Community News & Updates

Stay informed with the latest happenings, achievements, and announcements from our community.

All News

calendar_today March 6, 2026

Gujarat Weather News: કચ્છના ભુજમાં ગરમીનો પારો 38 ડિગ્રીએ પહોંચ્યો, બપોર પડતાં જ બજારોમાં સન્નાટો જોવા મળ્યો

ગુજરાતમાં હવામાન વિભાગે રાજ્યમાં આગામી 5 દિવસ માટે હીટવેવની ચેતવણી આપી છે, જેના કારણે રાજ્યના અનેક વિસ્તારોમાં કાળજાળ ગરમી અનુભવાશે. બીજી તરફ કચ્છમાં પણ આકરી ગરમીનો અહેસાસ થવા લાગ્યો છે. ભુજમાં 38 ડિગ્રી સુધી તાપમાનનો પારો પહોંચ્યો છે. ગરમી વધતાં કચ્છમાં લોકોના જીવન પર અસર જોવા મળી રહી છે. હવામાન વિભાગની આગાહી પ્રમાણે રાજ્યમાં આગામી પાંચ દિવસ હિટવેવની શક્યતાઓ રહેશે. કચ્છના ભુજમાં ગરમીની અસર વર્તાઈ કચ્છના ભુજમાં બપોર પડતાની સાથે જ રસ્તાઓ પર સન્નાટો જોવા મળી રહ્યો છે. ગરમીના કારણે લોકો બપોરના સમયે બહાર નીકળવાનું ટાળી રહ્યા છે.શહેરના મુખ્ય માર્ગો પર સામાન્ય દિવસોની સરખામણીએ અવરજવર ઓછી જોવા મળી રહી છે.ગરમીથી બચવા માટે લોકો ઠંડા પીણા, જ્યૂસ અને છાશનો સહારો લેતા જોવા મળી રહ્યા છે.હવામાન વિભાગના જણાવ્યા મુજબ આગામી દિવસોમાં તાપમાનમાં હજુ વધારો થવાની શક્યતા છે.જેના કારણે કચ્છના લોકોને આગામી દિવસોમાં પ્રખર ગરમીનો સામનો કરવા તૈયાર રહેવું પડશે. આગામી 5 દિવસ રાજ્યમાં હિટવેવ રહેશે હવામાન વિભાગની આગાહી મુજબ, રાજ્યના વિવિધ ભાગોમાં ગરમીનું પ્રમાણ વધશે.ભાવનગર આગામી બે દિવસ સુધી હિટવેવની સ્થિતિ રહેશે.યલો એલર્ટ ધરાવતા જિલ્લાઓ પોરબંદર, દીવ, ભરૂચ, નવસારી, સુરત, વલસાડ, દમણ અને દાદરા નગર હવેલીમાં હિટવેવ સાથે 'યલો એલર્ટ' જાહેર કરવામાં આવ્યું છે.હવામાન વૈજ્ઞાનિક પ્રદીપ શર્માના જણાવ્યા અનુસાર, 8 માર્ચના રોજ પણ અમદાવાદનું તાપમાન 37 ડિગ્રીની આસપાસ રહેવાની શક્યતા છે. ખાસ કરીને T20 વર્લ્ડ કપના આયોજન સમયે ગરમીનું પ્રમાણ વધુ રહેવાની શક્યતા હોવાથી દર્શકો અને ખેલાડીઓને વિશેષ સાવચેતી રાખવી પડશે. આ પણ વાંચોઃ Ahmedabad: કાળજાળ ગરમી માટે તૈયાર રહો! ગુજરાતના અનેક જિલ્લાઓમાં હિટવેવનું યલો એલર્ટ

Read Full Story arrow_forward

calendar_today March 6, 2026

Vadodara : દીકરીઓની સુરક્ષા માટે માતા-બહેનોને રાણી લક્ષ્મીબાઈ બનવા Dy.CM હર્ષ સંઘવીનું આહ્વાન

વડોદરાના નવાયાર્ડ વિસ્તારમાં રેલવે કોલોનીના ‘ડી’ કેબીન ખાતે આવેલા અતિ પ્રાચીન શ્રી રામેશ્વર મહાદેવ મંદિર ખાતે મૂર્તિ આયોજીત પ્રાણ-પ્રતિષ્ઠા મહોત્સવ ભક્તિસભર વાતાવરણમાં સંપન્ન થયો હતો. આ પ્રસંગે રાજ્યના નાયબ મુખ્યમંત્રી  હર્ષભાઈ સંઘવીએ વિશેષ ઉપસ્થિત રહી અખંડ જ્યોત અને ભવ્ય કળશ યાત્રામાં સહભાગી થઈ આસ્થાના આ કેન્દ્ર ખાતે શીશ નમાવ્યું હતું. આ મહોત્સવ અંતર્ગત મંદિરમાં ખાટૂ શ્યામ, સાંવરિયા શેઠ અને ભારત માતાની મૂર્તિઓની શાસ્ત્રોક્ત વિધિ મુજબ પ્રાણ-પ્રતિષ્ઠા કરવામાં આવી હતી.અતૂટ શ્રદ્ધા અને સામાજિક એકતાના દર્શન આ પ્રસંગે વિશાળ જનમેદનીને સંબોધતા નાયબ મુખ્યમંત્રી હર્ષભાઈ સંઘવીએ જણાવ્યું હતું કે, શ્રી રામેશ્વર મહાદેવ મંદિર વડોદરાની આસ્થાનું પ્રાચીન અને અત્યંત પવિત્ર કેન્દ્ર છે. અહીં બિરાજમાન સ્વયંભૂ શિવલિંગ રેલવેના અસ્તિત્વ પૂર્વેથી પેઢીઓ સુધી નગરજનોને આશીર્વાદ આપી રહ્યું છે. મંદિરના જીર્ણોદ્ધારની વિશિષ્ટતા અંગે તેમણે ગૌરવભેર જણાવ્યું હતું કે, આસપાસની કોલોનીના દરેક પરિવારે દર મહિને દાન થકી રકમ એકત્રિત કરીને આ ભવ્ય મંદિરનું નિર્માણ કર્યું છે. આ આર્થિક સહયોગ કોઈ મોટા દાતાના દાન કરતા પણ અનેકગણો વિશેષ છે, કારણ કે તેમાં અતૂટ શ્રદ્ધા અને સામાજિક એકતાના દર્શન થાય છે, તેમ તેમણે ઉમેર્યું હતું. દીકરીઓના રક્ષણ માટે ‘રાણી લક્ષ્મીબાઈ’ બનવા આહ્વાન મહિલા સુરક્ષા અને સામાજિક જવાબદારી અંગે ભાર મૂકતા શ્રી હર્ષભાઈ સંઘવીએ અત્યંત સંવેદનશીલ અપીલ કરતા આહ્વાન કર્યું હતું કે, જો સમાજની કોઈ ભોળી દીકરી અજાણતા કોઈ દુષ્ટ તત્વોનો શિકાર બને, તો સમાજે તેની ટીકા કરવાને બદલે સહાનુભૂતિ દાખવી તેને માનસિક અને સામાજિક ટેકો આપવો જોઈએ. તેમણે ઉપસ્થિત માતાઓ અને બહેનોને દીકરીઓના રક્ષણ માટે ‘રાણી લક્ષ્મીબાઈ’ બનવા આહ્વાન કર્યું હતું. રાજ્ય સરકારની ગુનેગારો સામેની કડક નીતિ રાજ્ય સરકારની ગુનેગારો સામેની કડક નીતિ સ્પષ્ટ કરતા નાયબ મુખ્યમંત્રીએ મક્કમ શબ્દોમાં ચેતવણી આપી હતી કે, જે કોઈ ઈસમ પોતાની ઓળખ છુપાવી, ખોટું નામ ધારણ કરી દીકરીઓને ષડયંત્રમાં ફસાવશે અથવા બળપૂર્વક લગ્ન કરશે, તો તેમની સામે મુખ્યમંત્રી ભૂપેન્દ્રભાઈ પટેલની સરકાર અત્યંત કડક કાયદાકીય પગલાં ભરશે. આવા ગુનેગારોને જિંદગીભર જેલની સજા થાય તેવી જોગવાઈ સાથે સરકાર મજબૂતાઈથી કામ કરી રહી છે. છેલ્લા એક વર્ષમાં બનાસકાંઠા, સાબરકાંઠા, પંચમહાલ, વડોદરા અને સુરત જેવા જિલ્લાઓમાં પોલીસ તંત્રએ અનેક દીકરીઓને આવા વિષચક્રમાંથી મુક્ત કરાવી સુરક્ષિત રીતે પરત લાવવામાં સફળતા મેળવી હોવાનો તેમણે સહર્ષ ઉલ્લેખ કર્યો હતો. મંદિર ટ્રસ્ટ નવો પ્લાન રજૂ કરશે તો સરકારની મદદ મળશે શ્રી રામેશ્વર મહાદેવ મંદિરના ભાવિ વિકાસ માટે સૂચન કરતા નાયબ મુખ્યમંત્રીએ જાહેરાત કરી હતી કે, જો મંદિર ટ્રસ્ટ દ્વારા કોઈ નવો ડેવલપમેન્ટ પ્લાન તૈયાર કરી રજૂ કરવામાં આવશે, તો રાજ્ય સરકારના ‘પવિત્ર યાત્રાધામ વિકાસ બોર્ડ’ દ્વારા રૂ. ૨૫ લાખ સુધીની તાત્કાલિક સહાય પૂરી પાડવામાં આવશે. આ પ્રાચીન સ્થળ વધુ સુવિધાયુક્ત બને તે માટે સરકાર હકારાત્મક અભિગમ ધરાવે છે, તેમ તેમણે ઉમેર્યું હતું. આ પણ વાંચો----    Vadodara : જાણીતા બિલ્ડર ધવલ ઠક્કર સામે ગંભીર આક્ષેપ, પુત્રને લેવા પહોંચેલી પત્ની અને સાસુને ધમકીનો સનસનીખેજ આરોપ

Read Full Story arrow_forward

calendar_today March 6, 2026

Ahmedabad News: UPSC 2025ની પરીક્ષામાં SPIPA સાથે જોડાયેલા 34 ઉમેદવારો પાસ થયા, જુઓ લીસ્ટ

UPSC દ્વારા લેવામાં આવેલી સિવિલ સર્વિસ પરીક્ષા 2025ના અંતિમ પરિણામમાં સરદાર પટેલ લોક પ્રસાશન સંસ્થા અમદાવાદ ખાતે તાલીમ લીધેલા કુલ 34 ઉમેદવારો અખિલ ભારતીય સેવા માટે પસંદગી પામ્યા છે. UPSC દ્વારા તા.23 મે 2025ના રોજ યોજાયેલી સિવિલ સર્વિસ પ્રિલિમ પરીક્ષાનું પરિણામ તા.11 જૂન 2025ના રોજ જાહેર કરવામાં આવ્યું હતું. જેમાં સમગ્ર ભારતમાંથી કુલ 14161 ઉમેદવારો મુખ્ય પરીક્ષા માટે ક્વોલિફાય થયા હતા.તેમાં SPIPA ખાતે તાલીમ લીધેલા 272 ઉમેદવારોનો સમાવેશ થાય છે. સમગ્ર ભારતમાંથી 958 ઉમેદવારોની પસંદગી ત્યારબાદ મુખ્ય પરીક્ષાનું પરિણામ 11 નવેમ્બર 2025ના રોજ જાહેર થયું હતું.જેમાં સમગ્ર ભારતમાંથી 2376 ઉમેદવારો પર્સનાલિટી ટેસ્ટ માટે પસંદ થયા હતા.તેમાં સ્પીપાના 82 ઉમેદવારોનો સમાવેશ થયો હતો. ડિસેમ્બર 2025થી ફેબ્રુઆરી 2026 દરમિયાન યોજાયેલા પર્સનાલિટી ટેસ્ટના આધારે યુપીએસસી દ્વારા તા.05 માર્ચ 2026ના રોજ જાહેર કરાયેલા અંતિમ પરિણામમાં સમગ્ર ભારતમાંથી 958 ઉમેદવારો અખિલ ભારતીય સેવા માટે પસંદ થયા છે. સ્પીપાના 34 ઉમેદવારો પાસ થયા આ આખરી ચયનમાં સ્પીપા ખાતે તાલીમ લીધેલા 34 ઉમેદવારોનો સમાવેશ થાય છે.પર્સનાલિટી ટેસ્ટ માટે સ્પીપા દ્વારા ઉમેદવારોને નવેમ્બર 2025થી ફેબ્રુઆરી 2026 દરમિયાન વિશેષ તાલીમ આપવામાં આવી હતી.આ તાલીમમાં 15 ‘મોક ઈન્ટરવ્યુ’ અને 4 વિશેષ વ્યાખ્યાનોનું આયોજન કરવામાં આવ્યું હતું.ઉપરાંત ઇન્ટરવ્યુ માટે નવી દિલ્હી જનાર ઉમેદવારો માટે ગુજરાત ભવન ખાતે રહેવાની વ્યવસ્થા પણ કરવામાં આવી હતી. આ પણ વાંચોઃ Gujarat Weather News: કચ્છના ભુજમાં ગરમીનો પારો 38 ડિગ્રીએ પહોંચ્યો, બપોર પડતાં જ બજારોમાં સન્નાટો જોવા મળ્યો

Read Full Story arrow_forward