android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
કારના બોનેટ પર મિત્રોને બેસાડી વીડિયો ઉતારવો નકલંકપરાના યુવાનને ભારે પડયું
calendar_today March 6, 2026

કારના બોનેટ પર મિત્રોને બેસાડી વીડિયો ઉતારવો નકલંકપરાના યુવાનને ભારે પડયું

સુરેન્દ્રનગરના રીવરફ્રન્ટ રોડ પર કારના બોનેટ પર બે યુવકો બેઠા હોય તેવો વીડિયો સોશિયલ મીડિયામાં વાયરલ થયો હતો. ત્યારે બી ડીવીઝન પોલીસે આ અંગે તપાસ કરી કાર ચાલક નકલંકપરામાં રહેતા 32 વર્ષીય નટુ બચુભાઈ દેથરીયાને ઝડપી લીધો હતો. જેની પુછપરછ કરતા કાર તે ચલાવતો હતો અને કારના બોનેટ પર બેસેલા બે મિત્રોનો વીડીયો રાહુલ ઘનશ્યામભાઈ કોરડીયાએ ઉતાર્યો હતો. આથી પોલીસે કાર ચાલક સામે અન્ય માણસની જિંદગી જોખમાય તે રીતે વાહન ચલાવવાનો ગુનો નોંધ્યો છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward
રિક્ષા પલટતાં બાળકીનું મોત : 3 ને ઈજા
calendar_today March 6, 2026

રિક્ષા પલટતાં બાળકીનું મોત : 3 ને ઈજા

સાયલા હાઈવે પર કાર અડફેટે 1નું મોત, ચોટીલા ગ્રામ્યમાં ટેમ્પી અડફેટે બાઈક ચાલક આધેડને ઈજાસુરેન્દ્રનગર જિલ્લાના સરા-ધ્રાંગધ્રા રોડ, સાયલા નેશનલ હાઈવે, લખતર-વિરમગામ હાઈવે અને ચોટીલા ગ્રામ્યમાં અકસ્માતના 4 બનાવ સામે આવ્યા છે. જેમાં સરા-ધ્રાંગધ્રા રોડ પર રિક્ષા પલટી ખાતા 3 વર્ષીય બાળકીનું મોત થયુ છે. જયારે ચાલક અને દંપતીને ઈજાઓ પહોંચી છે. બીજી તરફ સાયલા નેશનલ હાઈવે પર કાર અડફેટે એમપીના ખેતમજુરને કાળ ભરખી ગયો છે. મુળ મધ્યપ્રદેશના 27 વર્ષીય રસીતભાઈ તેરસીંગભાઈ મેહડા હાલ મુળી તાલુકાના નાડધ્રી ગામે રહીને ખેતમજુરી કરે છે. તા. 1-3 ના રોજ બપોરે તેમની 3 વર્ષીય ભત્રીજી પાયલને તાવ આવેલ હોઈ રસીતભાઈ અને તેમના પત્ની અનીતાબેન બાળકીને લઈને સારવાર માટે રીક્ષામાં ધ્રાંગધ્રા જતા હતા. જેમાં રિક્ષાચાલક નાડધ્રીના મહેન્દ્ર ચંદુભાઈ ચાવડા હતા. ત્યારે સરા-ધ્રાંગધ્રા હાઈવે પર અચાનક ચાલકે રિક્ષા પરથી કાબુ ગુમાવતા રિક્ષા પલટી મારી ગઈ હતી. જેમાં ચારેયને ઈજા થતા સારવાર માટે દવાખાને લઈ જવાતા તબીબોએ પાયલને મૃત જાહેર કરી હતી. આ અંગે તા. 4ના રોજ રાત્રે મુળી પોલીસ મથકે રિક્ષા ચાલક સામે ફરિયાદ નોંધાતા વધુ તપાસ પીએસઆઈ એન.એલ.ગીલવા ચલાવી રહ્યા છે. જયારે મુળ એમપીના પપ્પુભાઈ વેલસીંગભાઈ વસુનીયા હળવદ તાલુકાના જુના દેવળીયા ગામે ખેતમજુરી કરે છે. તા. 2-3 ના રોજ તેમના પિતા વેલસીંગભાઈ વતનમાંથી મુળી તાલુકામાં ખેતમજુરી કરવા માટે નીકળ્યા હતા. તા. 3 ના રોજ રાતના સમયે હાઈવે પર પેટ્રોલીંગ કરી રહેલ સાયલા પોલીસને નેશનલ હાઈવે પર ફેમફુડ હોટલ પાસે રસ્તો ક્રોસ કરતા એક વૃધ્ધને કારે અડફેટે લઈ મોત નીપજાવ્યુ હતુ. પોલીસે તપાસ કરતા મૃતકના ખીસ્સામાંથી નીકળેલ કાગળ પર લખેલ મોબાઈલ નંબર ફોન કરતા તે પપ્પુભાઈ વસુનીયા હોવાનું તથા મૃતક વેલસીંગભાઈ હોવાનું સામે આવ્યુ હતુ. આ અંગે કાર ચાલક સામે તા. 3 ના રોજ મોડી રાત્રે સાયલા પોલીસ મથકે ફરિયાદ નોંધાતા વધુ તપાસ એચસી જે.એલ.લીંબડીયા ચલાવી રહ્યા છે. બીજી તરફ રાજકોટ જિલ્લાના વીંછીયા તાલુકાના મોટી લાખાવાડ ગામે રહેતા પપ વર્ષીય વલ્લભભાઈ દાનાભાઈ વાલાણી ચોટીલાના નાવા ગામે ઈકો કારમાં મજુરોના ફેરા કરતા હતા. તા. 27-2 ના રોજ સવારે તેઓ બાઈક લઈને ચોટીલા કારનો સામાન લેવા ગયા હતા. જયાંથી પરત આવતા સમયે નાવા ગામના વળાંકમા સામેથી આવતી ટેમ્પીના ચાલકે પુરઝડપે ચલાવી બાઈક સાથે અકસ્માત કર્યો હતો. જેમાં વલ્લભભાઈને માથે, હાથે અને કમરમાં ઈજા થતા સારવાર માટે દવાખાને લઈ જવાયા હતા. આ અંગે ટેમ્પી ચાલક સામે તા.4ના રોજ મોડી સાંજે ચોટીલા પોલીસ મથકે ફરિયાદ નોંધાતા વધુ તપાસ એચસી આર.એ.હણ ચલાવી રહ્યા છે. આ ઉપરાંત લખતર-કડુ વચ્ચે હનુમાનજીના મંદિર પાસે કાર અને રિક્ષાનો અકસ્માત સર્જાયો હતો. લખતરથી વિરમગામ તરફ જતી કારે આદલસર પાસે વળાંક લેતી રિક્ષા સાથે અથડાવતા રિક્ષા ચાલક આદલસરના 25 વર્ષીય વિશાલભાઈ કનુભાઈ હાજીપુરાને ઈજા પહોંચતા સારવાર માટે પ્રથમ લખતર અને ત્યારબાદ સુરેન્દ્રનગર લઈ જવાયા છે. આ બનાવમાં બન્ને વાહનોને મોટાપાયે નુકશાન થયુ હતુ. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward
રાજકોટ હાઈવે પર મોરવાડના પાટીયા પાસે કેમિકલ ભરેલું ટેન્કર પલટતા દોડધામ
calendar_today March 6, 2026

રાજકોટ હાઈવે પર મોરવાડના પાટીયા પાસે કેમિકલ ભરેલું ટેન્કર પલટતા દોડધામ

અમદાવાદ-રાજકોટ નેશનલ હાઈવે પર ધુળેટીના દિવસે બપોરે મોરવાડના પાટીયા પાસે બેન્ઝીન કેમીકલ ભરેલ ટેન્કર પલટી મારી ગયુ હતુ. બનાવની જાણ થતા સુરેન્દ્રનગર મહાનગરપાલીકાના ફાયરબ્રિગેડના લાશ્કરોની ટીમ ફાયરફાઈટર સાથે સ્થળ પર દોડી ગઈ હતી. અને પાણીનો મારો ચલાવતા કોઈ જાનહાનિ થઈ ન હતી. જયારે ક્રેન વડે ટેન્કરને ખડુ કરી રસ્તો કલીયર કરાયો હતો. બેન્ઝીન કેમીકલનો મુખ્ય ઉપયોગ પ્લાસ્ટીક, સીન્થેટીક ફાયબર, રબર, ડિટરજન્ટ, ડાઈ અને જંતુનાશક દવાઓના ઉત્પાદનમાં કાચા માલ તરીકે કરવામાં આવે છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward