Rajkot News: સિટી બસના ચાલકે સર્જ્યો અકસ્માત, મોટરસાયકલ સવારને મારી ટક્કર
સ્માર્ટ સિટી રાજકોટમાં સિટી બસના ચાલકો જાણે બેફામ બન્યા હોય તેમ લાગી રહ્યું છે. આજે રાજકોટ શહેરના મધ્યમાં આવેલા જિલ્લા પંચાયત ચોક પાસે એક સિટી બસના ચાલકે મોટરસાયકલને જોરદાર ટક્કર મારતા અકસ્માત સર્જાયો હતો. આ ઘટનાને પગલે ઘટના સ્થળે હાજર લોકોએ બસ ચાલકની બેદરકારી સામે ઉગ્ર રોષ ઠાલવ્યો હતો.મોટી જાનહાનિ ટળી ઘટનાની મળતી વિગતો અનુસાર, રાજકોટમાં જિલ્લા પંચાયત ચોક પાસે ટ્રાફિકથી ધમધમતા રોડ પર સિટી બસના ચાલકે પૂરપાટ ઝડપે બસ હંકારી મોટરસાયકલને અડફેટે લીધી હતી. અકસ્માતને પગલે મોટરસાયકલ સવાર રોડ પર ફંગોળાયો હતો. સદનસીબે આ ઘટનામાં મોટી જાનહાનિ ટળી છે, પરંતુ બાઈક સવારને સામાન્ય ઈજાઓ પહોંચી હોવાનું જાણવા મળ્યું છે. વારંવાર સર્જાતા અકસ્માત સ્થાનિક રાહદારીઓ અને વાહન ચાલકોના જણાવ્યા અનુસાર, રાજકોટમાં સિટી બસના ડ્રાઈવરો ટ્રાફિકના નિયમોનું ઉલ્લંઘન કરી વારંવાર અકસ્માતો સર્જતા હોય છે. અકસ્માત બાદ લોકોના ટોળેટોળા એકઠા થઈ ગયા હતા અને ડ્રાઈવર વિરૂદ્ધ કડક પગલાં લેવાની માગ કરી હતી. લોકોનો આક્ષેપ છે કે, તંત્ર દ્વારા યોગ્ય મોનિટરિંગ ન થવાને કારણે ડ્રાઈવરો બેફામ બન્યા છે. ઘટનાની જાણ થતા પોલીસ કાફલો પણ સ્થળે પહોંચી ટ્રાફિક હળવો કરવાની કામગીરી હાથ ધરી હતી. આ પણ વાંચો - Rajkot News: કોસ્મોપ્લેક્સ સિનેમામાં ભીષણ આગથી અફરાતફરી, સાવચેતીના ભાગરૂપે તમામ શો રદ
Read Full Story arrow_forward
