Community News & Updates

Stay informed with the latest happenings, achievements, and announcements from our community.

All News

calendar_today March 12, 2026

Kheda: કઠલાલના વિશ્વનાથપુરા પાસે મધ્યરાત્રીએ આઈસરમાં ભીષણ આગ, ચાલકનો આબાદ બચાવ

ખેડા જિલ્લાના કઠલાલ તાલુકામાં મધ્યરાત્રીએ એક ગમખ્વાર આગની ઘટના સામે આવી છે. લાડવેલ ચોકડીથી પાંખિયા રોડ પર આવેલા વિશ્વનાથપુરા સીમ વિસ્તારમાં એક ચાલતી આઈસર ટ્રકમાં અચાનક આગ ફાટી નીકળતા અફરાતફરી મચી ગઈ હતી.શોર્ટ સર્કિટથી આગ લાગ્યાનું અનુમાનપ્રાપ્ત માહિતી અનુસાર, મધ્યરાત્રીના આશરે બે વાગ્યાના સુમારે આઈસર ટ્રકમાં શોર્ટ સર્કિટના કારણે એકાએક આગ લાગી હતી. આગ લાગતાની સાથે જ આઈસરના કેબિનમાં ધુમાડો ફેલાઈ ગયો હતો. જોકે, આઈસર ચાલકે સમયસૂચકતા વાપરી ચાલુ આઈસરમાંથી નીચે કૂદી પડ્યો હતો, જેના કારણે તેનો જીવ બચી ગયો હતો.2 કલાકની જહેમત બાદ આગ કાબૂમાંઆગની ઘટના અંગે કપડવંજ ફાયર બ્રિગેડને જાણ કરવામાં આવતા ફાયરની ટીમ તાત્કાલિક ઘટનાસ્થળે દોડી આવી હતી. ફાયર ફાઈટરોએ સતત બે કલાક સુધી પાણીનો મારો ચલાવી ભારે જહેમત બાદ આગ પર કાબૂ મેળવ્યો હતો. જોકે, આગ એટલી વિકરાળ હતી કે ફાયર ટીમ પહોંચે તે પહેલા જ આઈસર ટ્રક બળીને ખાખ થઈ ગઈ હતી.આ પણ વાંચો: Palitana: કાળઝાળ ગરમીમાં શેત્રુંજય ડુંગરમાંથી ઉતરી સિંહ પરિવાર તળાવ કાંઠે પહોંચ્યો

Read Full Story arrow_forward

calendar_today March 12, 2026

Banaskantha: સત્તાનો દૂરુપયોગ કરતા અંબાજી ગ્રામ પંચાયતના સભ્યને બરતરફ કરવા કાર્યવાહી

બનાસકાંઠામાં અંબાજી ગ્રામ પંચાયતના સભ્યને દૂર કરવા જિલ્લા વિકાસ અધિકારી દ્વારા કાર્યવાહી કરવામાં આવી છે. અધિકારીએ સભ્ય રાજન અગ્રવાલને કારણદર્શક નોટીસ આપી છે.આ નોટીસનો યોગ્ય જવાબ નહીં મળતા તેમને બરતરફ કરવા કાર્યવાહી કરવામાં આવી છે.પંચાયતની મિલકતનો અંગત સ્વાર્થ માટે ઉપયોગ કરતાં કાર્યવાહી કરવામાં આવી છે.આ સભ્યએ સત્તાનો દૂરૂપયોગ કરીને પેટ્રોલ પંપ પર પંચાયતની લાઈનમાંથી નળ કનેક્શન લીધું હતું. સત્તાના દુરુપયોગ બદલ સભ્યને DDOની નોટિસ બનાસકાંઠા જિલ્લા પંચાયત દ્વારા અંબાજી ગ્રામ પંચાયતના સભ્ય રાજન આર અગવાલને કારણ દર્શક નોટિસ આપવામાં આવી છે.જેમાં જણાવ્યા મુજબ અંબાજી ગામ પંચાયતના સભ્ય તરીકે હોદો ધારણ કરતા હોઈ તેઓના સભ્ય તરીકેના પદ વધીના કાર્યકાળ દરમિયાન ગુજરાત પંચાયત અધિનિયમ 1993ની જોગવાઈ અન્વયે સભ્ય તરીકેની ગુજરાત પંચાયત અધિનિયમ મુજબ ફરજો બજાવવામાં અસમર્થ ઠરેલ હોઈ તેઓની સામે ગુજરાત પંચાયત ધારાની જોગવાઈ મુજબ કાર્યવાહી કરવાની થાય છે. પેટ્રોલ પંપ પર પંચાયતની લાઇનમાંથી નળ કનેક્શન લીધું તેમ જણાવી તાલુકા વિકાસ અધિકારી દાંતાના પત્ર તારીખ 9-2-26ના રજૂ થયેલ અહેવાલ મુજબ તેમની માલિકીના રિલાયન્સ પેટ્રોલ પંપ પર અંબાજી ગ્રામ પંચાયતના ભોળવા કુવાથી ગુલઝારી પુરા ખાતેની ટાંકીમાં પાણી પૂરું પાડતી મુખ્ય લાઈનમાં દરરોજ અનઅધિકૃત રીતે 10થી 12 કલાક પાણીનો વપરાશ કરેલ હોવાનું જણાઈ આવતું હોવાનું જણાવી સભ્યના હોદ્દાનો દુરુપયોગ કર્યાનો આક્ષેપ કરી ગામ પંચાયત ધારાની કલમ 57.1 હેઠળ કારણ દર્શક નોટિસ આપી છે. સભ્ય તરીકે રાજન અગ્રવાલે તેમની ફરજો બજાવવામાં ગેરવર્તણુક અને સત્તાનો દુરુપયોગ કરેલ હોવાનો આક્ષેપ કરી હોદા પરથી દૂર કેમ ન કરવા તે અંગે લેખિત ખુલાસો આપવા તારીખ 23 માર્ચ 2026ના રોજ જવાબ રજૂ કરવા જણાવાયું છે.આ પણ વાંચોઃ Gujarat News : ગુજરાત આવી રહેલા થાઇ શિપ પર ઇરાનનો હુમલો, 20 ક્રૂ મેમ્બરને બચાવી લેવાયા, 3 ક્રૂ હજી લાપતા

Read Full Story arrow_forward

calendar_today March 12, 2026

Sabarkantha News : સાબરકાંઠાના સલાલ ખાતે મુખ્યમંત્રી ભૂપેન્દ્ર પટેલે ટ્રોપિક ઓફ કેન્સર સાયન્સ પાર્કનું ઉદ્ઘાટન કર્યું

આ પ્રસંગે વન અને પર્યાવરણ મંત્રી અર્જુનભાઈ મોઢવાડિયા, શિક્ષણ મંત્રી પ્રદ્યુમન વાજા તેમજ ધારાસભ્યો ઉપસ્થિત રહ્યા હતા. આ તકે મુખ્યમંત્રી ભૂપેન્દ્રભાઈ પટેલે ટ્રોપિક ઓફ કેન્સર સાયન્સ પાર્કની મુલાકાત લઇ પાર્કના ભૌગોલિક અને ખગોળશાસ્ત્રીય મહત્વ વિશે જાણકારી મેળવીને વિદ્યાર્થીઓ સાથે સંવાદ સાધ્યો હતો. ટ્રોપિક ઓફ કેન્સર (TOC) સાયન્સ પાર્ક વિકસાવ્યો છે અત્રે ઉલ્લેખનીય છે કે, ગુજરાત સરકારના વિજ્ઞાન અને ટેકનોલોજી વિભાગના નેજા હેઠળ કાર્યરત ગુજરાત કાઉન્સિલ ઓન સાયન્સ એન્ડ ટેકનોલોજી (GUJCOST) એ કર્કવૃત્તના વૈજ્ઞાનિક મહત્વ વિશે જાગૃતિ અને સમજણ લાવવા અને વિદ્યાર્થીઓ, શિક્ષકો, સંશોધકો અને સામાન્ય નાગરિકો માટે તેને એક મહત્વપૂર્ણ શૈક્ષણિક અને સંશોધન બિંદુ તરીકે વિકસાવવાના ઉદ્દેશ્ય સાથે ટ્રોપિક ઓફ કેન્સર (TOC) સાયન્સ પાર્ક વિકસાવ્યો છે. ઋતુગત ફેરફારો અને સંબંધિત વૈજ્ઞાનિક ઘટનાઓને સમજવાની આકર્ષક તકો સાબરકાંઠા જિલ્લાના હિંમતનગર હાઇવે પર સલાલ ખાતે અંદાજિત રૂપિયા ૮ કરોડના ખર્ચે ૫,૯૩૦ ચોરસ મીટરના વિસ્તારમાં ટ્રોપિક ઓફ કેન્સર સાયન્સ પાર્ક વિકસાવવામાં આવ્યો છે, જે સ્થાન પરથી કર્કવૃત્ત પસાર થાય છે. આ પાર્કની કલ્પના કર્કવૃત્તના ભૌગોલિક અને ખગોળશાસ્ત્રીય મહત્વને પ્રકાશિત કરવા અને મુલાકાતીઓને પૃથ્વી-સૂર્ય સંબંધો, ઋતુગત ફેરફારો અને સંબંધિત વૈજ્ઞાનિક ઘટનાઓને સમજવાની આકર્ષક તકો પૂરી પાડવા માટે કરવામાં આવી છે. વિજ્ઞાન અને ટેકનોલોજી વિભાગ અને GUJCOSTના અન્ય વરિષ્ઠ અધિકારીઓ પણ ઉપસ્થિત રહ્યા હતા રાષ્ટ્રીય ધોરીમાર્ગ-૪૮ પર સ્થિત હોવાથી, ટ્રોપિક ઓફ કેન્સર સાયન્સ પાર્ક તમામ મુલાકાતીઓ માટે વૈજ્ઞાનિક શિક્ષણ, વિજ્ઞાન પર્યટનના કેન્દ્ર તરીકે સેવા આપશે. GUJCOST દ્વારા તમામ શાળાઓ, કોલેજો અને યુનિવર્સિટીના વિદ્યાર્થીઓને ટ્રોપિક ઓફ સાયન્સ પાર્કની મુલાકાત લેવા આમંત્રણ આપવામાં આવ્યું છે. સાયન્સ પાર્ક આવતીકાલથી સવારે 9:00 કલાકથી સાંજે 6:00 કલાક સુધી તમામ મુલાકાતીઓ માટે ખુલ્લો રહેશે. આ તકે ટ્રોપિક ઓફ કેન્સર સાયન્સ પાર્કના પ્રાંગણમાં મુખ્યમંત્રીશ્રી સહિતના મહાનુભાવોએ ‘એક પેડ માઁ કે નામ’ અભિયાન અંતર્ગત વૃક્ષારોપણ કર્યું હતું. આ પ્રસંગે વિજ્ઞાન અને ટેકનોલોજી વિભાગના સચિવ શ્રીમતી પી. ભારતી (IAS),સાબરકાંઠાના કલેક્ટર લલિત નારાયણ સિંઘ સાંદુ (IAS),જિલ્લા વિકાસ અધિકારી અને વિજ્ઞાન અને ટેકનોલોજી વિભાગ અને GUJCOSTના અન્ય વરિષ્ઠ અધિકારીઓ પણ ઉપસ્થિત રહ્યા હતા. આ પણ વાંચો : Vadodara News : લગ્નમાં આવેલા 2 ડોકટર અને 1 ઈજનેર દારૂ પીધેલી હાલતમાં ઝડપાયા, પોલીસને પણ ગાળો બોલ્યા હોવાનો આક્ષેપ લાગ્યો

Read Full Story arrow_forward