Community News & Updates

Stay informed with the latest happenings, achievements, and announcements from our community.

All News

calendar_today March 26, 2026

Gujarat News: યુદ્ધની સ્થિતિ વચ્ચે પેટ્રોલ ડિઝલના ભાવમાં વધારો

ગુજરાતમાં છેલ્લા ત્રણેક દિવસથી પેટ્રોલ અને ડીઝલની અછત વચ્ચે લોકોમાં ભારે પેનિક થયું હતું. પેટ્રોલ પંપ પર વાહન ચાલકોની લાંબી લાઈનો લાગી હતી. સરકાર અને તંત્ર દ્વારા ઈંધણનો પૂરતો જથ્થો ઉપલબ્ધ છે કોઈએ ખોટી અફવાઓમાં આવવાની જરૂર નથી એવી જાહેરાતો કરી હતી. બીજી તરફ યુદ્ધની સ્થિતિ વચ્ચે ઈંધણની અછતની ચર્ચાઓ વધુ ગરમ થઈ રહી છે ત્યારે નાયરા દ્વારા પેટ્રોલ અને ડીઝલના ભાવમાં વધારો કરવામાં આવ્યો છે. નાયરા કંપનીએ ઈંધણના ભાવમાં વધારો કર્યો યુદ્ધની સ્થિતિ વચ્ચે નાયરા દ્વારા પેટ્રોલ અને ડીઝલના ભાવમાં વધારો કરવામાં આવ્યો છે. નાયરા કંપનીએ ઈંધણના ભાવમાં વધારો કર્યો છે. પેટ્રોલમાં પાંચ અને ડીઝલમાં ત્રણ રૂપિયાનો વધારો કર્યો છે. હવેથી નાયરાના પેટ્રોલ પંપ પર વાહન ચાલકોને એક લિટર પેટ્રોલ 99.65 રૂપિયાના ભાવે મળશે. જ્યારે એક લિટર ડીઝલ 93.07 રૂપિયાના ભાવે મળશે. હજી સુધી અન્ય કંપનીઓ દ્વારા ઈંધણના ભાવમાં કોઈ વધારો કરવામાં આવ્યો નથી. રાજકોટમાં પણ નાયરા કંપનીએ ઈંધણના ભાવમાં વધારો કર્યો છે. રાજકોટમાં નાયરા કંપનીના પેટ્રોલ પંપ પર 99.44 અને ડીઝલ 92.88 રૂપિયાના ભાવે વેચાણ થશે. જ્યારે સુરતમાં નાયરા કંપનીનું પેટ્રોલ 99.56 અને ડીઝલ 93 રૂપિયાના ભાવે વેચાશે.

Read Full Story arrow_forward

calendar_today March 26, 2026

Surendranagar News : વઢવાણ વિસ્તારમાં કનેક્ટિવિટીમાં થશે વધારો, દૂધરેજ -ખોડુ- વેળાવદર રોડના રૂ.30.54 કરોડના કામનું ખાતમુહૂર્ત

સુરેન્દ્રનગર જિલ્લાના વઢવાણ તાલુકાના ગ્રામીણ વિસ્તારોમાં પરિવહન સુવિધા વધુ સુદ્રઢ બનાવવાના અભિગમ સાથે આજે દૂધરેજ-ખોડુ-વેળાવદર રોડના સ્ટ્રેટનિંગ અને વાઈડનિંગના કામનું ખાતમુહૂર્ત નાયબ મુખ્ય દંડક જગદીશભાઈ મકવાણાના વરદ હસ્તે આજે કરવામાં આવ્યું હતું. સામાજિક-આર્થિક વિકાસને નવી દિશા આપશે તેવો આશાવાદ તેમણે વ્યક્ત કર્યો હતો આ પ્રસંગે નાયબ મુખ્ય દંડક જગદીશભાઈ મકવાણાએ જણાવ્યું હતું કે, રાજ્ય સરકાર છેવાડાના માનવી સુધી વિકાસના ફળો પહોંચાડવા અને ગ્રામીણ વિસ્તારોમાં રોડ રસ્તા સહિતની આંતરમાળખાકીય સુવિધાઓ સુદ્રઢ કરવા માટે કટિબદ્ધ છે. આ માર્ગના નિર્માણથી સ્થાનિક ખેડૂતો, પશુપાલકો અને વેપારીઓ માટે જિલ્લા મથક સુધીની અવરજવર વધુ સરળ અને ઝડપી બનશે. આશરે ૨૨ કિલોમીટર લંબાઈ ધરાવતો આ માર્ગ વાહનવ્યવહાર માટે અત્યંત મહત્વનો સાબિત થશે અને સમગ્ર પંથકના સામાજિક-આર્થિક વિકાસને નવી દિશા આપશે તેવો આશાવાદ તેમણે વ્યક્ત કર્યો હતો. અકસ્માતોનું પ્રમાણ ઘટશે અને વાહનચાલકોના સમયની બચત થશે માર્ગ અને મકાન વિભાગ (રાજ્ય) સુરેન્દ્રનગર હસ્તકના આ પ્રોજેક્ટની વિગતો આપતા જણાવાયું હતું કે, દૂધરેજ- ખોડુ- વેળાવદર રોડના ૨૨ કિ.મી. સુધીનું કામ અંદાજે રૂ. ૩૦.૫૪ કરોડના ખર્ચે હાથ ધરવામાં આવશે. આ કામગીરી અંતર્ગત હાલના ૩.૭૫ મીટર થી ૫.૫૦ મીટર સુધીની મર્યાદિત પહોળાઈ ધરાવતા રસ્તાને સ્ટાન્ડર્ડ ૭.૦૦ મીટર સુધી પહોળો કરવામાં આવશે. આ માર્ગના નવીનીકરણની સાથે રસ્તા પરના જૂના અને નુકસાન પામેલા સ્ટ્રક્ચરોનું નવનિર્માણ કરવામાં આવશે. આ ઉપરાંત, સલામત પરિવહન માટે રોડ ફર્નિશિંગ અને જરૂરી સેફ્ટી સાઈન બોર્ડ જેવી આધુનિક સુવિધાઓ પણ આ પ્રોજેક્ટ હેઠળ ઉપલબ્ધ કરાવાશે, જેનાથી અકસ્માતોનું પ્રમાણ ઘટશે અને વાહનચાલકોના સમયની બચત થશે. ટાઉન પ્લાનિંગ સ્કીમ્સ પર ઝડપથી કામગીરી ચાલી રહી છે નોંધનીય છે કે, વડાપ્રધાન નરેન્દ્રભાઈ મોદી અને મુખ્યમંત્રી ભૂપેન્દ્રભાઈ પટેલની 'ડબલ એન્જિન' સરકાર દ્વારા રાજ્યમાં અનેકવિધ વિકાસના કામોને વધુ ગતિ આપીને જન-જન સુધી પહોંચાડવાનું મુખ્ય લક્ષ્ય છે. મુખ્યમંત્રી ભૂપેન્દ્રભાઈ પટેલના દિશા-નિર્દેશ હેઠળ સુરેન્દ્રનગર જિલ્લાના સર્વાંગી વિકાસ માટે રાજ્ય સરકાર સતત પ્રયત્નશીલ છે. મુખ્યમંત્રી દ્વારા સુરેન્દ્રનગરને આધુનિક અને સુવિધાસજ્જ બનાવવા માટે વિશેષ ગ્રાન્ટની ફાળવણી કરવામાં આવી છે. રાજ્ય સરકારના નેતૃત્વ હેઠળ જિલ્લામાં 'સ્વર્ણિમ જયંતિ મુખ્યમંત્રી શહેરી વિકાસ યોજના' અંતર્ગત રસ્તા, ગટર અને લાઈટિંગની સુવિધાઓને વધુ સુદ્રઢ બનાવવામાં આવી રહી છે. ખાસ કરીને સુરેન્દ્રનગરના શહેરી વિસ્તારોમાં ટ્રાફિકની સમસ્યા હળવી કરવા માટે નવા રસ્તાઓ અને ટાઉન પ્લાનિંગ સ્કીમ્સ પર ઝડપથી કામગીરી ચાલી રહી છે, જેનો લાભ લાખો નાગરિકોને મળશે. પાણીની લાઈનોનું વિસ્તરણ અને શૈક્ષણિક સુવિધાઓના નવીનીકરણનો સમાવેશ થાય છે આ વિકાસ કામો થકી સુરેન્દ્રનગર જિલ્લો આગામી સમયમાં રાજ્યના અગ્રણી વિકસિત જિલ્લાઓમાં સ્થાન પામશે. સુરેન્દ્રનગર જિલ્લાના માર્ગ પરિવહનને વધુ વેગીલું બનાવવાના હેતુથી તાજેતરમાં સુરેન્દ્રનગર અને વઢવાણ વિસ્તારમાં અનેકવિધ વિકાસલક્ષી કાર્યોનું લોકાર્પણ અને ખાતમુહૂર્ત કરવામાં આવ્યું છે, જેમાં ખાસ કરીને ગ્રામીણ માર્ગોની કનેક્ટિવિટી, પીવાના પાણીની લાઈનોનું વિસ્તરણ અને શૈક્ષણિક સુવિધાઓના નવીનીકરણનો સમાવેશ થાય છે. સ્થાનિક પંચાયતના પ્રતિનિધિઓ અને ગ્રામજનો મોટી સંખ્યામાં ઉપસ્થિત રહ્યા હતા સુરેન્દ્રનગર મહાનગરપાલિકા વિસ્તારમાં જનસુખાકારી અને આંતરમાળખાકીય સુવિધાઓમાં વધારો કરવાના ઉદ્દેશ્ય સાથે તાજેતરમાં જ હવામહેલ ખાતેથી શ્રી જગદીશભાઈ મકવાણાના હસ્તે કુલ રૂ. ૧૩.૫૯ કરોડના વિવિધ વિકાસલક્ષી કામોનું ઈ-ખાતમુહૂર્ત અને લોકાર્પણ પણ કરવામાં આવ્યું હતું. આ સાથે જિલ્લામાં નવા 'આઈકોનિક રોડ', કોલેજથી ગેબનશાહ પીર સુધીના રિવરફ્રન્ટ અને રતનપરથી વઢવાણ સુધીના રિવરફ્રન્ટના કામો પણ આયોજન હેઠળ છે. શહેરમાં ટ્રાફિકની સમસ્યાના કાયમી ઉકેલ માટે મેક્સન સર્કલથી દાળમિલ રોડ સુધી રૂ. ૬૯ કરોડના ખર્ચે બ્રિજ બનાવવાની દરખાસ્ત પણ કરવામાં આવી છે. આ ઉપરાંત સુરેન્દ્રનગરની શાન સમાન દૂધરેજ તળાવના નવીનીકરણનું કાર્ય પૂર્ણ કરી તેને જનતા માટે ખુલ્લું મૂકવામાં આવ્યું છે. આ ખાતમુહૂર્ત પ્રસંગે જિલ્લા - તાલુકાનાં હોદ્દેદારો, આગેવાનો, અગ્રણીઓ, માર્ગ અને મકાન વિભાગના અધિકારીઓ સહિત સ્થાનિક પંચાયતના પ્રતિનિધિઓ અને ગ્રામજનો મોટી સંખ્યામાં ઉપસ્થિત રહ્યા હતા. આ પણ વાંચો : Extra Comment : સાઉદી કે ગલ્ફના દેશો કેમ યુદ્ધમાં ઝૂકાવતા નથી ?

Read Full Story arrow_forward

calendar_today March 26, 2026

Air India: દિલ્હીથી લંડન જઇ રહી હતી એરઇન્ડિયાની ફ્લાઇટ..અચાનક આવી ટેક્નિકલ ખામી

એર ઇન્ડિયા અંગે વધુ એક ચિંતાજનક સમાચાર સામે આવ્યા છે. ગુરુવારે બપોરે, દિલ્હીથી લંડનના હીથ્રો એરપોર્ટ જતી એર ઇન્ડિયાની ફ્લાઇટમાં ટેકનિકલ ખામી સર્જાઈ હતી. પરિણામે, વિમાનને ઉડાન ભર્યાના કલાકો પછી દિલ્હી પરત ફરવાની ફરજ પડી હતી. આ ઘટનાએ મુસાફરોને અણધારી અસુવિધાનો સામનો કરવો પડ્યો હતો, ખરેખર શું થયું?ગુરુવારે સવારે, લગભગ 6:00 વાગ્યે, એર ઇન્ડિયાની ફ્લાઇટ AI111 દિલ્હીથી લંડન માટે રવાના થઈ હતી. ફ્લાઇટ ટ્રેકિંગ વેબસાઇટ Flightradar24.com પર ઉપલબ્ધ માહિતી અનુસાર, વિમાનને પાછું વાળવાનો મહત્વપૂર્ણ નિર્ણય ત્યારે લેવામાં આવ્યો હતો જ્યારે તે સાઉદી અરેબિયાના હવાઈ ક્ષેત્રમાં હતું. આ નિર્ણય પહેલાં, વિમાન લગભગ ચાર કલાક સુધી ઉડાન ભરી ચૂક્યું હતું.પરત ફરવાની મુસાફરી સહિત, વિમાન બપોરે 12:30 વાગ્યે દિલ્હી એરપોર્ટ પર સુરક્ષિત રીતે પાછું ઉતરાણ કરતા પહેલા કુલ સાત કલાક સુધી ઉડાન ભરી રહ્યું હતું. સૂત્રોએ સંકેત આપ્યો છે કે ફ્લાઇટ દરમિયાન કેબિનની અંદર ચોક્કસ અવાજો સંભળાયા હતા, જેના કારણે રૂટ બદલવાનો નિર્ણય લેવામાં આવ્યો હતો. આ ફ્લાઇટમાં કુલ કેટલા મુસાફરો હતા તેની ચોક્કસ વિગતો હાલમાં ઉપલબ્ધ નથી. એર ઇન્ડિયાએ તેના સત્તાવાર નિવેદનમાં શું કહ્યું? આ ઘટનાના જવાબમાં, એર ઇન્ડિયાના પ્રવક્તાએ જણાવ્યું હતું કે વિમાન પરત કરવાનો નિર્ણય સાવચેતીના પગલા તરીકે લેવામાં આવ્યો હતો. શંકાસ્પદ ટેકનિકલ ખામી મળી આવ્યા બાદ આ પગલું લેવામાં આવ્યું હતું. પ્રવક્તાએ પુષ્ટિ આપી હતી કે વિમાન સુરક્ષિત રીતે ઉતરાણ કર્યું છે અને હાલમાં એર ઇન્ડિયાના કડક સલામતી ધોરણો અનુસાર વિગતવાર ટેકનિકલ નિરીક્ષણ હેઠળ છે. પ્રવક્તાએ વધુમાં નોંધ્યું હતું કે આ વ્યાપક નિરીક્ષણ પ્રક્રિયા પૂર્ણ કરવા માટે વધારાનો સમય લાગશે. મુસાફરોને થયેલી અણધારી અસુવિધા બદલ દિલગીરી વ્યક્ત કરતા, એરલાઇન્સે ખાતરી આપી હતી કે તે શક્ય તેટલી વહેલી તકે તેમને લંડન પહોંચાડવા માટે શક્ય તમામ પ્રયાસો કરી રહી છે. શું આ ટેકનિકલ ખામીમાં સામેલ વિમાન અગાઉ સમાન ઘટનાઓમાં સામેલ હતું?એર ઇન્ડિયાએ આ વર્ષની શરૂઆતમાં, જાન્યુઆરી 2024 માં આ નવા A350-900 વિમાન સાથે કામગીરી શરૂ કરી હતી. આ ઘટનામાં સામેલ વિમાન (VT-JRF) માં તકનીકી સમસ્યાઓનો અગાઉનો રેકોર્ડ હોવાનું પણ બહાર આવ્યું છે.સૂત્રોના જણાવ્યા અનુસાર, 15 માર્ચે પણ આ વિમાનમાં ટેકનિકલ ખામી સર્જાઈ હતી. તે સમયે, વિમાન ન્યૂ યોર્કથી દિલ્હી જઈ રહ્યું હતું અને ટેકનિકલ સમસ્યાને કારણે તેને શેનોન, આયર્લેન્ડ વાળવું પડ્યું હતું. આટલા ટૂંકા ગાળામાં એક જ વિમાનમાં બે વાર ટેકનિકલ ખામી સર્જાઈ તે એરલાઇનના કાફલાના જાળવણીના દૃષ્ટિકોણથી ધ્યાન ખેંચે તેવી બાબત છે. એર ઇન્ડિયાના નવા A350-900 વિમાનમાં દેખાતી આ ટેકનિકલ ખામીઓ એરલાઇન માટે ઓપરેશનલ ચિંતાનું કારણ બની શકે છે. આગળ જતાં, આ ઘટનાના વિગતવાર ટેકનિકલ મૂલ્યાંકન અહેવાલ દ્વારા ખામીનું મૂળ કારણ નક્કી કરવામાં આવશે.આ પણ વાંચો: ભારતના કયા રાજ્યમાં તેલના સૌથી વધારે કૂવા ?

Read Full Story arrow_forward