Community News & Updates

Stay informed with the latest happenings, achievements, and announcements from our community.

All News

calendar_today March 27, 2026

Ahmedabad : અનેક લોકોને જમીન અને કન્સ્ટ્રક્શન સ્કીમમાં ઊંચા વળતરની લાલચ આપી 400 કરોડનું જમીન કૌભાંડ

અમદાવાદ શહેરમાં જમીન અને બિલ્ડિંગ સ્કીમમાં રોકાણના નામે કરોડો રૂપિયાનું ફૂલેકું ફેરવનાર ઠગ ટોળકીનો આર્થિક ગુના નિવારણ શાખાએ પર્દાફાશ કર્યો છે. સોલા રોડ પર આવેલા શુકન મોલમાં ઓફિસ ધરાવતા 'પટેલ બ્રધર્સ' તરીકે ઓળખાતા મિતેશ પટેલ, પ્રતીક પટેલ અને મિતેશની પત્ની મોક્ષા પટેલની પોલીસે ધરપકડ કરી છે. પ્રાથમિક તપાસમાં 41 કરોડની છેતરપિંડીની ફરિયાદ નોંધાઈ છે, પરંતુ ભોગ બનનારાઓના મતે આ આંકડો 400 કરોડને પાર કરી શકે તેમ છે.દુબઈ રિટર્ન રોકાણકારો પણ બન્યા ભોગ આ ઠગ ટોળકીની મોડસ ઓપરેન્ડી અત્યંત શાતિર હતી. સપ્ટેમ્બર 2021 થી માર્ચ 2026 દરમિયાન આરોપીઓએ અનેક લોકોને જમીન અને કન્સ્ટ્રક્શન સ્કીમમાં ઊંચા વળતરની લાલચ આપી રોકાણ કરાવ્યું હતું. નવાઈની વાત એ છે કે, દુબઈથી અમદાવાદ સેટલ થવા માંગતા એક પરિવારે પોતાની વિદેશની તમામ સંપત્તિ વેચીને અહીં રોકાણ કર્યું હતું, જેમને પણ આ દંપતીએ લાખોનો ચૂનો લગાવ્યો છે. ખોટી સહીઓ અને હાઈ-પ્રોફાઈલ લાઈફસ્ટાઈલ તપાસમાં સામે આવ્યું છે કે આરોપીઓ જમીન માલિકોની ખોટી સહીઓ કરી રોકાણકારોને પહોંચ આપતા હતા. જ્યારે દસ્તાવેજનો સમય આવે ત્યારે અલગ-અલગ બહાના બતાવી ઓફિસને તાળા મારી દેતા હતા. લોકોના પરસેવાની કમાણી પર આ ત્રણેય આરોપીઓ હાઈ-પ્રોફાઈલ જીવન જીવતા હતા. ભોગ બનનારાઓના ટોળા ઉમટતા પોલીસે વધુ તપાસ તેજ કરી છે અને અન્ય ભોગ બનનારાઓને પણ પોલીસનો સંપર્ક કરવા અપીલ કરવામાં આવી છે. આગામી દિવસોમાં આ કૌભાંડમાં વધુ મોટા ખુલાસા થવાની શક્યતા છે.આ પણ વાંચો----    Mehsana : દારૂડિયા માટે બનાવેલા પાંજરામાં કાકાની બોણી! કૂતૂહલ પડ્યું ભારે

Read Full Story arrow_forward

calendar_today March 27, 2026

Navsari ભાજપમાં મોટી કાર્યવાહી: જલાલપોરના 33 બળવાખોરોના રાજીનામા સ્વીકારાયા, નવું માળખું જાહેર

નવસારી જિલ્લા ભાજપ સંગઠનમાં ચાલી રહેલા આંતરિક અસંતોષ અને બળવાખોર તેવર સામે પ્રદેશ ભાજપે લાલ આંખ કરી છે. ખાસ કરીને જલાલપોર તાલુકામાં ભાજપ પ્રમુખ સહિત કાર્યકરોના સામૂહિક રાજીનામાના દોર બાદ પક્ષે નમતું જોખવાને બદલે કડક શિસ્તબદ્ધ કાર્યવાહીનો માર્ગ અપનાવ્યો છે. જલાલપોર તાલુકા ભાજપમાં પડેલા 58 જેટલા રાજીનામા પૈકી જિલ્લા ભાજપે 33 જેટલા રાજીનામા તાત્કાલિક અસરથી સ્વીકારી લઈને બળવાખોરોને ઘરભેગા કરી દીધા છે.જલાલપોર તાલુકાના 58 રાજીનામા પડ્યા હતા રાજકીય વર્તુળોમાં ચર્ચાઈ રહ્યું છે કે, શિસ્તભંગ કરનારા તત્વો સામે દાખલો બેસાડવા માટે પ્રદેશ સંગઠનની સીધી સૂચનાથી આ કાર્યવાહી કરવામાં આવી છે. જે કાર્યકરોએ દબાણ ઊભું કરવા માટે રાજીનામાના હથિયારનો ઉપયોગ કર્યો હતો, તેમને જ પક્ષમાંથી વિદાય આપી દેવામાં આવી છે. આ મોટા ફેરબદલને પગલે જિલ્લાના રાજકારણમાં ભારે ખળભળાટ મચી ગયો છે. ભાજપે સ્પષ્ટ સંદેશ આપ્યો છે કે પક્ષમાં શિસ્ત સૌથી ઉપર છે અને કોઈપણ પ્રકારની બળવાખોરી સાંખી લેવામાં આવશે નહીં. પ્રદેશની સૂચનાથી નવું માળખું જાહેર થયું રાજીનામા સ્વીકાર્યા બાદ વિલંબ કર્યા વિના પ્રદેશ ભાજપની સૂચનાથી જલાલપોર તાલુકાનું નવું સંગઠન માળખું પણ જાહેર કરી દેવામાં આવ્યું છે. નવા માળખામાં પક્ષને વફાદાર રહેનારા ચહેરાઓને સ્થાન આપીને સંગઠનને ફરી બેઠું કરવાની કવાયત હાથ ધરાઈ છે. આ આક્રમક વલણથી અન્ય અસંતુષ્ટ જૂથોમાં પણ ફફડાટ વ્યાપ્યો છે. આગામી દિવસોમાં નવું માળખું કેવી રીતે કામગીરી કરે છે અને બળવાખોરોનું આગળનું પગલું શું હશે તેના પર સૌની નજર મંડાયેલી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 27, 2026

Ahmedabad : ગ્રામ્ય વિસ્તારોમાં લોકોના કાન કાપી ઘરેણાં ચોરતી ક્રૂર ગેંગ પકડાઇ, 6 ગુનાનો ભેદ ઉકેલાયો

અમદાવાદ ગ્રામ્ય વિસ્તારમાં ખેતરોમાં સૂતેલા ખેડૂતો અને મહિલાઓને નિશાન બનાવી, તેમના કાન કાપી સોના-ચાંદીની લૂંટ ચલાવતી અત્યંત ક્રૂર ગેંગનો અમદાવાદ ગ્રામ્ય LCBએ પર્દાફાશ કર્યો છે. છેલ્લા છ મહિનાથી ખેડૂતોમાં ભય ફેલાવનાર આ ગેંગના બે મુખ્ય સાગરીતો સંજય ઝીલીયા અને દશરથ દેવીપૂજકની ધરપકડ કરવામાં આવી છે. આ ધરપકડ સાથે ગ્રામ્ય પોલીસ સ્ટેશન વિસ્તારના કુલ 6 લૂંટના ગુનાઓનો ભેદ ઉકેલાયો છે.ક્રૂર મોડસ ઓપરેન્ડી અને રેકી આ ગેંગની કામ કરવાની પદ્ધતિ સાંભળીને જ રૂંવાડા ઉભા થઈ જાય તેવી હતી. આરોપીઓ દિવસે ઢોર ખરીદવાના બહાને ગ્રામ્ય વિસ્તારોમાં રેકી કરતા હતા. તેઓ ખાસ કરીને એવા ખેતરો અને સીમ વિસ્તારો શોધતા હતા જ્યાં વૃદ્ધ ખેડૂતો કે મહિલાઓ એકલા રાત્રિના સમયે પાકની રખેવાળી કરતા હોય. રાત્રિના અંધકારમાં આ શખ્સો હુમલો કરી, સૂતેલા લોકોના કાન કાપીને કાનમાં પહેરેલી સોનાની વાળીઓ અને બુટ્ટીઓ આંચકી લેતા હતા. આ હિંસક લૂંટને કારણે ખેડૂતોમાં ભારે ભયનો માહોલ ફેલાયો હતો. LCBની કાર્યવાહી અને મુદ્દામાલ અમદાવાદ ગ્રામ્ય LCB પીઆઈ આર.એન. કરમટીયાના માર્ગદર્શન હેઠળ ટેકનિકલ સર્વેલન્સ અને બાતમીદારોની મદદથી આ ઓપરેશન પાર પાડવામાં આવ્યું હતું. પકડાયેલા આરોપીઓ પાસેથી પોલીસે 57 ગ્રામ સોનું અને 9 ગ્રામ ચાંદી સહિત કુલ ₹6.99 લાખનો મુદ્દામાલ કબજે કર્યો છે. હાલમાં આ આરોપીઓને વધુ તપાસ માટે સાણંદ ટાઉન પોલીસ સ્ટેશનને સોંપવામાં આવ્યા છે. ગેંગનો ત્રીજો આરોપી હજુ ફરાર છે, જેને પકડવા માટે ચક્રો ગતિમાન કર્યા છે. આ કાર્યવાહીથી ગ્રામ્ય પંથકના ખેડૂતોએ રાહતનો શ્વાસ લીધો છે. આ પણ વાંચો---   Mehsana : દારૂડિયા માટે બનાવેલા પાંજરામાં કાકાની બોણી! કૂતૂહલ પડ્યું ભારે

Read Full Story arrow_forward