Community News & Updates

Stay informed with the latest happenings, achievements, and announcements from our community.

All News

calendar_today March 6, 2026

અમદાવાદ ગ્રામ્યની તાલુકા પંચાયત કચેરીઓમાં રંગોત્સવ પર્વની ઉજવણી

માંડલ: રંગોત્સવ (ધૂળેટી) પર્વની ઉજવણી અમદાવાદ ગ્રામ્યની સરકારી કચેરીઓના અધિકારી-કર્મચારીઓ દ્વારા પણ કરવામાં આવી હતી. બુધવારે રંગોત્સવની જાહેર રજા હતી જેને પગલે તાલુકા પંચાયત કચેરીનું સરકારી કામકાજ પુર્ણ કરીને ઘરે જતાં પહેલાં કર્મચારીઓએ સાંજે કચેરીના કેમ્પસમાં જ રંગોત્સવ પર્વની ઉજવણી કરેલ હતી. ગ્રામ્યની ધોલેરા તાલુકા પંચાયત કચેરીમાં તાલુકા વિકાસ અધિકારી મેહુલભાઈ સેંધવ અને મદદનીશ ટીડીઓ વિષ્ણુભાઈ સુમેસરાના માર્ગદર્શન હેઠળ સૌ કચેરીના અધિકારી,કર્મચારી સ્ટાફજનોએ ધુળેટીની ઉજવણી કરી ત્યારે દેત્રોજ તાલુકા પંચાયતના કર્મીઓએ પણ રંગેચંગે રંગોના આ તહેવારને મનાવ્યું હતું.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 6, 2026

સુરેન્દ્રનગરમાં ગર્લ્સ સ્કૂલ પાસે વીજ ટ્રાન્સફોર્મરમાં આગ લાગતા દોડધામ

સુરેન્દ્રનગર શહેરમાં આર.પી. પી. ગર્લ્સ સ્કૂલ પાસે આવેલા વીજ ટ્રાન્સફોર્મરમાં મંગળવારે સાંજના સમયે અચાનક આગ ભભુકી ઉઠી હતી. બનાવની જાણ થતા મહાનગરપાલિકાની ફાયર વિભાગની ટીમ અને વીજ કર્મીઓ દોડી ગયા હતા. સૌપ્રથમ આ વીસ્તારમાં વીજ પુરવઠો બંધ કરીને પાણીનો મારો ચલાવી આગને કાબુમાં લેવાઈ હતી. આ રસ્તા પર આર.પી.પી.ગર્લ્સ સ્કૂલ ઉપરાંત સી.જે. હોસ્પિટલ પણ આવેલી છે. જયારે આ રોડ દિવસ દરમિયાન ટ્રાફીકથી ધમધમતો રહે છે. ત્યારે સાંજના સમયે લાગેલ આગથી લોકોમાં ભયનો માહોલ જોવા મળ્યો છે. બીજી તરફ આગને લીધે સુરેન્દ્રનગર સિટી-1 વિસ્તારમાં સાંજ સુધી વીજ પુરવઠાની આવન-જાવન રહી હતી. જોકે, આ બનાવમાં કોઈ જાનહાનિ ન થતા લોકોએ રાહત અનુભવી હતી.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 6, 2026

સુરેન્દ્રનગરમાં આંગણવાડી કાર્યકર અને તેડાગરના બાકી ઈન્સેટીવની ચૂકવણી કરો

હેલ્પર અને વર્કરને મળતા લાભોથી વંચિત રખાતા ચેરમેન દ્વારા ન્યાયની માંગવઢવાણની આંગણવાડી કાર્યકર અને તેડાગરના ઇન્સેટીવનું ચુકવણું બાકી હોઇ મહિલાઓએ પી.ઓ.ને અને હેલ્પર, વર્કરોને મળવા પાત્ર લાભ નહી મળતા હોવાથી ચેરમેને કમીશ્નરને રજૂઆત કરી ન્યાય અપાવવાની માંગ કરી છે. વધુમાં પ્રાપ્ત વિગતો અનુસાર સુરેન્દ્રનગર જિલ્લામાં આંગણવાડીઓના સ્ટાફને સરકાર તરફથી અપાતા લાભ અને પુરતી સુવિધાઓ નહી પુરી પડાતી હોવાથી સ્ટાફ ભારે હાલાકી ભોગવી રહયો છે.પ્રોગ્રામ ઓફીસર પોતાના જ વિભાગના મહિલા ચેરમેનને નો સાંભળે મીટીંગમાં ના બોલાવે એતો ઠીક પરંતુ સામસામે મારામારીની પોલીસ ફરીયાદ પણ નોંધાઇ છે.ત્યારે વઢવાણ ઘટક 2ની આંગણવાડી કાર્યકર બહેનો અને તેડાગર બહેનોને આઇ.સી.ડી.એસ.યોજના અંતર્ગત મોબાઇલમાં ઓનલાઇન કામગીરી કરવા માટે રકમ ચુકવવાની હોય એ રકમ 2022 થી બાકી છે.જે રકમ તાત્કાલીક ચુકવણી થાય એવી સ્ટાફ દ્વારા પી.ઓ.ને રજૂઆત કરાઇ છે.બીજી તરફ સુરેન્દ્રનગર મહિલા બાળ વિકાસ ચેરમેન નંદુબેન વાઘેલાએ મહિલા બાળ વિકાસના કમીશ્નરને પણ લેખીત રજૂઆત કરી છે.જેમાં દરેક ઘટક કચેરીઓમાં કોમ્યુટર ફાળવાયા છે અને દરેક કચેરીમાં ફરજ બજાવતા સી.ડી.પી.ઓ. અને સુપરવાઇઝરો સી.સી.સી.પાસ કર્યાના પ્રમાણપત્ર રજુ કર્યા છે.એમ છતાય કોમ્યુટર ઉપર કામ કરાવવાના બદલે આંગણવાડી સ્ટાફ પાસે મોબાઇલમાં કામ કરાવવાની ફરજ પડાય છે.અને સમયસર ચુકવણુ પણ થતુ નથી.આ તમામ બાબતની તાત્કાલીક તપાસ કરી યોગ્ય ન્યાય મળે એવી નંદુબેન વાઘેલાએ માંગ કરી છે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward