Rajkot News: આજે પાંચ વોર્ડમાં પાણીકાપ રહેશે, ભાદર લાઇનનો વાલ્વ બદલવાની કામગીરી થશે
રાજકોટમાં આકરા તાપથી લોકો ત્રાહિમામ પોકારી ઉઠ્યા છે. આજે 42 ડિગ્રી સુધી તાપમાન પહોંચી શકે તેવી આગાહી કરવામાં આવી છે. હવામાન વિભાગ દ્વારા રાજકોટમાં આજે ઓરેન્જ અને યલો એલર્ટ આપવામાં આવ્યું છે. આકરા તાપ વચ્ચે શહેરમાં આજે પાણી કાપ મુકવામાં આવતા લોકોમાં રોષ ફેલાયો છે. રાજકોટ શહેરમાં વધી રહેલા ગરમીના તાપ વચ્ચે આજે કેટલાક વિસ્તારોમાં પાણીકાપ ઝીંકાયો છે. શહેરના પાંચ વોર્ડમાં આજે પાણી પુરવઠો બંધ રહેશે. આજે પાંચ વોર્ડમાં પાણીકાપ રહેશે રાજકોટ મહાનગરપાલિકાએ જાહેર કરેલી માહિતી મુજબ વોર્ડ નંબર 7, 13, 14, 17 અને 18માં પાણીકાપ રહેશે.મહાનગરપાલિકાના જણાવ્યા અનુસાર ભાદર લાઇનનો વાલ્વ બદલવાની કામગીરી હાથ ધરવામાં આવશે. ઉપરાંત વિનોદનગર પંપિંગ સ્ટેશન ખાતે પાઇપલાઇન બદલવાની મહત્વપૂર્ણ કામગીરી પણ કરવામાં આવનાર છે. આ મરામત અને જાળવણીના કામોને કારણે આજે સંબંધિત વિસ્તારોમાં પાણી પુરવઠો અસ્થાયી રીતે બંધ રાખવામાં આવ્યો છે. કામગીરી પૂર્ણ થયા બાદ પાણી પુરવઠો શરૂ થશે મહાનગરપાલિકાએ જણાવ્યું છે કે કામગીરી પૂર્ણ થયા બાદ પાણી પુરવઠો નિયમિત રીતે ફરી શરૂ કરવામાં આવશે. ત્યાં સુધી અસરગ્રસ્ત વિસ્તારોના રહેવાસીઓને પાણીનો સચોટ ઉપયોગ કરવા અને જરૂરી સંગ્રહ રાખવા અપીલ કરવામાં આવી છે.ગરમીના વધતા તાપમાન વચ્ચે પાણીકાપના કારણે લોકોને મુશ્કેલીનો સામનો કરવો પડી શકે છે. તેથી મહાનગરપાલિકાએ કામ ઝડપથી પૂર્ણ કરી શક્ય તેટલી વહેલી તકે પાણી પુરવઠો પુનઃ શરૂ કરવાની ખાતરી આપી છે. આ પણ વાંચોઃ Ahmedabad News : ITની સાથે GST પણ પાન નંબરના આધારે કરદાતાને નોટિસ આપશે
Read Full Story arrow_forward
