Porbandar News: ભાણવડ અને લાલપુર પંથકમાં કમોસમી વરસાદ, ખેડૂતોના તૈયાર પાકને નુકસાન
સૌરાષ્ટ્રમાં કુદરતનો પ્રકોપ અટકવાનું નામ નથી લઈ રહ્યો. આજે દેવભૂમિ દ્વારકા જિલ્લાના ભાણવડ શહેર સહિત સમગ્ર ગ્રામ્ય પંથકમાં ભારે પવન સાથે કમોસમી વરસાદ (માવઠું) ખાબક્યો છે. આકાશી આફતને કારણે જગતના તાત ગણાતા ખેડૂતોના તૈયાર પાક પર સંકટના વાદળો છવાયા છે.દ્વારકા જિલ્લાના ગ્રામ્ય વિસ્તારોમાં વરસાદ ભાણવડ તાલુકાના દેવરિયા, મોરઝર, મેવાસા અને મોટા કાલાવડ સહિતના ગ્રામ્ય વિસ્તારોમાં તેજ પવન અને ગાજવીજ સાથે વરસાદી ઝાપટાં પડ્યા હતા. ભર ઉનાળે ચોમાસા જેવો માહોલ સર્જાતા ખેડૂતોમાં ભારે દોડધામ મચી ગઈ હતી. ખેતરોમાં કાપણી માટે તૈયાર ઉભેલા પાકને આ વરસાદથી વ્યાપક નુકસાન થવાની ભીતિ સેવાઈ રહી છે. જામનગર જિલ્લામાં પણ માવઠાની અસર માત્ર દ્વારકા જ નહીં, પડોશી જામનગર જિલ્લામાં પણ મેઘરાજાએ ધમાકેદાર હાજરી પુરાવી છે. જામનગરના ગોપ, જામવાળી, કૃષ્ણગઢ, વાનાવડ અને લાલપુર સહિતના ગ્રામ્ય પંથકોમાં પવનના સુસવાટા સાથે વરસાદ વરસ્યો છે. સતત બદલાતા વાતાવરણ અને આ અણધાર્યા વરસાદને કારણે ખેડૂતોનો તૈયાર થયેલો માલ બગડવાની શક્યતા હોવાથી ખેડૂત પરિવારો ચિંતામાં મુકાયા છે. આ પણ વાંચો - Porbandar News: બરડા પંથકમાં વાતાવરણ પલટાયું, ખેડૂતોમાં ચિંતાનો માહોલ
Read Full Story arrow_forward
