Banaskanthaમાં હર્ષ સંઘવીનો હુંકાર: બનાસ ડેરીના માધ્યમથી પશુપાલકોના જીવનમાં આવ્યો મોટો બદલાવ
બનાસકાંઠા જિલ્લા માટે આજનો દિવસ વિકાસની નવી ક્ષિતિજો સર કરનારો સાબિત થયો છે. નાયબ મુખ્યમંત્રી અને ગૃહ રાજ્ય મંત્રી હર્ષ સંઘવીની પ્રેરક ઉપસ્થિતિમાં જિલ્લાના વિવિધ વિકાસલક્ષી પ્રોજેક્ટ્સનું ખાતમુહૂર્ત અને લોકાર્પણ કરવામાં આવ્યું હતું. આ પ્રસંગે કુલ 19,800 કરોડ રૂપિયાના માતબર ખર્ચે તૈયાર થયેલા વિવિધ જનહિતલક્ષી કાર્યો જનતાને સમર્પિત કરવામાં આવ્યા હતા.બનાસકાંઠા જિલ્લો બન્યો પ્રગતિશીલ જિલ્લો કાર્યક્રમને સંબોધતા નાયબ મુખ્યમંત્રીએ જણાવ્યું હતું કે, "બનાસકાંઠા જિલ્લો આજે સમગ્ર દેશમાં એક સમૃદ્ધ અને મોડેલ જિલ્લા તરીકે ઉભરી રહ્યો છે. આ પરિવર્તનમાં બનાસ ડેરીનો સિંહફાળો રહ્યો છે. બનાસ ડેરીના માધ્યમથી પશુપાલકો અને ખેડૂતોના જીવનમાં જે બદલાવ આવ્યો છે, તેણે જિલ્લાની આર્થિક કરોડરજ્જુને મજબૂત કરી છે." તેમણે વધુમાં ઉમેર્યું કે, સરકારની દીર્ઘદ્રષ્ટિ અને સ્થાનિકોના સહયોગથી બનાસકાંઠા હવે પછાત મટીને પ્રગતિશીલ જિલ્લો બન્યો છે. બનાસકાંઠાના યુવાનો અને ખેડૂતો માટે ઉભી થશે નવી તકો ગૃહ રાજ્ય મંત્રી હર્ષ સંઘવીએ પણ પોતાના સંબોધનમાં જિલ્લાના વિકાસની ગતિને બિરદાવી હતી. તેમણે જણાવ્યું હતું કે, 19,800 કરોડના આ વિકાસ કાર્યો શિક્ષણ, આરોગ્ય, સિંચાઈ અને માળખાગત સુવિધાઓમાં ક્રાંતિકારી સુધારો લાવશે. ખાસ કરીને સરહદી વિસ્તારોમાં પાયાની સુવિધાઓ પહોંચાડવા પર ભાર મૂકવામાં આવ્યો છે. આટલા મોટા પાયે થયેલા લોકાર્પણ અને ખાતમુહૂર્તથી આગામી સમયમાં બનાસકાંઠાના યુવાનો અને ખેડૂતો માટે નવી તકો ઉભી થશે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
