Surendranagar: ગુગલીયાણામાં નાયબ કલેકટરે રોયલ્ટી પાસનું કૌભાંડ ઝડપ્યું
થાન તાલુકાના ગુગલીયાણા ગામે આવેલ કેશવ કોલ ઈન્ડસ્ટ્રીઝમાં રવીવારે મોડી સાંજે નાયબ કલેકટરની ટીમે આકસ્મીક રેડ કરી હતી. જેમાં પ વર્ષ પહેલા અવસાન પામેલા લીઝ ધારક સ્વ. હસમુખભાઈ કલ્યાણજીભાઈ સચદેવના નામે ઈસ્યુ થયેલા 774 બોગસ રોયલ્ટી પાસ ઝડપાયા હતા. સાયલા તાલુકાના ચોરવીરા, ઈશ્વરીયા, ચીત્રાલાંક જેવા ગામોમાંથી ગેરકાયદેસર ખનીજ ખનન કરીને તેને કાયદેસર કરી વેચાણ કરવા આ બોગસ રોયલ્ટી પાસ બનાવાયા હોવાનું પણ સામે આવ્યુ છે. જેમાં કેશવ કોલ ઈન્ડસ્ટ્રીઝના માલીક કૌશીક ઘનશ્યામભાઈ જાદવ અને રાકેશ ઘનશ્યામભાઈ જાદવ આ સમગ્ર કૌભાંડ આચરતા હતા. તંત્રે દરોડાના સ્થળેથી જેસીબી, લોડર મશીન, 4 ચારણા, ક્રશર પ્લાન્ટ, વજન કાંટો, 200 મેટ્રીક ટન કાર્બોસલ મળી રૂપીયા 78.80 લાખનો મુદ્દામાલ જપ્ત કરી વધુ તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam
Read Full Story arrow_forward
