Community News & Updates

Stay informed with the latest happenings, achievements, and announcements from our community.

All News

calendar_today March 24, 2026

Gandhinagar News: આજે વિધાનસભામાં નાયબ મુખ્યમંત્રી હર્ષ સંઘવી UCC બિલ રજૂ કરશે

તાજેતરમાં જ ગુજરાત સરકારને UCC કમિટીએ ફાઈનલ રિપોર્ટ સોંપ્યો હતો. મુખ્યમંત્રીના નિવાસ સ્થાને જ આ રિપોર્ટ સુપ્રત કરાયો હતો. હવે આ કાયદો બનવાની પ્રક્રિયા તેજ કરાઈ છે. વિધાનસભામાં આજે રાજ્ય સરકાર દ્વારા આ બિલ રજૂ કરવામાં આવશે. ભાજપના તમામ ધારાસભ્યોને ગૃહમાં હાજર રહેવા માટે સૂચનાઓ આપી દેવામાં આવી છે. નાયબ મુખ્યમંત્રી હર્ષ સંઘવી આ બિલ રજૂ કરશે. આજે કૂલ ત્રણ સરકારી વિધેયક પર ચર્ચા અને મતદાન થશે. પ્રથમ 60 મિનિટ સુધી પ્રશ્નોત્તરી કાળ રહેશે. યુનિફોર્મ સિવિલ કોર્ડ બિલને આજે વિધાનસભામાં રજૂ કરવામાં આવશે. ભાજપના તમામ ધારાસભ્યોને વિધાનસભામાં હાજર રહેવા માટે સૂચનાઓ આપવામાં આવી છે. વિધાનસભાના સત્રનો આજે 22મો દિવસ છે. આજે ગૃહમાં નાયબ મુખ્યમંત્રી યુસીસી બિલ રજૂ કરશે. બપોરે 12 વાગ્યે ગૃહની કાર્યવાહી શરૂ થશે. બપોરે બે વાગ્યાની આસપાસ યુસીસી વિધેયક રજૂ કરાશે. પ્રથમ 60 મિનિટ સુધી પ્રશ્નોત્તરી કાળ રહેશે. ગૃહમાં 10 વિભાગના પ્રશ્નો પર ચર્ચાઓ કરાશે. જ્યારે 11 બોર્ડ કોર્પોરેશનના અહેવાલો પર રજૂ થશે. ગૃહમાં કૂલ ત્રણ સરકારી વિધેયક પર ચર્ચા અને મતદાન થશે. પર્યાવરણ સંરક્ષણ અંગે સંકલ્પ રજૂ થશે. UCC બિલને લઇ સરકારની તૈયારી ગુજરાત સરકાર દ્વારા યુનિફોર્મ સિવિલ કોર્ડ માટે 2025ની ચોથી ફેબ્રુઆરીએ કમિટીની રચના કરી હતી. આ કમિટીએ એક વર્ષમાં વિવિધ અભિપ્રાયો મેળવ્યા હતાં. ત્યાર બાદ તાજેતરમાં જ આ કમિટી દ્વારા મુખ્યમંત્રી નિવાસ સ્થાને મુખ્યમંત્રી ભૂપેન્દ્ર પટેલને આ અંગેનો ફાઈનલ રિપોર્ટ સોંપ્યો હતો. આ અંગે કામકાજ સલાહકાર સમિતીની બેઠક પણ મળી હતી. હવે આ બિલ રજૂ કરવા માટે રાજ્ય સરકાર દ્વારા તૈયારીઓ કરવામાં આવી છે. વિધાનસભામાં આજે નાયબ મુખ્યમંત્રી હર્ષ સંઘવી દ્વારા આ બિલ રજૂ કરવામાં આવશે.  આ પણ વાંચોઃ Veraval News: પેટ્રોલ-ડીઝલની અછતની અફવાએ મચાવ્યો હાહાકાર, પંપો પર વાહનોની લાંબી કતારો

Read Full Story arrow_forward

calendar_today March 24, 2026

Ahmedabad: વસ્ત્રાપુર લેક પાસે નશામાં ધૂત કાર ચાલકનો કહેર, રોંગ સાઈડમાં સ્પીડે આવી બે કારને ફંગોળી

શહેરના પોશ ગણાતા વસ્ત્રાપુર લેક વિસ્તારમાં મોડી રાત્રે એક ભયાનક કાર અકસ્માતની ઘટના સામે આવી છે. નશાની હાલતમાં ધૂત એક કાર ચાલકે ટ્રાફિકના નિયમો નેવે મૂકી ફૂલ સ્પીડમાં ગાડી હંકારી બે અન્ય કારને જોરદાર ટક્કર મારી હતી. આ અકસ્માતમાં બે વ્યક્તિઓને ગંભીર ઇજાઓ પહોંચતા તેમને તાત્કાલિક સારવાર અર્થે હોસ્પિટલ ખસેડવામાં આવ્યા છે.વસ્ત્રાપુર લેક વિસ્તારમાં અકસ્માતપ્રાપ્ત વિગતો અનુસાર, વસ્ત્રાપુર લેક પાસેના મુખ્ય માર્ગ પર એક કાર ચાલક રોંગ સાઈડમાં ફૂલ સ્પીડે આવી રહ્યો હતો. પ્રત્યક્ષદર્શીઓના જણાવ્યા મુજબ, ચાલક નશાની હાલતમાં હોવાથી કાર પરથી કાબૂ ગુમાવી બેઠો હતો અને રસ્તા પર જતી બે અન્ય કારને જોરદાર ટક્કર મારી હતી. ટક્કર એટલી પ્રચંડ હતી કે ગાડીઓના કચ્ચરઘાણ નીકળી ગયા હતા.પોલીસ કાર્યવાહીઘટનાની જાણ થતા જ એ-ડિવિઝન પોલીસનો કાફલો ઘટનાસ્થળે પહોંચી ગયો હતો. પોલીસે કાર ચાલકની અટકાયત કરી તેની વિરુદ્ધ ગુનો નોંધવાની તજવીજ હાથ ધરી છે. પ્રાથમિક તપાસમાં ચાલક નશામાં હોવાનું જણાતા તેના બ્લડ સેમ્પલ લઈને કાયદેસરની કાર્યવાહી કરવામાં આવી રહી છે.આ પણ વાંચો: Ahmedabad: વાસણાના ભરવાડ વાસમાં મોડી રાત્રે યુવકની છરીના ઘા મારી કરપીણ હત્યા, સમગ્ર વિસ્તારમાં ચકચાર

Read Full Story arrow_forward

calendar_today March 24, 2026

Rajkot News : માર્ચ એન્ડિંગ પહેલા બેડી યાર્ડમાં ઘઉંની 1.50 લાખ મણની આવક નોંધાઈ

સૌરાષ્ટ્રના સૌથી મોટા ગણાતા રાજકોટ માર્કેટિંગ યાર્ડમાં નવી જણસીઓની ભારે આવક જોવા મળી રહી છે. હાલ શિયાળું પાકની સિઝન પૂર્ણતાના આરે હોવાથી બજારમાં માલનો ભરાવો થઈ રહ્યો છે, ખેડૂનો પાતાની જણસી લઈને યાર્ડમાં ઉમટી પડતા તા.23 માર્ચના રોજ બેડી માર્કેટિંગ પાર્કમાં જણસીઓની રેકોર્ડબેક આવક જોવા મળી હતી.ખાસ કરીને ઘઉં અને ધાણાની આવકમાં નોંધપાત્ર વધારો જોવા મળ્યો છે. ઘઉંની 150000 મણ જેટલી મબલખ આવક સરદાર વલ્લભભાઈ પટેલ મુખ્ય માર્કેટ વાર્ડમાં રવિવારની રજા બાદ ખુલેલા યાર્ડમાં વહેલી સવારથી જ ખેડૂતોનો ધસારો રહ્યો હતો, જેમાં અંદાજે 1400થી વધુ વાહનો ખેતપેદાશો લઈને ઉમટી પડ્યા હતા. યાર્ડના સત્તાધીશો દ્વારા ખેડૂતોને હાલાકી ન પડે તે માટે ક્રમવાર પ્રવેશ આપીને ઉતરાઈની સુંદર વ્યવસ્થા ગોઠવવામાં આવી હતી. યાર્ડના સત્તાવાર આંકડા અનુસાર, સૌથી વધુ ઘઉંની 150000 મણ જેટલી મબલખ આવક નોંધાઈ છે. મેથીના ઊંચા ભાવ 1485 સુધી બોલાયા જ્યારે મસાલા પાકોમાં પાણાની 80000 મણ અને જીરૂની 12000 મણ આવક થવા પામી છે. તેમજ કઠોળના પાકો તુવેરની 15000 મણ અને મેથી 14000 મણની આવક થઈ છે. ભારે આવકને પગલે પાર્ડમાં ચોતરફ પાકના ઢગલા જોવા મળી રહ્યા છે. સૌથી ઘઉંના પ્રતિ મણના ઊંચા ભાવ 600, જીરુંના મણના ઊંચા રૂ. 4111 ધાણાના મણના ઊંચા ભાવ 2130 અને મેથીના ઊંચા ભાવ 1485 સુધી બોલાયા હતા. તેની સામે સૌથી નીચા ભાવ બાજરી ના જોવા મળ્યા હતા, જેનો નીચો ભાવ રૂ. 250 નોંધાયો હતો.આ પણ વાંચોઃ Veraval News: પેટ્રોલ-ડીઝલની અછતની અફવાએ મચાવ્યો હાહાકાર, પંપો પર વાહનોની લાંબી કતારો

Read Full Story arrow_forward