Community News & Updates

Stay informed with the latest happenings, achievements, and announcements from our community.

All News

calendar_today March 2, 2026

Agriculture News: મહેસાણાના ઊંઝામાં આ વખતે મસાલા પાકોના ઉત્પાદનમાં ઘટાડો નોંધાયો

ઉત્તર ગુજરાતમાં મહેસાણા જિલ્લાનો ઊંઝા તાલુકો જીરાના ઉત્પાદન માટે સૌથી વધુ જાણીતો છે. ઊંઝા માર્કેટ યાર્ડ સમગ્ર દેશમાં નહીં પણ એશિયામાં સૌથી મોટું મસાલા પાક માટેનું માર્કેટ હોવાનું માનવામાં આવે છે. ત્યારે આ વખતે ઊંઝામાં મસાલા પાકોના ઉત્પાદનમાં મોટો ઘટાડો થયો હોવાનું સામે આવ્યું છે. ગઈકાલે FISSની મીટિંગમાં મસાલા પાકોના ઉત્પાદન અંગેના ચોંકાવનારા આંકાડા સામે આવ્યા છે. મસાલા પાકોના ઉત્પાદન અંગેના ચોંકાવનારા આંકાડા ઊંઝામાં ગઈ કાલે મળેલી FISSની મીટિંગમાં મસાલા પાકોના ઉત્પાદન અંગેના ચોંકાવનારા આંકાડા જાહેર થયાં છે. આ વખતે જીરું અને વરિયાળીના ઉત્પાદનમાં ભારે ઘટાડો જોવા મળ્યો છે.જ્યારે ધાણાના ઉત્પાદનમાં પણ 13 ટકાનો ઘટાડો નોંધાયો છે. આ બેઠકમાં દેશમાંથી 10 રાજ્યોના પ્રતિનિધિઓ હાજર રહ્યા હતાં.ગયા વર્ષની સરખામણીએ તમામ મુખ્ય પાકોના ઉત્પાદનમાં ઘટાડો નોંધાયો છે. ઉત્પાદન અને ટેકનોલોજીને લઈને મહત્વની ચર્ચાઓ FISSના ચેરમેન તેજસ ગાંધીએ કહ્યું હતું કે, આ બેઠકમાં મસાલા પાકોના ઉત્પાદન અને ટેકનોલોજીને લઈને મહત્વની ચર્ચાઓ કરવામાં આવી હતી. દાંતીવાડા એગ્રિકલ્ચરલ યુનિવર્સિટીના વિદ્યાર્થીઓ દ્વારા એક્સપર્ટ ટ્રેડર્સના માર્ગદર્શન હેઠળ હાથ ધરાયેલા સર્વેમાં ચોંકાવનારા આંકડા સામે આવ્યા હતાં. જીરુંની વાત કરીએ તો તેનું ઉત્પાદન આશરે 93 લાખ બોરી રહેવાનો અંદાજ છે જે ગયા વર્ષ કરતાં પાંચ ટકા ઓછી હોવાનું જાણવા મળ્યું હતું. વરિયાળીના ઉત્પાદનમાં 10 ટકાનો ઘટાડો જોવા મળ્યો છે. ધાણામાં 13 ટકાનો ઘટાડો જોવા મળ્યો છે. જ્યારે મેથીમાં 11 ટકાનો ઘટાડો નોંધાયો છે.  આ પણ વાંચોઃ Anand News : આણંદના પેટલાદમાં અકસ્માતમાં 2ના મોત, કાર અને બાઇક વચ્ચે અકસ્માત સર્જાયો

Read Full Story arrow_forward

calendar_today March 2, 2026

Surat News : સુરતથી ટ્રેન મારફતે યુપી-બિહાર જવા 20 કલાકમાં 20 હજાર મુસાફરો વતન પહોંચ્યા

મોટી સંખ્યામાં મુસાફરો પોતાના વતન ગયા છે અને હોળી-ધુળેટી પર્વ મનાવવા વતન ગયા છે, ઉધના-જયનગર સ્પેશિયલ : 4000 મુસાફરો ગયા, ઉધના-હસનપુર સ્પશિયલ : 3500 મુસાફરો ગયા, ઉધના-બ્રહ્મપુર અમૃત ભારત : 2500 મુસાફરો ગયા, ઉધના-જયનગર અંત્યોદય : 4000 મુસાફરો ગયા, સિરત-થાવે તાપ્તિગંગા : 3000 મુસાફરો ગયા, ઉધના-રક્સૌલ : 2000 મુસાફરો ગયા હોવાની વાત સામે આવી છે. સુરતથી મોટી સંખ્યામાં લોકો પોતાના વતન જવા ઉમટ્યા હોળી-ધુળેટીના પર્વને લઈ મોટી સંખ્યામાં પરપ્રાંતિયો વતન જવા માટે રવાના થયા છે, રેલવેના વેઇટિંગ એરિયામાં મોટી સંખ્યામાં મુસાફરોની ભીડ જોવા મળી છે અને વહેલી સવાર અને મોડી રાતથી મુસાફરો પહોંચ્યા છે, સુરતથી ઉત્તર પ્રદેશ જતી ખૂબ જ ઓછી ટ્રેન છે અને 16 થી 18 કલાકથી મુસાફરો વેઇટિંગ એરિયામાં બેઠા છે. ઉત્તર ભારતમાં દિવાળી કરતા પણ વિશેષ રીતે હોળી-ઘુળેટીનું પર્વ મનાવવામાં આવે છે અમદાવાદમાં વસવાટ કરતા યુપી, બિહાર સહિતના રાજ્યોના હજારો લોકો આ તહેવાર ઉજવવા માટે પોતાના વતનમાં જાય છે. અત્યારથી આ પરિવારો પોતાના વતનમાં જવા માંડ્યા છે. જેમાં ગુરૂવાર બાદની અમદાવાદથી ઉત્તર ભારત તરફ જતી ટ્રેનો હઉસફૂલ થઈ ગઈ છે. ટ્રેનમાં ટિકીટ નહી મળતા મુસાફરોને હાલાકી પરંતુ આ સમયે તેઓને ટ્રેનની ટિકિટ નહીં મળવાના કારણે ખૂબ જ હાલાકી થતી હોય છે, તેઓ જનરલ કોચમાં જવા માટે મજબૂર થઈ જતા હોય છે અને જનરલ કોર્ટમાં બેસવા માટે પણ તેઓ 16 થી 24 કલાક ફોર્મ પર આવીને લાઈન લગાવીને બેસે છે. હોળીના પર્વ સિવાય આ સમયે અન્ય કારણોસર પોતાના વતન લોકોને પણ ભારે ભીડ હોવાના કારણે હાલાકી થતી હોય છે. આ ઉપરાંત રેલ્વે સ્ટેશન બહાર પણ ટ્રાફિક સહિતની સમસ્યાઓ ન સર્જાય તે માટે પોલીસ પણ સતત કામગીરી કરી રહી છે. આ પણ વાંચો : Gujarat Latest News Live : અમેરિકા-ઇઝરાયલે ઇરાનમાં 1000 ઠેકાણાઓ પર હુમલો કર્યો

Read Full Story arrow_forward

calendar_today March 2, 2026

Dwarka: ધર્મનગરી દ્વારકામાં હોળીનો ઉત્સાહ, પવિત્ર અગ્નિની પરિક્રમા કરી ભક્તો સુખ-સમૃદ્ધિની કામના કરશે

ભગવાન દ્વારકાધીશની નગરીમાં આજે હોળીના પર્વની ભવ્ય ઉજવણી કરવામાં આવશે. દ્વારકામાં પરંપરાગત રીતે સાંજ પડતાની સાથે જ ઠેર-ઠેર હોલિકા દહન યોજાશે, જેમાં હજારોની સંખ્યામાં શ્રદ્ધાળુઓ ઉમટી પડશે.ગોમતી ઘાટે પ્રથમ હોળી પ્રગટાવવામાં આવશેદ્વારકાની વર્ષો જૂની પરંપરા મુજબ, સૌપ્રથમ ગોમતી ઘાટ અને હોળી ચોક ખાતે 'સરકારી હોળી' પ્રગટાવવામાં આવશે. આ હોળી પ્રજ્વલિત થયા બાદ જ શહેરના અન્ય વિસ્તારોમાં અગ્નિ લઈ જઈને હોલિકા દહન કરવામાં આવશે. શહેરના વિવિધ ચોકોમાં હોલિકાની વિશાળ પ્રતિમાઓ સાથે શાસ્ત્રોક્ત વિધિ મુજબ પૂજન-અર્ચન કરવામાં આવશે.ધાર્મિક અને વૈજ્ઞાનિક મહત્વહોલિકા દહનને બુરાઈ પર અચ્છાઈના વિજય તરીકે ઉજવવામાં આવે છે. શ્રદ્ધાળુઓ પવિત્ર અગ્નિની પરિક્રમા કરી તેમાં નાળિયેર, ઘઉં અને અન્ય સામગ્રી અર્પણ કરશે. એવી માન્યતા છે કે હોળીના દર્શન અને પરિક્રમાથી ઘરમાં સકારાત્મક ઊર્જાનો પ્રવેશ થાય છે અને પરિવારમાં સુખ-શાંતિ જળવાઈ રહે છે.વૈજ્ઞાનિક દ્રષ્ટિકોણથી પણ હોળીની અગ્નિમાંથી ઉત્પન્ન થતી ઊર્જા પર્યાવરણને શુદ્ધ કરે છે, જે ઋતુ પરિવર્તન સમયે થતા રોગો સામે રક્ષણ મેળવવામાં મદદરૂપ થાય છે.આ પણ વાંચો:Ahmedabad: પૂર્વે ઝોન-6 પોલીસ એક્શન મોડમાં, સાંકડી ગલીઓ અને અગાસીઓ પર 'ડ્રોન'ની બાજ નજર

Read Full Story arrow_forward