Sanand: ખોરજ પાટીયા પાસે ડમ્પરની અડફેટે બાઈક સવારનું મોત, રોષે ભરાયેલા સ્થાનિકોનો ચક્કાજામ
સાણંદ-વિરમગામ હાઈવે પર એક ગમખ્વાર અકસ્માતને પગલે ભારેલા અગ્નિ જેવી સ્થિતિ સર્જાઈ હતી. ખોરજ પાટીયા પાસે પુરપાટ ઝડપે આવતા એક ડમ્પર ચાલકે બાઈક સવારને અડફેટે લેતા તેમનું ઘટનાસ્થળે જ કમકમાટીભર્યું મોત નીપજ્યું હતું. આ ઘટના બાદ સ્થાનિક લોકોનો રોષ ફાટી નીકળ્યો હતો અને હાઈવે પર ચક્કાજામ કરી દેવામાં આવ્યો હતો.રોડ ક્રોસ કરતી વખતે કાળ ભેટ્યોમળતી માહિતી મુજબ, સાણંદના દોદર ગામના રહેવાસી બાબુભાઈ પરમાર પોતાની બાઈક લઈને રોડ ક્રોસ કરવા ઊભા હતા. આ દરમિયાન બેફામ ગતિએ આવતા ડમ્પરે તેમની બાઈકને જોરદાર ટક્કર મારી હતી. અકસ્માત એટલો ભયાનક હતો કે બાબુભાઈનું સ્થળ પર જ મોત થયું હતું.સ્થાનિકોનો ઉગ્ર વિરોધખોરજ પાટીયા પાસે વારંવાર અકસ્માતો થતા હોવાથી સ્થાનિક રહીશોમાં લાંબા સમયથી રોષ હતો. આ અકસ્માત બાદ લોકોએ હાઈવે પર ઉતરી આવી ટ્રાફિક જામ કરી દીધો હતો. લોકોની સ્પષ્ટ માંગ છે કે આ પોઈન્ટ પર તાત્કાલિક સ્પીડ બ્રેકર મૂકવામાં આવે જેથી વાહનોની ગતિ પર લગામ લગાવી શકાય અને નિર્દોષ લોકોના જીવ બચાવી શકાય.પોલીસની કામગીરીઘટનાની જાણ થતા જ સાણંદ GIDC પોલીસનો કાફલો સ્થળ પર પહોંચી ગયો હતો. પોલીસે સમયસૂચકતા વાપરીને અકસ્માત સર્જનાર ડમ્પર ચાલકને ઝડપી પાડ્યો છે. પોલીસે રોષે ભરાયેલા લોકોને સમજાવીને હાઈવે પરનો ટ્રાફિક રાબેતા મુજબ કરવા પ્રયાસો હાથ ધર્યા છે. હાલમાં મૃતદેહને પોસ્ટમોર્ટમ અર્થે ખસેડી વધુ તપાસ શરૂ કરવામાં આવી છે.આ પણ વાંચો: Dang: જિલ્લામાં પેટ્રોલ-ડીઝલનો પૂરતો જથ્થો ઉપલબ્ધ, વહીવટી તંત્રએ જનતાને ગેરમાર્ગે ન દોરાવા કરી અપીલ
Read Full Story arrow_forward
