Community News & Updates

Stay informed with the latest happenings, achievements, and announcements from our community.

All News

calendar_today March 9, 2026

Mahesana News: ડીપીની જાળી સાથે બાઇક અથડાતા અકસ્માત, એકનું મોત

મહેસાણા જિલ્લાના વેપારી મથક ઊંઝા શહેરમાં આજે એક અત્યંત દુખદ અકસ્માતની ઘટના સામે આવી છે. ઊંઝા શહેરના જાહેર માર્ગ પર બાઈક સવાર આધેડ અચાનક કાબૂ ગુમાવી બેસતા બાઈક સીધું વીજળીના ડીપી સાથે ભટકાયું હતું. આ જોરદાર ટક્કરમાં ગંભીર ઈજાઓ થવાના કારણે બાઈક ચાલકનું કમકમાટીભર્યું મોત નીપજ્યું છે.ધડાકાભેર જાળી સાથે અથડાયું બાઈક ઘટનાની મળતી માહિતી અનુસાર, આ અકસ્માત ઊંઝા શહેરના બંસીધર સ્કૂલની પાછળ આવેલા જાહેર રોડ પર સર્જાયો હતો. અહીં રોડની સાઈડમાં આવેલી UGVCLની ડીપીની જાળી સાથે એક બાઈક ધડાકાભેર અથડાયું હતું. અકસ્માત એટલો ભયાનક હતો કે બાઈક સવાર આધેડ ફંગોળાયા હતા અને તેમને શરીરે ગંભીર ઈજાઓ પહોંચી હતી. 55 વર્ષીય આધેડનું મોત આ દુર્ઘટનામાં પટેલ અરવિંદભાઈ જોઈતારામ (ઉંમર 55 વર્ષ) નું ઘટના સ્થળે જ અથવા સારવાર દરમિયાન કરૂણ મોત નીપજ્યું હતું. આધેડ વયના વ્યક્તિના અચાનક નિધનથી પરિવારમાં અને સમગ્ર પંથકમાં શોકનું મોજું ફરી વળ્યું છે. ઘટનાની જાણ થતાં જ આસપાસના લોકો દોડી આવ્યા હતા અને પોલીસને જાણ કરવામાં આવી હતી. પોલીસે મૃતદેહને પોસ્ટ મોર્ટમ અર્થે ખસેડી અકસ્માત અંગે કાયદેસરની કાર્યવાહી હાથ ધરી છે. જાહેર રોડ પર ખુલ્લામાં રહેલી વીજ સુવિધાઓ સામે પણ સ્થાનિકોમાં ચર્ચા જાગી છે. આ પણ વાંચો - Mahesana News: ઈરાન-ઈઝરાયલ યુદ્ધની ઊંઝા માર્કેટ પર અસર, જાણો કેમ ઘટી રહ્યા છે જીરાના ભાવ?

Read Full Story arrow_forward

calendar_today March 9, 2026

Bharuch News: તંત્રના પાપે ભર ઉનાળે ચોમાસા જેવો માહોલ, 2 કરોડની ટાંકીનો વાલ્વ બગડતા 10 લાખ લીટર પાણી વેડફાયું

જ્યારે આખું ગુજરાત ઉનાળાની કાળઝાળ ગરમીમાં પાણીના ટીપે-ટીપા માટે તરસી રહ્યું છે, ત્યારે ભરૂચના ડુંગરી વિસ્તારમાં તંત્રની બેદરકારીને કારણે લાખો લીટર પીવાનું પાણી ગટરમાં વહી ગયું હતું. 'નલ સે જલ' યોજના હેઠળ કરોડોના ખર્ચે બનેલી પાણીની ટાંકીનો વાલ્વ ખરાબ થતાં રસ્તાઓ પર જાણે ચોમાસું બેઠું હોય તેવા દ્રશ્યો સર્જાયા હતા.10 લાખ લીટર પાણીનો વેડફાટ ભરૂચના ડુંગરી વિસ્તારમાં અંદાજે રૂપિયા 2 કરોડના ખર્ચે નવી પાણીની ટાંકી બનાવવામાં આવી હતી. જોકે, આ ટાંકીનો મુખ્ય વાલ્વ અચાનક ખરાબ થઈ જતાં ટેકનિકલ ખામી સર્જાઈ હતી. પાલિકા પાસે આ પાણીનો સંગ્રહ કરવા માટે અન્ય કોઈ વૈકલ્પિક વ્યવસ્થા ન હોવાને કારણે, વાલ્વ રિપેર કરવા માટે આખી ટાંકી ખાલી કરવાની ફરજ પડી હતી. પરિણામે, 10 લાખ લીટર શુદ્ધ પીવાનું પાણી માર્ગો પર ફરી વળ્યું હતું અને અંતે ગટરમાં વહી ગયું હતું. વાહનચાલકો પરેશાન, સ્થાનિકોમાં રોષ ભર ઉનાળે રસ્તાઓ પર નદીઓ વહેતી થતા વાહનચાલકો અને રાહદારીઓ ભારે મુશ્કેલીમાં મુકાયા હતા. ડુંગરી વિસ્તારના માર્ગો પાણીમાં ગરકાવ થઈ જતાં ટ્રાફિક જામની સ્થિતિ સર્જાઈ હતી. એકતરફ ઉનાળામાં પાણીની અછતની બૂમો પડી રહી છે, ત્યારે બીજી તરફ પાલિકાની યોગ્ય જાળવણીના અભાવે આટલો મોટો જથ્થો વેડફાઈ જતાં સ્થાનિક લોકોમાં ભારે આક્રોશ જોવા મળી રહ્યો છે. હવે આગામી દિવસોમાં આ વિસ્તારના લોકોને પાણીની અછતનો સામનો કરવો પડી શકે તેવી ભીતિ સેવાઈ રહી છે. આ પણ વાંચો - Bharuch: ચેન સ્નેચિંગના રીઢા ગુનેગારને ભરૂચ પોલીસે ઝડપી પાડયો

Read Full Story arrow_forward

calendar_today March 9, 2026

Ahmedabad News: કોઈપણ માઈક સિસ્ટમનો અવાજ ધાર્મિક પરિસરની બહાર ના જવો જોઈએ, મોટા વોલ્યુમથી DJ નહીં વગાડી શકાય

અમદાવાદ પોલીસ કમિશનર દ્વારા ધાર્મિક પરિસરમાં માઈક સિસ્ટમનો અવાજ ધીમે રાખવો અને ડીજે તો નહીં જ વગાડી શકાય તેવું જાહેરનામું બહાર પાડવામાં આવ્યું છે. શહેરમાં ધ્વનિ પ્રદૂષણને અટકાવવા માટે શહેરમાં ડીજે અને માઈક સિસ્ટમનો ઉપયોગ કરવા માટે પોલીસની મંજૂરી લેવી પડશે. જાહેરનામા પ્રમાણે નીતિ નિયમ પ્રમાણે કેટલાક ડેસિબલ માપ સુધી માઈક સિસ્ટમનો ઉપયોગ કરી શકાશે. જાહેરમાં વરઘોડા કે રેલી કાઢવામાં આવે ત્યારે નક્કી કરેલી અવાજની માત્રા પ્રમાણે માઈક સિસ્ટમ અને ડીજે વગાડી શકાશે. પોલીસના જાહેરનામાનો ભંગ કરાશે તો માઈક સિસ્ટમ અને ડીજે જપ્ત કરી ગુનો નોંધવામાં આવશે. અમદાવાદ પોલીસ કમિશ્નરનું જાહેરનામું અમદાવાદ પોલીસ કમિશનર જી.એસ. મલિક દ્વારા ધ્વનિ પ્રદૂષણ અંગેનું એક જાહેરનામું બહાર પાડવામાં આવ્યું છે. આ જાહેરનામા પ્રમાણે મંદિરો, મસ્જિદો અને ચર્ચમાં માઈક સિસ્ટમનો અવાજ માત્ર સંકુલ સુધી સિમિત રાખવો પડશે. જો માઈક સિસ્ટમનો ઉપયોગ રહેવાસી અને રાહદારીને અડચણરૂપ અથવા તો ભય ઉભો થાય તેવી સ્થિતિમાં હશે તો તેના ઉપયોગ કરવા પર પોલીસ મનાઈ ફરમાવી શકશે. શહેરમાં રાતના 10થી સવારે 6.00 વાગ્યા સુધી માઈક સિસ્ટમ વગાડવા માટે પોલીસની મંજૂરી આપવામાં આવશે નહીં. રાત્રે 10 વાગ્યા સુધી માઈક સિસ્ટમનો ઉપયોગ કરી શકાશે શહેરમાં સવારે 6.00 વાગ્યાથી લઈને રાત્રે 10 વાગ્યા સુધી માઈક સિસ્ટમનો ઉપયોગ કરી શકાશે. પોલીસ કમિશ્નરના જાહેરનામા પ્રમાણે શહેરમા હોસ્પિટલ, સ્કૂલો અને કોર્ટની 100મીની આસપાસ કોઈપણ પ્રકારની માઈક સિસ્ટમ પર પ્રતિબંધ મુકવામાં આવ્યો છે. રહણાંક, પાર્ટી પ્લોટ, ખુલ્લી જગ્યામાં માઈક સિસ્ટમનો ઉપયોગ કરવા માટે પોલીસની મંજૂરી લેવી પડશે. પોલીસ દ્વારા આપવામાં આવેલી મંજૂરીમાં નક્કી કરવામાં આવેલા અવાજના ડેસીબલ મુજબ માઈક સિસ્ટમનો ઉપયોગ કરવો પડશે. જો આ જાહેરનામાનો ભંગ કરાશે તો પોલીસ દંડનીય કાર્યવાહી કરશે. આ પણ વાંચોઃ Vadodara: કરોડોનો મિલકત વેરો બાકી હોવાથી મકરપુરા એસ.ટી. ડેપો સીલ, પાલિકાએ મુખ્ય ઓફિસને મારી દીધા તાળા

Read Full Story arrow_forward