Community News & Updates

Stay informed with the latest happenings, achievements, and announcements from our community.

All News

calendar_today March 12, 2026

Loksabha Today: સદન તમામ ભારતીયોનું પ્રતિનિધિત્વ કરે છે, અવિશ્વાસ પ્રસ્તાવ ફગાવ્યા બાદ બોલ્યા સ્પીકર ઓમ બિરલા

લોકસભામાં ઓમબિરલા પોતાના પદ પર પરત ફર્યા છે. તેમની સામે અવિશ્વાસનો પ્રસ્તાવ હતો જેને ફગાવી દેવાયો છે. આ અંગે 2 દિવસ ચર્ચા થઇ. ત્યારે આજે લોકસભામાં બોલતા ઓમ બિરલાએ જણાવ્યું કે આ પદ કોઇ એક વ્યક્તિનું નથી. નિષ્ઠા અને નિષ્પક્ષ થઇને જવાબદારી નિભાવતો રહીશ. મે નિયમો અને પ્રક્રિયાનું ધ્યાન રાખ્યું છે.  અમે સદનને નિયમોથી ચલાવવાનો જ પ્રયાસ કર્યો છે. નિયમથી વિશેષ કંઇ જ નથી. સદનના દરેક સભ્ય માટે નિયમ સમાન 

Read Full Story arrow_forward

calendar_today March 12, 2026

Anand News : 40 લોકોને ભાગવત સપ્તાહમાં લઈ જવાના બહાને ખંભાતના ચિરાગ જોશીએ આચરી મોટી છેતરપિંડી

આણંદના પેટલાદમાં 40 લોકો સાથે છેતરપિંડી થઈ હોવાની વાત સામે આવી છે અને કાશી, બનારસમાં ભાગવત સપ્તાહમાં લઈ જવા માટે રૂપિયા લીધા હતા અને પછી રુપિયા પરત પણ આપ્યા નહી અને ચિરાગ જોશી લઈ પણ ગયો નહી જેના કારણે સમગ્ર મામલો પેટલાદ પોલીસ સ્ટેશન પહોંચ્યો હતો. કાશી,બનારસ લઈ જવાના બહાને છેતરપિંડી આણંદના ખંભાતમાં ભાગવત સપ્તાહમાં લઈ જવાના બહાને ચિરાગ જોશીએ રૂપિયા પડાવ્યા હોવાનો આક્ષેપ લાગ્યો છે, ખંભાતના ચિરાગ જોશી સામે પોલીસ ફરિયાદ નોંધાય તેવી માગ લોકોએ કરી છે અને દક્ષિણા આપવાના નામે લોકો સાથે છેતરપિંડી કરાઈ છે, ઉઘરાણી કરતા ચેક આપ્યા હતા અને તે ચેક બાઉન્સ થયા લોકોને ખબર પડી કે તેમની સાથે છેતરપિંડી થઈ છે અને ચિરાગ જોશી રૂપિયા લઈને ફરાર થયો છે, પેટલાદ પોલીસે અરજી લઇ વધુ તપાસ હાથધરી છે. ખંભાતના ચિરાગ જોશી સામે પોલીસમા રજૂઆત કરાઈ તો ભોગ બનનારનું કહેવું છે કે, તમને ભાગવત સપ્તાહમાં લઈ જવામાં આવશે અને 11,000 રૂપિયા દક્ષિણા આપવામાં આવશે તેમ કહી 3300 રૂપિયા પડાવ્યા હતા અને ઉઘરાણી કરતા ચેક આપ્યા અને તે પણ બાઉન્સ થયા હતા, 40 થી વધુ વ્યક્તિઓ પાસેથી એક લાખ ચાલીસ હજાર રૂપિયા પડાવતા મામલો પોલીસ મથકે પહોંચ્યો છે અને પેટલાદ શહેર પોલીસે સમગ્ર મામલે અરજી લઇ તપાસ હાથ ધરી છે. આ પણ વાંચો : Railway News : અમદાવાદ રેલવે સ્ટેશન પર મુસાફરો સાથે ઠગાઈ કરનાર આંતરરાજય ગેંગનો પર્દાફાશ, આરપીએફએ 2 આરોપીને ઝડપ્યા

Read Full Story arrow_forward

calendar_today March 12, 2026

Gandhinagar: કલોલમાં 700 લોકોનું આરોગ્ય જોખમમાં, નવા બોરમાંથી ઓઇલ અને ગેસવાળું પાણી આવતું હોવાની ફરિયાદ

કલોલ શહેરના પંચવટી વિસ્તારમાં ન્યુ લક્ષ્મીનગર સોસાયટી આવેલી છે આ સોસાયટી અગાઉ બોરીસણા ગ્રામ પંચાયત હેઠળ આવતી હતી. બાદમાં આ વિસ્તારનો સમાવેશ કલોલ નગરપાલિકામાં કરવામાં આવ્યો છે. અગાઉ અહીં બોર દ્વારા પાણી પૂરું પાડવામાં આવતું હતું તે બોર બગડી જતા ગ્રામ પંચાયત દ્વારા નવો બોર બનાવવામાં આવ્યો છે. નવા બોરમાંથી ડહોળુ અને ઓઇલ તેમજ ગેસવાળું પાણી આવી રહ્યું હોવાનું રહેવાસીઓ જણાવી રહ્યા છે. સોસાયટીમાં કુલ 140 જેટલા મકાનો આવેલા છે અને અહીં આશરે 700થી વધુ લોકો વસવાટ કરે છે. નવા બોરમાંથી ઓઇલ અને ગેસવાળું પાણીની ફરિયાદ આ વિસ્તારમાં છેલ્લા આઠ મહિનાથી આ પરિવારોને ગંદુ અને ઓઇલવાળું પાણી પીવા તેમજ રોજિંદા ઉપયોગ માટે વાપરવા માટે મજબૂર બનવું પડી રહ્યું છે. રહેવાસીઓના જણાવ્યા મુજબ પાણીમાં અજાણી ગંધ તેમજ તેલ જેવી પરત જોવા મળી રહી છે. જેના કારણે લોકોના આરોગ્ય સામે જોખમ ઊભું થવા પામ્યું છે. આ સમસ્યા અંગે તેઓએ કલોલ નગરપાલિકા સહિત સંબંધિત તંત્રમાં રજૂઆતો કરી છે તેમ છતાં હજુ સુધી કોઈ ચોક્કસ કાર્યવાહી કરવામાં આવી નથી. જેના કારણે સોસાયટીઓના લોકોમાં ભારે અસંતોષ ફેલાયો છે. 140 મકાનના 700થી વધુ લોકોનું આરોગ્ય જોખમાયું સ્થાનિકો શુદ્ધ પાણીની માંગણી કરી રહ્યા છે. સ્થાનિકોના જણાવ્યા અનુસાર સોસાયટીની બહારના ભાગે નર્મદા પાણીની નગરપાલિકાની લાઈન પસાર થાય છે તે લાઈન માંથી સોસાયટીને જોડાણ આપવામાં આવે અથવા બોરનું રીપેરીંગ કામ કરવામાં આવે અને આ સમસ્યાનો કાયમી ઉકેલ લાવવામાં આવે તેવી માંગણી કરવામાં આવી છે. ત્યારે ગંદુ અને ઓઇલ વાળું પાણી પીવાના કારણે અહીં કોઈ ગંભીર રોગચાળો ફેલાય તે પહેલા તંત્ર દ્વારા તાત્કાલિક કાર્યવાહી કરવામાં આવે તેવી સોસાયટીઓના રહેવાસીઓ દ્વારા માગણી કરવામાં આવી છે. આ પણ વાંચોઃ Railway News : અમદાવાદ રેલવે સ્ટેશન પર મુસાફરો સાથે ઠગાઈ કરનાર આંતરરાજય ગેંગનો પર્દાફાશ, આરપીએફએ 2 આરોપીને ઝડપ્યા

Read Full Story arrow_forward