Community News & Updates

Stay informed with the latest happenings, achievements, and announcements from our community.

All News

calendar_today March 5, 2026

Vadodara News : વડોદરા ક્રાઈમ બ્રાન્ચે ઝડપ્યો રીઢો આરોપી, કપૂરાઈ બાઇપાસ પર પાર્ક કરેલી કારનો કાચ તોડી કરી હતી ચોરી

વડોદરામાં કપૂરાઈ બાઇપાસ પર પાર્ક કરેલી કારનો કાચ તોડી કરી હતી ચોરી અને કારમાંથી બેગમાં મુકેલા 3 હજાર ડોલર કપડા સહિતની છ બેગની ચોરી કરી આરોપી ફરાર થયો હતો, વડોદરા ક્રાઈમ બ્રાન્ચ આ મામલે તપાસ કરી રહી હતી અને બાતમીના આધારે આરોપીને ઝડપી લેવામાં આવ્યો હોવાની વાત સામે આવી છે. ક્રાઈમે કપૂરાઈ પોલીસને સોંપ્યો આરોપી વડોદરા ક્રાઈમ બ્રાન્ચે આરોપી મોહમ્મદયાકુબ શેખની ધરપકડ કરી કપૂરાઈ પોલીસને કર્યો હવાલે અને મહોમ્મદયાકુબ સામે વડોદરા શહેર જિલ્લા ઉપરાંત અમદાવાદમાં પણ નોંધાયા છે ચાર ગુના, કપૂરાઈ પોલીસે આરોપી પાસેથી મુદ્દામાલ રિકવર કરવા હાથ ધરી કાર્યવાહી છે, કપૂરાઈ પોલીસ આ મામલે વધુ તપાસ કરી રહી છે. આરોપી ગુનાહિત ઈતિહાસ ધરાવે છે આરોપી ગુનાહિત ઈતિહાસ ધરાવે છે અને ચોરી કરવાની માનસિકતા ધરાવે છે, બંધ કારમાંથી ચોરી કરતો હોવાની વાત સામે આવી છે, ત્યારે આ કેસમાં હજી પણ વધુ ગુનાનો ભેદ ઉકેલાઈ શકે છે. આ પણ વાંચો : Surat News : હોળીના તહેવાર નિમિતે પશ્ચિમ રેલવેને અત્યાર સુધી 5.73 કરોડની આવક, સુરતથી સૌથી વધારે મુસાફરો યુપી તરફ ગયા

Read Full Story arrow_forward

calendar_today March 5, 2026

Dwarka: કલ્યાણપુરમાં ધૂળેટીની ખુશી માતમમાં ફેરવાઈ, તળાવમાં ન્હાવા ગયેલા કિશોરનું ડૂબી જતાં કરુણ મોત

 દેવભૂમિ દ્વારકા જિલ્લાના કલ્યાણપુર તાલુકામાંથી એક હૃદયદ્રાવક ઘટના સામે આવી છે. કલ્યાણપુરના કબીરનગર વિસ્તારમાં એક કિશોરનું તળાવમાં ડૂબી જવાથી કરુણ મોત નીપજ્યું છે, જેના કારણે સ્થાનિક પંથકમાં અરેરાટી વ્યાપી ગઈ છે.કિશોરનું તળાવમાં ડૂબી જવાથી કરુણ મોત પ્રાપ્ત વિગતો અનુસાર, કબીરનગર વિસ્તારમાં રહેતો કિશોર ધૂળેટીના પર્વ નિમિત્તે મિત્રો સાથે રંગોથી રમ્યા બાદ શરીર સાફ કરવા અને ન્હાવા માટે નજીકના તળાવે ગયો હતો. તળાવમાં ન્હાતી વખતે અચાનક ઊંડા પાણીમાં ઉતરી જતાં કિશોર ગરકાવ થઈ ગયો હતો. આસપાસના લોકોએ તેને બચાવવાના પ્રયાસો કર્યા હતા, પરંતુ કમનસીબે તેને બચાવી શકાયો નહોતો.પરિવારમાં શોકનો માહોલતહેવારના દિવસે જ વ્હાલસોયા પુત્રના મોતના સમાચાર મળતા પરિવાર પર આભ તૂટી પડ્યું છે. જે ઘરમાં ધૂળેટીના રંગોની ખુશી હતી, ત્યાં અત્યારે કરુણ રુદન અને કાળો કલ્પાંત જોવા મળી રહ્યો છે. આ ઘટનાને પગલે સમગ્ર વિસ્તારમાં શોકનું મોજું ફરી વળ્યું છે.આ પણ વાંચો: Tharad: ચર્ચાસ્પદ મામલતદાર કેસનો આરોપી જેલમાં બીમાર પડ્યા બાદ મૃત્યુ પામ્યો

Read Full Story arrow_forward

calendar_today March 5, 2026

Surat News: સરથાણામાં તાપી નદીમાં ન્હાવા ગયેલા બે યુવકો ડૂબ્યા, સતત બીજા દિવસે ફાયર બ્રિગેડ દ્વારા શોધખોળ શરૂ

ગુજરાતમાં ધૂળેટીનો તહેવાર માતમમાં ફેરવાયો હોય તેવી સ્થિતિનું સર્જન થયું છે. રાજ્યના અનેક વિસ્તારોમાં ધૂળેટી રમ્યા બાદ નદી કે તળાવમાં ન્હાવા પડ્યા બાદ ડૂબવાની ઘટનાઓમાં કૂલ 27 લોકોના મોત થયા હોવાના આંકડા સામે આવ્યાં છે. સુરતના તાપીમાં નદીમાં ન્હાવા પડેલા બે મિત્રો ડૂબ્યા હોવાની ઘટના સામે આવી છે. ફાયર વિભાગ દ્વારા તેમની શોધખોળ શરૂ કરવામાં આવી છે. સુરતમાં તાપી નદીમાં બે યુવકો ડૂબ્યા સુરતમાં સરથાણા વિસ્તારમાં ગઈકાલે સાંજે બે લોકો તાપી નદીમાં ન્હાવા માટે ગયા હતાં. આ બંને જણા નદીમાં દેખાતા નહીં હોવાથી તેમના મિત્રએ ફાયર વિભાગને જાણ કરી હતી. ફાયર વિભાગની ટીમ કોલ મળતાની સાથે જ ઘટના સ્થળે પહોંચી હતી. નદીમાં ડૂબેલા બંને યુવકોની શોધખોળ શરૂ કરી છે. આજે સવારથી પણ તેમની શોધખોળ શરૂ કરવામાં આવી છે. હજી સુધી આ બંને યુવકોનો કોઈ પત્તો લાગ્યો નથી. ગત વર્ષ કરતાં આ વર્ષે ઈમરજન્સી કેસ વધ્યા રાજ્યમાં જોઈએ તો સુરતના બારડોલી, માંગરોળ, અમદાવાદના માંડલ, મહીસાગર, અરવલ્લીના માલપુર, ધનસુરા અને મહેસાણામાં મોટી દાઉ, કડી, અમરેલીમાં ડૂબી જવાની ઘટનાઓ સામે આવી હતી. ધૂળેટીના દિવસે દિવસભર 108 એમ્બ્યુલન્સ દોડતી રહી હતી. ધૂળેટીની રાત્રે 9 વાગ્યા સુધી 4890 સુધી ઇમરજન્સી કેસ નોંધાયા હતાં. ગત વર્ષે 4002 કેસ નોંધાયા હતા આ વર્ષે 888 ઇમરજન્સી કેસમાં વધારો થયો હતો. આ પણ વાંચોઃ Ahmedabad : રાજ્યભરમાં ધૂળેટી પર્વે માતમ, ડૂબી જવાથી 18થી વધુના મોત, રાત્રે 9 વાગ્યા સુધી 4890 ઇમરજન્સી કેસ નોંધાયા

Read Full Story arrow_forward