Mandal: માંડલ તાલુકામાં સરની ઉત્કૃષ્ઠ કામગીરી બદલ બિરાદાવવામાં આવ્યાં
માંડલ :રાજ્યમાં તાજેતરમાં મતદારયાદી સુધારણા (એસ.આઈ.આર)સરની કામગીરી થઈ અને સરની કામગીરી એ લોકતંત્રને મજબૂત બનાવવાનો એક મહત્વપુર્ણ પ્રયત્ન છે. ચોક્કસ અને પારદર્શન મતદારયાદી એ સ્વચ્છ,સુનિશ્ચિત ચુંટણીના પાયાની શિલા છે. મતદારયાદી સુધારણા ની કામગીરીમાં મોટાભાગના શિક્ષકો (બી.એલ.ઓ)નો સમાવેશ કરાયો હતો અને ત્રણ ચાર મહિના દરમ્યાન આ કામગીરી શિક્ષકો માટે મોટો પડકાર હતો. અમદાવાદ ગ્રામ્યના માંડલ તાલુકામાં 77 જેટલાં બી.એલ.ઓ, 8 સુપરવાઈઝર અને 40 જેટલાં સરકારી કચેરીના કર્મચારીઓ મળીને કુલ 125 લોકોને તેમની સરની કામગીરી દરમ્યાન અત્યંત મહેનત, નિષ્ઠા અને જવાબદારી રૂપે બજાવેલી ફરજના ભાગરૂપે આજે માંડલ સ્વામીજી આશ્રામ ખાતે સન્માનપત્ર આપીને વિશેષ સન્માનિત કરવામાં આવ્યાં હતાં. બી.એલ.ઓએ ઘેરઘેર જઈને લોકો સાથે સંવાદ કરીને યોગ્ય માહિતી એકત્રિત કરીને લોકતંત્રને મજબૂત બનાવવા પોતાનું મહત્વપુર્ણ યોગદાન આપ્યું છે. આ સેવા ખરેખર પ્રેરણાદાયી અને પ્રંશસનીય હતી જેથી આજે આયોજિત કાર્યક્રમમાં મામલતદાર વી.જી.રાવલ, તાલુકા વિકાસ અધિકારી ભુમિકા પટેલ, તાલુકા પ્રાથમિક શિક્ષણાધિકારી ભરતભાઈ દરજી, નાયબ મામલતદાર સુનીલ મેશરીયા સહિત બંને સરકારી કચેરીનો સંપુર્ણ સ્ટાફ મોટી સંખ્યામાં શિક્ષકમિત્રો ઉપસ્થિત રહ્યાં હતાં. રાજ્યમાં કેટલાંક બી.એલ.ઓ આ કામના ભારણને લઈ હતભાગી થયાં હતાં તેઓને સૌપ્રથમ શ્રાદ્ધાંજલિ, મૌન કાર્યક્રમ યોજાયો, ત્યારપછી પ્રાર્થના અને મંચસ્થ અધિકારીઓના સ્વાગત-સન્માન કરવામાં આવ્યાં હતાં. ત્યારબાદ ઉત્કૃષ્ઠ સરની કામગીરી કરનાર 77 બીએલઓ, 8 સુપરવાઈઝર અને 40 જેટલાં સરકારી કર્મચારીઓને સન્માનપત્ર આપીને વિશેષ બિરદાવવામાં આવ્યાં હતાં. મામલતદાર-ટીડીઓએ પ્રાસંગિક પ્રવચન આપેલ, અંતમાં આભાર વિધિ અને સ્વરૂચી ભોજન લઈ સૌ છૂટાં પડયાં હતાં.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
