Vav-tharad: પરીક્ષામાં મોડા પડેલા છાત્રની વહારે પોલીસ આવી સમયસર કેન્દ્ર પર પહોંચાડયો
થરાદમાં માનવતા અને પોલીસની સતર્કતાનો ઉત્તમ કિસ્સો પ્રકાશમાં આવ્યો છે. ધોરણ 12ની બોર્ડની પરીક્ષા આપવા જઈ રહેલો એક વિદ્યાર્થી કોઈ કારણોસર મોડો પડયો હતો, જેની જાણ થતા જ થરાદ પોલીસે તાત્કાલિક મદદ કરી તેને સુરક્ષિત રીતે પરીક્ષા કેન્દ્ર સુધી પહોંચાડયો હતો. થરાદ શહેરમાં 112ની ટીમને જાણ થઈ હતી કે એક વિદ્યાર્થી પરીક્ષા કેન્દ્ર પર પહોંચવામાં મોડો પડી રહ્યો છે. સમયની ગંભીરતા સમજીને 112ની ટીમે તુરંત પહોંચી વિદ્યાર્થીને સમયસર મોડલ સ્કૂલ ખાતેના પરીક્ષા કેન્દ્ર પર પહોંચાડયો હતો. પોલીસની આ ત્વરિત કામગીરીને કારણે વિદ્યાર્થીનું વર્ષ બગડતા બચી ગયું હતું. થરાદ પીઆઈ એ.ટી. પટેલે આ અંગે વિગતો આપતા જણાવ્યું હતું કે, વાવ-થરાદ વિભાગના પોલીસ અધિક્ષક ચિંતન તેરૈયાની સૂચના મુજબ સમગ્ર વિસ્તારમાં પોલીસ એલર્ટ છે. તેમણે ખાસ કરીને ધોરણ 10 અને 12ના વિદ્યાર્થીઓને અપીલ કરી છે કેજો ટ્રાફ્કિ કે અન્ય કોઈ પણ મુશ્કેલીને કારણે પરીક્ષામાં મોડું થાય તેમ હોય, તો ગભરાયા વગર તુરંત પોલીસનો સંપર્ક કરવો.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
