Community News & Updates

Stay informed with the latest happenings, achievements, and announcements from our community.

All News

calendar_today March 5, 2026

Patan: કંબોઈ નજીક 18 હજારથી વધુ દારૂની બોટલ ભરેલી ટ્રક પલટી

પાટણ લોકલ ક્રાઇમ બ્રાન્ચે ધુળેટીના દિવસે રાત્રે ચાણસ્મા હારીજ હાઈવે પરથી ભુસીના કટ્ટાની આડમાં વિદેશી દારૂ ભરી પસાર થતી એક ટ્રકનો છેક ચાણસ્માથી પીછો કરતા ટ્રક ચાલકે કંબોઈ નજીક ટ્રક ધીમી પાડી ચાલું ગાડીએ કુદકો મારી ફરાર થઈ ગયો હતો. ટ્રક સીધી જ રોડની સાઈડમાં ચોકડીઓમાં ખાબકી હતી. જેમાંથી પોલીસે જિલ્લામાં પ્રથમ વખત રેકોર્ડ બ્રેક વિદેશી દારૂની કુલ 18,576 બોટલો વિદેશી દારૂની કબજે કરી હતી. જ્યારે અંધારાનો લાભ લઈને ટ્રક ચાલક ફરાર થઈ જવામાં સફ્ળ રહ્યો હતો. આ અંગે લોકલ ક્રાઇમ બ્રાન્ચના પોલીસ કર્મીએ ચાણસ્મા પોલીસ સ્ટેશનમાં ટ્રક ચાલક સહિત ટ્રક માલિક અને મુદ્દામાલ મંગાવનાર સહિત તપાસમાં જે નિકળે તે લોકો વિરુદ્ધ ફરીયાદ નોંધાવી છે.પાટણ લોકલ ક્રાઇમ બ્રાન્ચના પીઆઈ રાકેશ ઉનાગરની ટીમના માણસો ધુળેટીના દિવસે રાત્રે ચાણસ્મા પોલીસ સ્ટેશન વિસ્તારમાં પેટ્રોલિંગમાં હતાં તે દરમિયાન ખાનગી બાતમી મળી હતી કે એક ટ્રકમાં વિદેશી દારૂ ભરેલ છે. તે ટ્રક મહેસાણા તરફ્થી હારીજ તરફ્ જવાની છે. જેના આધારે LCB ના માણસોએ ચાણસ્મા હાઈવે સર્કલથી થોડે દુર નાકાબંધી કરી હતી. તે સમયે બાતમી વાળી ટ્રક પસાર થતાં પોલીસે તેને ઊભી રખાવવાની કોશિશ કરતાં ટ્રક ચાલકે ગફ્લતભરી રીતે પુરપાટ ઝડપે ટ્રક હારીજ તરફ્ હંકારી મૂકી હતી. જેનો પોલીસે પીછો કરતા ટ્રક ચાલકે કંબોઈ નજીક પાટીયા પાસે પહોંચતા ટ્રક ધીમી પાડી ચાલું ટ્રકે કુદકો મારી રાત્રીના અંધારાનો લાભ લઈને નાસી છૂટયો હતો. ટ્રક ધીમી ગતિએ સીધી જ રોડની સાઈડમાં ચોકડીઓમાં ખાબકી ઊંધી પડી હતી. જ્યાં પોલીસે પહોંચી ટ્રકમાં તપાસ કરતાં ઊપરના ભાગે કાળા રંગની ભુસીઓ ભરેલા કટ્ટાઓ હતાં. જેના નિચે વિદેશી દારૂની પેટીઓ મળી આવતાંપોલીસે ગણતરી કરતાં પાટણ જિલ્લામાં પ્રથમ વખત રેકોર્ડ બ્રેક કુલ 18,576 વિદેશી દારૂની બોટલો મળી આવતાં પોલીસે રૂ. 39 લાખ 95 હજાર 280 નો દારૂ સહિત રૂ. 5100 ની કિંમતના 51 નંગ કાળા રંગની ભુસીઓ ભરેલા કટ્ટાઓ તથા 10 લાખની કિંમતની ટ્રક મળી કુલ 50 લાખનો મુદ્દામાલ કબજે કરી. ટ્રક ચાલક સહિત ટ્રક માલિક અને મુદ્દામાલ મંગાવનાર તેમજ તપાસમાં જેનીસંડોવણી બહાર આવે તેની વિરુદ્ધ ફરીયાદ નોંધી વધુ તપાસ હાથ ધરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 5, 2026

Nadiad: હાર્ડવેર દુકાનમાં ભીષણ આગ

નડિયાદમાં ધૂળેટીની સવારે એક તરફ શહેરીજનો ધૂળેટીનો પર્વ ઉજવી રહ્યા હતા. દરમિયાન શહેરના બજાર વચ્ચે આવેલ એક હાર્ડવેરની દુકાનમાં અચાનક આગ ભભૂકી ઉઠતાં વેપારીઓના જીવ પડીકે બંધાઈ ગયા હતા. ધુમાડાના ગોટેગોટાને પગલે સ્થાનિકોના જીવ પણ અધ્ધર થઈ ગયા હતા. જોકે કલાકોની જહેમત બાદ નડિયાદ ફાયરબ્રિગેડે આગને કાબુમાં લઈ લીધી હતી.નડિયાદના અમદાવાદી બજારમાં આવેલ વલ્લભ હાર્ડવેર નામની દુકાનના બીજા માળે ધૂળેટીના દિવસે તા.4 માર્ચ 2026ના રોજ સવારના 11 વાગ્યાના અરસામાં અચાનક ભીષણ આગ ભભૂકી ઉઠી હતી. જોતજોતામાં આગના કારણે ધુમાડાના ગોટેગોટા દૂર દૂર સુધી પ્રસરી ગયા હતા. આ વિસ્તારમાં અત્યંત ભીડભાડવાળો, અનેક કપડાં-જ્વેલરીની દુકાનો, અનેક ઘરો આવેલ હોય, બનાવને પગલે લોકોના જીવ અદ્ધર થઈ ગયા હતા. બજારમાં આગ લાગી હોવાની જાણ થતાં તહેવારની ઉજવણી છોડીને વેપારીઓ સ્થળ પર દોડી આવ્યા હતા. બનાવની જાણ દુકાન માલિકના પુત્રએ જણાવ્યું હતું કે આજે સવારે અમે ઘરે ધૂળેટીનો પર્વ ઉજવી રહ્યા હતા. દરમિયાન એક જાગૃત નાગરિકે કોલ કરી દુકાનમાં ઉપરના માળે આગ લાગી હોવાની જાણ કરતાં અમે તાબડતોબ ઘટના સ્થળે દોડી આવ્યા હતા. બનાવ મામલે નડિયાદ ફાયરબ્રિગેડને જાણ કરતાં ફાયરની ટીમ પણ સ્થળ પર દોડી આવી હતી. અને પાણીનો મારો ચલાવી આગને કાબુમાં લીધી હતી. દુકાનના ઉપરના માળે હાર્ડવેરનો પાઈપ સહિતનો સામાન મુકી રાખતા હતા. જેમાં કોઈ કારણસર આગ ભભૂકી ઉઠતાં સામાન બળીને ખાખ થઈ ગયો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today March 5, 2026

Dahegam: બટાટાનું બમ્પર ઉત્પાદન : કોલ્ડસ્ટોરેજો ઉભરાયા

બટાટાના ઉત્પાદનમાં દહેગામ તાલુકો માન્ચેસ્ટર સમાન ગણવામાં આવે છે .ચાલુ વર્ષે બટાટાના ભારે ઉત્પાદનને લઇને તાલુકાના તમામ 45 થી પણ વધુ કોલ્ડસ્ટોરેજમાં એક અંદાજ મુજબ 54 થી 55 લાખ બટાટાના કટ્ટા ઠલવાઇ ગયા છે . દર વર્ષે 70 થી 75 લાખ કટ્ટાની સામે આ વખતે 90 લાખ કટ્ટા સ્ટોર થવાની ધારણા એશોસિએશન દ્વારા વ્યક્ત કરવામાં આવી છે. પ્રોડક્શનમાં વધારો થયો હોવાથી સ્થિતી વણસી હોવાનુ અને ભાવ એકદમ તળીયે જતા રહ્યા હોવાનુ માનવામાં આવી રહ્યુ છે. ખેડુતોના બટાટા દર વર્ષની જેમ આ વર્ષે ખુલ્લા બજારમાં કે ડાયરેક્ટ ખેતરમાંથી કોઇ લેવાલ ના હોવાથી ખેડૂતો તેને સ્ટોર કરવા દોટ લગાવી રહ્યા છે. હાલ દહેગામથી બાયડ હાઇવે તેમજ દહેગામ રખીયાલ હાઇવે પર આવેલા તમામ કોલ્ડસ્ટોરેજો આગળ સેંકડો વાહનોની ચારથી પાંચ કિલોમીટર લાંબી લાઇનો લાગી છે અને બબ્બે દિવસે લોડીંગમાં વારો આવે એવી સ્થિતી છે.દહેગામ તાલુકા કોલ્ડસ્ટોરેજ એશોસિએશનના પ્રમુખ પીનાકીનભાઇએ જણાવ્યુ કે તાલુકામાં 45 કરતા વધુ કોલ્ડસ્ટોરેજ ઉપલબ્ધ છે. જેમાં દર વર્ષે 75 લાખ જેટલા કટ્ટા સ્ટોર થાય છે પરંતુ આ વખતે બટાટાના ભારે પ્રોડક્શનને લઇને 90 લાખ કટ્ટાની ધારણા છે. બજારમાં ભાવ નહી મળતા તેમજ બજારમાં પાક વેચવા માટે ખેડુતોને બીજો કોઇ વિકલ્પ નહી હોવાથી હાલ ખેડુતોએ બટાટાના સ્ટોરેજ તરફ દોટ મુકી છે. બટાટા સ્ટોર કર્યા બાદ ભાવમાં સુધારો આવતા વેચવાનો વિકલ્પ પસંદ કરવામાં આવી રહ્યો છે. જોકે સ્ટોરેજો આગળ તેમજ હાઇવે પર વાહનોની મસમોટી લાંબી લાઇનો લાગી છે.તો બીજી તરફ સ્ટોરેજોમાં માલ લોડીંગ કરવાની પ્રક્રીયા પણ ધીમી પડી હોવાથી ધાર્યા કરતા ઓછો માલ લોડીંગ થઇ રહ્યો છે. જેના કારણે પણ વાહનોની લાઇનો યથાવત જોવા મળી રહી છે. બટાટાના ભાવ મામલે પીનાકીનભાઇએ જણાવ્યુ કે 100 થી 120 ખાવાના વપરાશના બટાટા અને પ્રોસેસનો 175 થી 190 અને 200 થી 225 નો ભાવ પ્રતિમણ છે. જે ગત વર્ષ કરતા ખુબજ નીચો છે . દહેગામમાં ભુતકાળમાં બટાટાના ભાવ નહી મળતા અસંખ્ય ખેડુતોને કોલ્ડસ્ટોરેજોનું ભાડુ પણ ભરવાના ફાંફા પડયા હતા અને આવી સ્થિતીમાં સંગ્રહ કરેલા બટાટાનો જથ્થો જ ભાડુ ચુકવવામાં જતો કરવાની સ્થિતી સર્જાઇ હતી અને કેટલાક ખેડુતો દ્વારા બટાટાના પાકને ખાડા કરીને દાટી પણ દેવા પડયા હતા. આ વર્ષે ખેડુતોમાં ભાવને લઇને ચિંતાનુ મોજુ ફરી વળ્યુ છે ત્યારે હાલ દહેગામના તમામ રસ્તાઓ અને હાઇવે પર માત્ર બટાટાના વાહનોની લાઇનો જ જોવા મળી રહી છે જે આગામી 10થી 15 મી સુધી આ સ્થિતી જોવા મળનાર છે. 10 મી બાદ બટાટાનુ સાચુ ચિત્ર સ્પસ્ટ થાય એમ છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward