Community News & Updates

Stay informed with the latest happenings, achievements, and announcements from our community.

All News

calendar_today March 30, 2026

Gujarat Weather : આગામી 3 કલાકમાં આ જિલ્લાઓમાં થશે માવઠું, 30 થી 40 કીમીએ પવન ફુંકાવાની આગાહી

ગુજરાતમાં હવામાન વિભાગ દ્વારા આગામી 3 કલાક માટે વરસાદની તાકીદની આગાહી કરવામાં આવી છે. વેધર બુલેટીન અનુસાર, આજે સાંજે 5 થી 8 વાગ્યા દરમિયાન રાજ્યના અનેક જિલ્લાઓમાં ગાજવીજ સાથે હળવોથી મધ્યમ વરસાદ પડી શકે છે. વેસ્ટર્ન ડિસ્ટર્બન્સની અસરને પગલે વાતાવરણમાં આવેલા પલટાથી ખેડૂતો અને સ્થાનિક રહેવાસીઓમાં ચિંતા ફેલાઈ છે.કયા જિલ્લાઓમાં આગાહી? હવામાન વિભાગે ખાસ કરીને કચ્છ, દેવભૂમિ દ્વારકા, જામનગર અને મોરબી જિલ્લાઓ માટે ચેતવણી જાહેર કરી છે. આ ઉપરાંત ઉત્તર ગુજરાતના પાટણ, બનાસકાંઠા, મહેસાણા, સાબરકાંઠા અને અરવલ્લીમાં પણ વરસાદી માહોલ રહેશે. દક્ષિણ ગુજરાતના ડાંગ અને તાપી જિલ્લાઓમાં પણ વરસાદની શક્યતા વ્યક્ત કરવામાં આવી છે. પવનની ગતિ અને સાવચેતી વરસાદની સાથે સાથે 30 થી 40 કિમી પ્રતિ કલાકની ઝડપે પવન ફૂંકાવાની પણ આગાહી છે. આ તેજ પવનને કારણે કાચા મકાનો, હોર્ડિંગ્સ અને ઉભા પાકને નુકસાન થવાની ભીતિ છે. આ પણ વાંચો---     Aravalli : મેઘરજ તાલુકામાં ચૂંટણી પહેલા કોંગ્રેસ અને AAPમાં મોટું ભંગાણ, 100થી વધુ કાર્યકરો ભાજપમાં જોડાયા

Read Full Story arrow_forward

calendar_today March 30, 2026

Surendranagar News: સાયલા હાઈવે પર અકસ્માત, બંધ પડેલી ખાનગી બસ પાછળ કન્ટેનર ટ્રક ઘૂસી, 7થી વધુ ઘાયલ

સુરેન્દ્રનગર જિલ્લાના લીંબડી-સાયલા નેશનલ હાઈવે પર આજે સવારે એક મોટી દુર્ઘટના સર્જાઈ છે. હાઈવે પર ટેકનિકલ ખામીના કારણે ઊભી રાખેલી ખાનગી લક્ઝરી બસ પાછળ પૂરપાટ ઝડપે આવી રહેલા એક કન્ટેનર ટ્રકે જોરદાર ટક્કર મારી હતી. અકસ્માત એટલો ભયાનક હતો કે, કન્ટેનરની ઠોકરથી બંધ બસ અંદાજે 100 ફૂટથી વધુ દૂર સુધી ઢસડાઈ હતી. આ ઘટનામાં બસના ડ્રાઈવર, ક્લીનર સહિત સાતથી વધુ મુસાફરોને ગંભીર ઈજાઓ પહોંચી છે.મધ્યપ્રદેશથી મોરબી જઈ રહી હતી બસ ઘટનાની મળતી માહિતી અનુસાર, ખાનગી ટ્રાવેલ્સની આ બસ મધ્યપ્રદેશથી મજૂરોને લઈને મોરબી જવા નીકળી હતી. સવારના દસ વાગ્યાના અરસામાં સાયલા નજીક પહોંચતા બસમાં કોઈ યાંત્રિક ખામી સર્જાતા ચાલકે બસને રોડની સાઈડમાં ઊભી રાખી હતી. બસમાં સવાર 50થી વધુ મુસાફરો આરામ કરી રહ્યા હતા, જ્યારે ડ્રાઈવર અને ક્લીનર બસની નીચે ઉતરીને ખામી શોધી રહ્યા હતા. ધડાકાભેર અથડામણ અને ચિચિયારીઓ બરાબર એ જ સમયે પાછળથી પૂરપાટ ઝડપે ધસી આવેલા કન્ટેનર ટ્રકના ચાલકે સ્ટેયરિંગ પરથી કાબૂ ગુમાવ્યો હતો અને બંધ બસને પાછળથી જોરદાર ટક્કર મારી હતી. ધડાકાભેર થયેલી અથડામણથી બસ 100 ફૂટ સુધી ઢસડાઈ હતી, જેના કારણે નીચે કામ કરી રહેલા ડ્રાઈવર અને ક્લીનર તેની અડફેટે આવી ગયા હતા. અકસ્માત થતા જ બસમાં સવાર મુસાફરોની ચીજવસ્તુઓ હાઈવે પર વેરાઈ ગઈ હતી અને ચિચિયારીઓથી વાતાવરણ ગુંજી ઉઠ્યું હતું. ઘાયલોને રાજકોટ-સુરેન્દ્રનગર ખસેડાયા ઘટનાની જાણ થતા જ 108 એમ્બ્યુલન્સનો કાફલો ઘટના સ્થળે દોડી આવ્યો હતો. પ્રાથમિક માહિતી મુજબ, ડ્રાઈવર અને ક્લીનરને ગંભીર ઈજાઓ થવાથી તેઓને વધુ સારવાર અર્થે રાજકોટ હોસ્પિટલ ખસેડવામાં આવ્યા છે, જ્યારે અન્ય પાંચ મુસાફરોને સાયલા અને ત્યારબાદ સુરેન્દ્રનગરની હોસ્પિટલમાં દાખલ કરવામાં આવ્યા છે. સાયલા પોલીસે અકસ્માત સર્જનાર ટ્રક ચાલક સામે ગુનો નોંધી આગળની કાર્યવાહી હાથ ધરી છે. આ પણ વાંચો - Surendranagar: મહિલાએ ડાકોરના ભાઈને કિડની આપી નવજીવન બક્ષ્યુ

Read Full Story arrow_forward

calendar_today March 30, 2026

Surendranagar News: અમદાવાદ-લીંબડી હાઈવે પર અકસ્માતની વણઝાર, બે ઘટનામાં 5 લોકો ઘાયલ

અમદાવાદ-લીંબડી નેશનલ હાઈવે પર અકસ્માતોનો સિલસિલો યથાવત રહ્યો છે. આજે હાઈવે પર અલગ-અલગ બે સ્થળોએ ગમખ્વાર અકસ્માત સર્જાયા હતા, જેમાં કુલ પાંચ લોકો લોહીલુહાણ થયા છે. બંને ઘટનામાં અકસ્માત સર્જીને જવાબદાર ચાલકો નાસી છૂટ્યા હોવાનું સામે આવ્યું છે. ઈજાગ્રસ્તોને તાત્કાલિક સારવાર અર્થે હોસ્પિટલ ખસેડવામાં આવ્યા છે.પ્રથમ અકસ્માત: કાર અને ટ્રેક્ટર વચ્ચે જોરદાર ટક્કર પ્રથમ ઘટનામાં અમદાવાદ-લીંબડી હાઈવે પર એક કાર અને ટ્રેક્ટર વચ્ચે જોરદાર ટક્કર થઈ હતી. આ અકસ્માત એટલો ભયાનક હતો કે, કારમાં સવાર ત્રણ લોકોને ગંભીર ઈજાઓ પહોંચી હતી. અકસ્માત સર્જ્યા બાદ ટ્રેક્ટરનો ચાલક પોતાનું વાહન મૂકીને અથવા વાહન સાથે ત્યાંથી ફરાર થઈ ગયો હતો. હાઈવે પરથી પસાર થતા રાહદારીઓએ તાત્કાલિક 108 એમ્બ્યુલન્સને જાણ કરી હતી. બીજો અકસ્માત: જનશાળીના પાટિયા પાસે એક્ટિવાને કારે ઉડાવ્યું જ્યારે બીજી ઘટના લીંબડી નજીક જનશાળીના પાટિયા પાસે બની હતી. અહીં પૂરપાટ ઝડપે આવી રહેલા એક કાર ચાલકે એક્ટિવા સવાર બે વ્યક્તિઓને જોરદાર ટક્કર મારી હતી. ટક્કર એટલી જોરદાર હતી કે, ટુ-વ્હીલર સવાર બંને વ્યક્તિઓ રોડ પર ફંગોળાયા હતા અને ઈજાગ્રસ્ત થયા હતા. આ ઘટનામાં પણ કાર ચાલક અકસ્માત સર્જીને પોતાની કાર સાથે નાસી છૂટવામાં સફળ રહ્યો હતો. ઈજાગ્રસ્તોને સુરેન્દ્રનગર રિફર કરાયા બંને અકસ્માતના પાંચેય ઈજાગ્રસ્તોને સૌ પ્રથમ 108 મારફતે લીંબડીની સિવિલ હોસ્પિટલ ખાતે લઈ જવામાં આવ્યા હતા. જોકે, ઈજાઓ ગંભીર હોવાથી પ્રાથમિક સારવાર બાદ તમામ દર્દીઓને વધુ સારવાર માટે સુરેન્દ્રનગરની હોસ્પિટલમાં રિફર કરવામાં આવ્યા છે. લીંબડી પોલીસે આ મામલે ગુનો નોંધી ફરાર થયેલા કાર અને ટ્રેક્ટર ચાલકોની શોધખોળ હાથ ધરી છે. આ પણ વાંચો - Surendranagar News: સાયલા હાઈવે પર અકસ્માત, બંધ પડેલી ખાનગી બસ પાછળ કન્ટેનર ટ્રક ઘૂસી, 7થી વધુ ઘાયલ

Read Full Story arrow_forward