Community News & Updates

Stay informed with the latest happenings, achievements, and announcements from our community.

All News

calendar_today March 6, 2026

વિરેશ્વરની સીમમાં ઝઘડાની અદાવતમાં હુમલો, 1ને ઈજા

હિંમતનગર : વિજયનગર તાલુકાના કાલવણ ગામે રહેતા સપનાબેન કમલેશભાઈ બરંડાએ નોંધાવેલી ફરિયાદમાં કરેલા આક્ષેપ મુજબ, ગત તા. 2 માર્ચના રોજ બપોરના સુમારે તેઓ તથા નિર્મલ સંજયભાઈ ભગોરા બાઈક પર આશ્રામથી કાલવણ જતાં હતા ત્યારે રસ્તામાં વિજય રોયણીયા તથા જીગર જગદિશ પંચાલે અગાઉ વિરેશ્વર મેળામાં થયેલા ઝઘડાની અદાવત રાખી વિજય રોયણીયાએ બાઈક પાછળ હોર્ન વગાડી આગળ નીકળી જઈ બાઈક પાછુ વાળી ચાલુ બાઈકે છુટો પથ્થર મારી નિર્મલ ભગોરાને ઈજા પહોંચાડી હતી અને વિજય રોયણીયા, દિનેશ દેવાભાઈ ગમાર અને રાહુલ રમેશભાઈ બોડાતે કલેકટરના જાહેરનામાનો ભંગ કરતાં સપનાબેન બરંડાએ ત્રણેય વિરૂધ્ધ વિજયનગર પોલીસ સ્ટેશનમાં ફરિયાદ નોંધાવી હતી.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today March 5, 2026

Patan: ફોટા પડાવી નેતાઓ રવાના, ગરીબ લાભાર્થીઓ સિલાઈ મશીન વિના રઝળ્યા!

પાટણ ઊંઝા હાઇવે પર ગુરૂવારે જિલ્લા સામાજિક ન્યાય નિધિ અંતર્ગત સિલાઈ મશીન વિતરણ કાર્યક્રમનું આયોજન જિલ્લા પંચાયત પ્રમુખ તથા જિલ્લા સામાજિક ન્યાય સમિતિના ચેરમેનની ઉપસ્થિતિમાં રાખવામાં આવ્યું હતું. જેમાં લાભાર્થીઓના આક્ષેપ મુજબ કાર્યક્રમ દરમિયાન બંને પદાધિકારીઓ ઉપસ્થિત રહ્યા હતા. પરંતુ સન્માન કાર્યક્રમ બાદ રવાના થઈ ગયા બાદ સિલાઈ મશીન વિતરણ ન કરતાં લાભાર્થીઓ રોષે ભરાયા હતા. અને આક્રોશ વ્યક્ત કર્યો હતો.?પાટણ શહેરમાં ઊંઝા હાઇવે પર આવેલ ઓક્સર્ફ્ડ સ્કુલ પાસેના ડિવાઈન મર્સી સ્ટડી સેન્ટર ખાતે જિલ્લા સામાજિક ન્યાય નિધિ અંતર્ગત સિલાઈ મશીન વિતરણ કાર્યક્રમનું આયોજન જિલ્લા પંચાયતની સમાજ કલ્યાણ શાખા દ્વારા રાખવામાં આવ્યું હતું. જેમાં જિલ્લા પંચાયત પ્રમુખ હેતલ ઠાકોર તથા જિલ્લા સામાજિક ન્યાય સમિતિના ચેરમેન નિકિતા પરમાર સહિતના હોદ્દેદારો ઉપસ્થિત રહ્યા હતા. કાર્યક્રમની શરૂઆતમાં તમામનું સ્વાગત કરવામાં આવ્યું હતું. ત્યારબાદ લાભાર્થીઓના આક્ષેપ મુજબ સ્વાગતવિધી પુરી થતાં તમામ હોદ્દેદારો અને જવાબદાર કર્મચારીઓ સીલાઈ મશીન વિતરણ કર્યા વગર જ કાર્યક્રમ છોડીને જતાં રહેતાં લાભાર્થીઓને સીલાઈ મશીન મળવા પામ્યા ન હોવાનું સૂત્રોએ જણાવ્યું હતું. તંત્રના અણધડ વહીવટને કારણે લાભાર્થીઓને સીલાઈ મશીન ન મળતાં રોષે ભરાયા હતા અને તમામ લાભાર્થીઓ ડિવાઈન મર્સી સ્ટડી સેન્ટર ખાતે જ બેસીને વિરોધ નોંધાવ્યો હતો. આમ પદાધિકારીઓ અને કર્મચારીઓની બેદરકારીથી લાભાર્થીઓને સીલાઈ મશીન મેળવ્યા વિના જ પરત ફરવું પડયું હોવાનું સુત્રો પાસેથી જાણવા મળ્યું છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 5, 2026

Patan: હારીજના પીલુવાડા નજીક કેનાલમાંથી ચાણસ્માના યુવકનો મૃતદેહ મળ્યો

હારીજ તાલુકાના પીલુવાડા નજીક પસાર થતી નર્મદા વિભાગની કેનાલમાંથી ચાણસ્માના મંડલોપ ગામના એક પરણિત યુવકનો મૃતદેહ મળી આવતા પરિવારજનો કેનાલ પર દોડી ગયા હતા. અને હારીજ પોલીસને જાણ થતાં પોલીસ પણ દોડી આવી હતી. અને તરવૈયાઓની મદદથી મૃતદેહ પાણીમાંથી બહાર કાઢી હારીજ સામુહિક આરોગ્ય કેન્દ્રમાં પોસ્ટમોર્ટમ માટે મોકલી અકસ્માતે મોતની નોંધ કરી વધુ તપાસ હારીજ પોલીસે હાથ ધરી છે. ચાણસ્મા તાલુકાના મંડલોપ ગામનો પશુપાલન વ્યવસાય સાથે સંકળાયેલ 32 વર્ષિય પ્રકાશભાઈ જીવણભાઈ દેસાઈ નામનો યુવક બે દિવસ અગાઉ સવારે ઘરેથી બાઈક લઈને નિકળ્યા બાદ બાઈક ખોરસમ નજીક કેનાલ પરથી મળી આવતાં ભારે શોધખોળ કરવા છતાં નહીં મળતાં આખરે પરિવારે યુવક ગુમ થઈ જવા બાબતે ચાણસ્મા પોલીસ સ્ટેશનમાં જાણવા જોગ અરજી આપી હતી. તેવામાં હારીજ તાલુકાના પીલુવાડા નજીક પસાર થતી નર્મદા વિભાગની કેનાલમાંથી મૃતદેહ મળી આવતાં પોલીસ અને પરિવારજનો કેનાલ પર દોડી આવ્યા હતા. અને તરવૈયાઓની મદદથી મૃતદેહ પાણીમાંથી બહાર કાઢી પોસ્ટમોર્ટમ માટે હારીજ સામુહિક આરોગ્ય કેન્દ્રમાં મોકલી આપી પોલીસે અકસ્માતે મોતની નોંધકરી વધુ તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward