Surendranagar પોલીસનો પ્રજાભિમુખ અભિગમ: જિલ્લાભરમાં ‘અરજી મેળા’નું ભવ્ય આયોજન
સુરેન્દ્રનગર જિલ્લામાં કાયદો અને વ્યવસ્થાની સ્થિતિ વધુ સુદ્રઢ બનાવવા અને નાગરિકોના પ્રશ્નોનું ત્વરિત નિરાકરણ લાવવા માટે સુરેન્દ્રનગર જિલ્લા પોલીસ વડા દ્વારા એક પ્રશંસનીય અને નવતર પ્રયોગ હાથ ધરવામાં આવ્યો છે. સુરેન્દ્રનગર જિલ્લાના તમામ ડિવિઝન હેઠળના પોલીસ સ્ટેશનોમાં ‘અરજી મેળા’નું આયોજન કરીને વર્ષોથી પડતર પ્રશ્નોનો સ્થળ પર જ નિકાલ કરવાની કામગીરી શરૂ કરવામાં આવી છે.તમામ ડિવિઝનમાં અધિકારીઓની સીધી દેખરેખ સુરેન્દ્રનગર જિલ્લા પોલીસ વડાના માર્ગદર્શન હેઠળ લીંબડી ડિવિઝન, ચોટીલા ડિવિઝન, સુરેન્દ્રનગર ડિવિઝન અને ધ્રાંગધ્રા ડિવિઝનના વિવિધ પોલીસ સ્ટેશનોમાં આ મેળો યોજાયો હતો. આ આયોજનની ખાસિયત એ હતી કે, સામાન્ય રીતે જે અરજીઓ પોલીસ દફતરે લાંબા સમયથી તપાસ હેઠળ હોય અથવા કોઈ કારણોસર કાર્યવાહી અટકેલી હોય, તેવી તમામ જૂની અને નવી અરજીઓનો અહીં નિકાલ કરવામાં આવ્યો હતો. DySP કક્ષાના અધિકારીઓ દ્વારા રૂબરૂ સુનાવણી આ મેળામાં માત્ર નીચલા સ્તરના કર્મચારીઓ જ નહીં, પરંતુ ડિવાઈએસપી (DySP) કક્ષાના ઉચ્ચ અધિકારીઓ પોતે નિરીક્ષક તરીકે હાજર રહ્યા હતા. અધિકારીઓએ અરજદારોની રજૂઆતો રૂબરૂ સાંભળી હતી અને પોલીસ દ્વારા અત્યાર સુધી થયેલી કાર્યવાહીની સમીક્ષા કરી હતી. જે અરજીઓમાં તપાસ બાકી હતી, ત્યાં તુરંત આદેશો આપીને ન્યાયિક પ્રક્રિયા ઝડપી બનાવવામાં આવી હતી. લોકોમાં આનંદની લહેર પોલીસ સ્ટેશનના ધક્કા ખાતા સામાન્ય નાગરિકો માટે આ ‘અરજી મેળો’ આશીર્વાદરૂપ સાબિત થયો છે. ઉચ્ચ અધિકારીઓની હાજરીમાં જ પારદર્શક રીતે પ્રશ્નો ઉકેલાતા લોકોએ પોલીસની આ કામગીરીને બિરદાવી હતી. આ નવતર પ્રયોગથી પોલીસ અને પ્રજા વચ્ચેનો વિશ્વાસ વધુ મજબૂત બન્યો છે. આ પણ વાંચો - Summer : ગરમીમાં લુ/હીટ સ્ટ્રોકથી બચવા ધ્યાન રાખવાની બાબતો
Read Full Story arrow_forward
