાઈકર્મીઓને લાવી સ્થાનિકો કરતાં વધારે રૂપિયા ચુકવીને કામ કરાવતાં હોવાની રાવ ઉભી થઈ છે. સમાજના યુવા આગેવાન ભાવિન સીરેશીયાએ જણાવ્યું કે, અમારો વાલ્મિકી સમાજ પંચાયતના કર્મચારીઓ છે અને તેઓ નગરના શેરી,મહોલ્લાઓ, રસ્તાઓ ઉપર સાફ-સફાઈ કરે છે, કોઈ પ્રસંગોમાં ઢોલ વગાડે છે, નગરમાં તહેવારો-ઉત્સવો હોય ત્યારે ગમે તે સમયે અમારા સફાઈકર્મીઓ નગરની સફાઈ કરી દે છે. એટલું જ નહીં અમારા વાલ્મિકી સમાજના કર્મીઓ જાહેર રસ્તાઓ ઉપર મૃતપશુઓને પણ ઉપાડે છે ત્યારે સ્થાનિક કર્મચારીઓ સાથે અન્યાય થઈ રહ્યો છે. પંચાયત દ્વારા બહારથી સફાઈ કામદારોને લાવી કામ કરાવી રહ્યાં છે અને તેમને ડબલ રૂપિયાનું ચુકવણું થાય છે.અમો સ્થાનિક સફાઈકર્મીઓને 250 રૂપિયા ચુકવાય છે ત્યારે બહારથી લાવેલ કર્મીઓને રૂપિયા 400 ચુકવવામાં આવી રહ્યાં છે. વાલ્મિકી સમાજના સફાઈ કામદારો છેલ્લાં 1 માસથી હડતાળ ઉપર ઉતર્યો છે, ઉગ્ર રોષ સાથે સોમવારે બપોરે ગ્રામપંચાયતમાં રજુઆત કરવા માટે પહોંચ્યા હતાં. વાલ્મિકી સમાજે ગ્રામ પંચાયતના કેમ્પસમાં બેસીને ભજન-ધુનો કરી અનોખો વિરોધ નોંધાવ્યો હતો, વાલ્મિકી બહેનોએ તંત્રની સામે છાજીયા લીધાં હતાં. થોડીવાર ઉગ્ર વાતાવરણ બન્યું ત્યારબાદ તલાટીએ રજુઆત સાંભળી હતી. વાલ્મિકી સમાજના લોકોની માંગ છે કે, પંચાયત અમારા સફાઈકર્મીઓને 250 રૂપિયામાં 45 રૂપિયાનો વધારો કરીને ચુકવે, સ્થાનિક સફાઈકર્મીઓની રોજગારી પાછી આપો. જો પંચાયતના તલાટી-સરપંચ કે ઉચ્ચ તંત્ર દ્વારા કોઈ યોગ્ય નિરાકરણ નહીં આવે તો આંદોલન કરવાની ચીમકી પણ સફાઈકામદારોએ ઉચ્ચારી છે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today April 1, 2026

Dhrangadhra: ધ્રાંગધ્રાના વિરેન્દ્રગઢ ગામમાંથી બોગસ તબીબને SOGએ ઝડપ્યો

સુરેન્દ્રનગર જિલ્લાના ગામડાઓમાં અવારનવાર લોકોના ભોળપણનો લાભ લઈ તબીબી પ્રેકટીસ કરતા નકલી ડોકટરો ઝડપાય છે. ત્યારે એસઓજીની ટીમે વધુ એક મુન્નાભાઈ એમબીબીએસને ઝડપી પાડયો છે. મળતી માહીતી મુજબ સુરેન્દ્રનગર એસઓજી પીઆઈ બી.એચ.શીંગરખીયાની સુચનાથી પેટ્રોલીંગ કરી રહેલા સ્ટાફને ધ્રાંગધ્રા તાલુકાના વિરેન્દ્રગઢ ગામે એક શખ્સ ડોકટર ન હોવા છતાં તબીબી પ્રેકટીસ કરતો હોવાની બાતમી મળી હતી. આથી ધ્રાંગધ્રા તાલુકાના કુડા પ્રાથમીક આરોગ્ય કેન્દ્રના મેડીકલ ઓફીસર ડો. પ્રશાંત સોલંકીને સાથે રાખી રેડ કરી હતી. જેમાં પાટણ જિલ્લાના રાધનપુર તાલુકાના કોલ્હાપુર ગામનો 26 વર્ષીય હરેશ પોપટભાઈ ઠાકોર ઝડપાયો હતો. આ શખ્સની પુછપરછ કરતા તેની પાસે તબીબી સારવાર કરવાનું કોઈ પ્રમાણપત્ર કે ડીગ્રી અને ગુજરાત મેડીકલ કાઉન્સીલનું પ્રમાણપત્ર હતુ નહી. તે છેલ્લા 09 મહિનાથી વિરેન્દ્રગઢમાં ભાડે મકાન રાખી તબીબી સારવાર કરતો હોવાનું પણ સામે આવ્યુ હતુ. આથી પોલીસે રૂપીયા 18,381ની દવાઓ સાથે આ શખ્સને ઝડપી લઈને ધ્રાંગધ્રા તાલુકા પોલીસ મથકે ગુનો નોંધાવ્યો છે. બનાવની વધુ તપાસ એચસી એમ.પી.ઝાલા ચલાવી રહ્યા છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward