Community News & Updates

Stay informed with the latest happenings, achievements, and announcements from our community.

All News

calendar_today March 14, 2026

Vadodara News: હેડ ક્વાર્ટરમાં ફરજ બજાવતા RPI કે. એફ. રાઠવાનું હાર્ટ એટેકથી મોત

રાજ્યમાં હાર્ટ એટેકના કેસોમાં સતત વધારો થઈ રહ્યો છે, ત્યારે વડોદરા પોલીસ વિભાગમાંથી એક અત્યંત દુઃખદ સમાચાર સામે આવ્યા છે. વડોદરા પોલીસ હેડ ક્વાર્ટરમાં ફરજ બજાવતા પોલીસ અધિકારી કે. એફ. રાઠવાનું ચાલુ ફરજ પર હાર્ટ એટેક આવવાથી નિધન થયું છે. આ ઘટનાને પગલે વડોદરા પોલીસ પરિવારમાં ભારે ગમગીની છવાઈ ગઈ છે.હૃદયરોગના હુમલાને કારણે મોત ઘટનાની મળતી માહિતી અનુસાર, રિઝર્વ પોલીસ ઇન્સ્પેક્ટર (RPI) તરીકે ફરજ બજાવતા કે. એફ. રાઠવા આજે જ્યારે પોલીસ હેડ ક્વાર્ટર ખાતે પોતાની ઓન-ડ્યુટી ફરજ પર હતા, ત્યારે તેમને અચાનક છાતીમાં દુખાવો ઉપડ્યો હતો. તબિયત લથડતા તેમને તાત્કાલિક સારવાર માટે હોસ્પિટલ ખસેડવામાં આવ્યા હતા, પરંતુ ટૂંકી સારવાર બાદ તેમનું મૃત્યુ નીપજ્યું હતું. તબીબોના જણાવ્યા અનુસાર, હૃદયરોગના હુમલાને કારણે તેમનું અવસાન થયું છે. નિષ્ઠાવાન અધિકારી તરીકે ઓળખાતા હતા કે.એફ. રાઠવા કે.એફ. રાઠવા એક નિષ્ઠાવાન અધિકારી તરીકે ઓળખાતા હતા. તેમના અચાનક નિધનના સમાચાર મળતા જ ઉચ્ચ પોલીસ અધિકારીઓ સહિતનો કાફલો હોસ્પિટલ અને હેડ ક્વાર્ટર ખાતે દોડી આવ્યો હતો. ગંભીર જવાબદારીઓ અને તણાવ વચ્ચે ફરજ બજાવતા પોલીસ જવાનોમાં હાર્ટ એટેકની વધતી ઘટનાઓ હવે ચિંતાનો વિષય બની રહી છે. આ પણ વાંચો - Vadodara News: વિશ્વામિત્રી નદીના પાણીમાં મગરનો મૃતદેહ મળ્યો, 300 મગરોની વચ્ચે ફાયરના જવાનોએ જીવના જોખમે મૃતદેહ બહાર કાઢ્યો

Read Full Story arrow_forward

calendar_today March 14, 2026

Bharuch News: 17 વર્ષીય સગીરાને ભગાડી જઈ દુષ્કર્મ આચરનાર નરાધમ સહિત બે શખ્સોની ધરપકડ

ભરૂચ જિલ્લાના કાવી પોલીસ સ્ટેશન વિસ્તારમાં માનવતાને લજવતી એક ઘટના સામે આવી છે. 17 વર્ષની સગીર વયની કિશોરીને તેના ઘરેથી ભગાડી જઈને તેની પર દુષ્કર્મ આચરવામાં આવ્યું હોવાની ફરિયાદ નોંધાતા સમગ્ર પંથકમાં ચકચાર મચી ગઈ છે. આ મામલે કાવી પોલીસે ત્વરિત કાર્યવાહી હાથ ધરીને મુખ્ય આરોપી સહિત તેને મદદ કરનાર શખ્સને ગણતરીના કલાકોમાં ઝડપી પાડી જેલના સળિયા પાછળ ધકેલી દીધા છે.આરોપી સચિન ઠાકોર અને મદદગારની ધરપકડ આરોપીઓની ધરપકડ અને ગુનાની વિગત કાવી પોલીસે આ ગુનામાં મુખ્ય આરોપી સચિન કુમાર ગીરીશકુમાર ઠાકોર (ઉંમર 22 વર્ષ) ની ધરપકડ કરી છે, જેણે સગીરાને પોતાની હવસનો શિકાર બનાવી હતી. આ ઉપરાંત, આ કૃત્યમાં તેને સાથ આપનાર અને મદદગારી કરનાર જયેશભાઈ ઘનશ્યામભાઈ ઠાકોર નામના અન્ય એક શખ્સની પણ પોલીસે ધરપકડ કરી છે. આરોપીઓએ સગીરાને લલચાવી-ફોસલાવી ઘરેથી ભગાડી જવાનું અને ત્યારબાદ દુષ્કર્મ આચરવાનું ઘૃણાસ્પદ કૃત્ય કર્યું હતું. દુષ્કર્મ, અપહરણ, પોક્સો હેઠળ ગુનો દાખલ કરાયો પોક્સો હેઠળ કડક કાર્યવાહી પોલીસે આ મામલે આરોપીઓ વિરુદ્ધ અપહરણ, દુષ્કર્મ અને પોક્સો (POCSO) સહિતની ગંભીર કલમો હેઠળ ગુનો નોંધી કાયદેસરની તપાસ હાથ ધરી છે. સગીરાને તબીબી પરીક્ષણ માટે મોકલી આપવામાં આવી છે અને પોલીસ દ્વારા કડક પુરાવા એકઠા કરવાની પ્રક્રિયા શરૂ કરી દેવામાં આવી છે. કાવી પોલીસે જે રીતે ગણતરીના કલાકોમાં નરાધમોને જેલ હવાલે કર્યા છે, તેને લોકો દ્વારા બિરદાવવામાં આવી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 14, 2026

Ahmedabad : GPSC પ્રશ્નના જવાબના વિવાદમાં હાઇકોર્ટે ભરતી બોર્ડની ઝાટકણી કાઢી, કહ્યું.. સેક્રેટરીનો ઇગો માઉન્ટ એવરેસ્ટ કરતા મોટો

 GPSC  ભરતી પ્રશ્નપત્રના જવાબને લઈને હાઇકોર્ટે કડક કાર્યવાહીની ટીકા કરી છે. હાઇકોર્ટમાં કરાયેલી અરજીમાં ઉમેદવારોએ જણાવ્યુ હતું કે, NCERT અભ્યાસક્રમ પ્રમાણે જવાબ સાચો છે, છતાં ભરતી બોર્ડ દ્વારા તેમને માર્ક આપવામાં  આવ્યા નથીસેક્રેટરીનો ઇગો માઉન્ટ એવરેસ્ટ કરતા મોટોગુજરાત હાઇકોર્ટે GPSCના સેક્રેટરીની ઝાટકણી કાઢી હતી અને જણાવ્યું કે,સેક્રેટરીનો ઇગો માઉન્ટ એવરેસ્ટ કરતા મોટો થઈ ગયો છે, પરંતુ ઉમેદવારની કારકિર્દી સાથે રમત ન રમવી જોઈએ. કોર્ટે સ્પષ્ટ કહ્યું કે  જવાબ NCERT અનુસાર સાચો હોય, તો માર્ક આપવો જ પડશે. સેક્રેટરી અને પેપર સેટરને સોમવારે હાજર રહેવા માટે ફરમાન હાઇકોર્ટે સેક્રેટરી અને પેપર સેટરને સોમવારે હાજર રહેવા માટે ફરમાન આપી, અને પેપર સેટરને બ્લેકલિસ્ટ કરવાની પણ ચીમકી આપી હતી. ઉમેદવારની કારકિર્દી સાથે રમત ન રમોઉમેદવારોએ આ મુદ્દે ન્યાય માટે અરજી કરેલી છે અને હાઇકોર્ટે જણાવ્યું છે કે ઉમેદવારની કારકિર્દી સાથે રમત ન રમો, NCERT સાચું હોય તો માર્ક આપવો જ પડશે.આ પણ વાંચો----     Vadodara : બરોડા ડેરીની ચૂંટણી પહેલા ગરમાવો, કુલદીપસિંહ રાઉલજીનો ઘટસ્ફોટ, હું ઝુક્યો નથી અને ઝુકીશ પણ નહી

Read Full Story arrow_forward