Amreli: સીસી રોડના સેમ્પલ ફેઈલ થતા તંત્રમાં દોડધામ, મંત્રીની સૂચનાથી કામગીરી ઠપ્પ કરી તોડફોડ શરૂ
અમરેલી શહેરમાં વિકાસના કામોમાં નબળી ગુણવત્તા અને ભ્રષ્ટાચાર સામે રાજ્યના મંત્રી અને સ્થાનિક ધારાસભ્ય કૌશિક વેકરીયાએ લાલ આંખ કરી છે. અમરેલી શહેરમાં આશરે રૂપિયા 11 કરોડના ખર્ચે હજુ એક મહિના પહેલા જ બનેલા સીસી રોડની ગુણવત્તા અત્યંત નબળી હોવાનું સામે આવતા મંત્રીએ કડક કાર્યવાહીના આદેશ આપ્યા છે.સેમ્પલ ટેસ્ટમાં પોલ ખુલીઆર્ટસ કોલેજ પાસે બનાવવામાં આવેલા સીસી રોડ અંગે મંત્રી કૌશિક વેકરીયાને ફરિયાદો મળી હતી. આ ફરિયાદોને આધારે લેબમાં સેમ્પલ મોકલવામાં આવ્યા હતા, જે ટેસ્ટમાં ફેઈલ સાબિત થયા હતા. નબળી ગુણવત્તાનો ઘટસ્ફોટ થતા મંત્રીએ તુરંત જ અધિકારીઓનો ઉધડો લીધો હતો અને નબળું કામ તોડી પાડવા સૂચના આપી હતી.એજન્સીએ સ્વીકારી ભૂલમંત્રીના કડક વલણને પગલે રોડ બનાવનાર કોન્ટ્રાક્ટર એજન્સીએ પણ કામમાં નબળી ગુણવત્તા રહી ગઈ હોવાનું સ્વીકાર્યું છે અને માફી માંગી છે. આજે સવારથી જ આર્ટસ કોલેજ સામેના અંદાજે ૧૨૫ મીટર લાંબા રોડને તોડવાની કામગીરી શરૂ કરી દેવામાં આવી છે. એજન્સી હવે આ રોડ પોતાના ખર્ચે ફરીથી મજબૂત ગુણવત્તા સાથે બનાવશે.સમગ્ર જિલ્લામાં તપાસના આદેશમંત્રી કૌશિક વેકરીયાએ માત્ર આ એક રોડ જ નહીં, પરંતુ અમરેલી જિલ્લામાં હાલમાં જે પણ માર્ગોના કામો ચાલી રહ્યા છે અથવા પૂર્ણ થયા છે, તે તમામના સેમ્પલ લેવાની સૂચના આપી છે. તેમણે સ્પષ્ટ કર્યું છે કે પ્રજાના ટેક્સના પૈસાનો દુરુપયોગ કે ભ્રષ્ટાચાર કોઈપણ સંજોગોમાં ચલાવી લેવામાં આવશે નહીં.આ પણ વાંચો: Una: નવાબંદર દરિયાકાંઠે લાંગરેલી બોટમાં ભીષણ આગ, એક પછી એક બોટો ઝપેટમાં આવતા લાખોનું નુકસાન
Read Full Story arrow_forward
