Community News & Updates

Stay informed with the latest happenings, achievements, and announcements from our community.

All News

calendar_today February 26, 2026

Patan: ખાતે જિલ્લાકક્ષાનો સ્વાગત ફરિયાદ નિવારણ કાર્યક્રમ યોજાયો

પાટણ ખાતે યોજાયેલા જિલ્લા કક્ષાના સ્વાગત ફરિયાદ નિવારણ કાર્યક્રમમાં જિલ્લામાંથી કુલ 16 અરજીઓ નોંધાઈ હતી જેમાંથી દસ અરજદારો ઉપસ્થિત રહ્યા હતા. યોજાયેલ કાર્યક્રમમાં રી સર્વે વાંધા અરજી, મફ્ત ગાળાનો પ્લોટ ફાળવ્યા પછી નોટિસો આપીને હેરાન પરેશાન કરવા બાબતે, પરવાનગી મેળવ્યા સિવાય બીન ખેતી ઉપયોગ, જર્જરિત દિવાલ, સાતબારના પાનામાં ક્ષેત્રફ્ળ અંગેનો સુધારો, ગરામડી ગામનું ડેમ કેનાલ દ્વારા ભરી આપવા બાબત, સરકારી સહાયમાં ગેરરીતિ, પાટણ ટેલિફોન એક્સચેન્જ નજીક આવેલ કેનાલનાળાની સફાઈ કરવા બાબત, રોડ રીપેરીંગ પેચ વર્ક, હિસ્સામાં માપણીમાં વિલંબ, માજી સૈનિકને મફ્ત પ્લોટ આપવા બાબત, બાબરા ગામે ખેતીની જમીનમાં નર્મદાની કચ્છ બ્રાન્ચ કેનાલ ને કારણે મોટાભાગની જમીનમાં વરસાદી પાણીનો નિકાલ ન થતો હોવાની બાબત, પાટણ શહેરની ઇન્દ્રપુરી સોસાયટીમાં ગેરકાયદેસર દબાણ, સાતલપુર તાલુકાના દાત્રાણા ગામમાંથી પસાર થતી માઇનોર કેનાલમાં ભ્રષ્ટાચાર તથા નબળા ગામના લીધે પડેલ ગામડાને કારણે થયેલ નુકસાની ભરપાઈ કરવા બાબતે અરજદારો દ્વારા રજૂઆત કરવામાં આવી હતી. જેને લઇ કલેકટર તુષાર ભટ્ટે અરજીઓનો હકારાત્મક અભિગમથી વિચાર કરી સંબંધીત અધિકારીઓને તાત્કાલિક અને અસરકારક રીતે નિકાલ કરવા સૂચના આપી હતી સાથે જ અરજદારોના પ્રશ્નોનું યોગ્ય નિરાકરણ આવે તે માટે ગંભીરતા અને સંવેદનશીલતા સાથે કાર્યવાહી કરવા સૂચના આપી હતી. યોજાયેલ કાર્યક્રમમાં જિલ્લા વિકાસ અધિકારી સી.એલ.પટેલ, જિલ્લા પોલીસ અધિક્ષક વી.કે. નાયી, નિવાસી અધિક કલેકટર હિરેન ચૌહાણ સહિત જિલ્લાના વિવિધ વિભાગોના અધિકારીઓ ઉપસ્થિત રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 26, 2026

Patan: સોઢવ ગામના યુવકનું તળાવમાં ડૂબી જતાં મોત

હારીજ તાલુકાના સોઢવ ગામનો એક યુવક પોતાની ભેંસોને પાણી પીવડાવવા માટે ગામના તળાવમાં ગયો હતો. જ્યાં અચાનક તેનો પગ લપસતાં તે તળાવમાં ખાબકતાં ગુંગણાઈ જતાં મોત નિપજ્યું હતું. જેની જાણ તળાવ પાસે રમી રહેલા બાળકોએ પરિવારને કરતાં યુવકના મૃતદેહને પાણીમાંથી બહાર કાઢી હારીજ રેફરલ હોસ્પિટલમાં પોસ્ટમોર્ટમ માટે લાવવામાં આવ્યો હતો.મળતી માહિતી મુજબ હારીજ તાલુકાના સોઢવ ગામનો પંકજ પરમાર નામનો યુવક ભેંસોને પાણી પીવડાવવા માટે ગામના તળાવમાં ગયો હતો. જ્યાં ભેંસો પાણી પી રહી હતી. ત્યાં બાજુમાં જ યુવક ઊભો હતો. જેનો અચાનક પગ લપસતાં તે તળાવમાં ખાબક્યો હતો. અને તે ડુબવા લાગતાં પાણીમાંથી બહાર આવવાનો પ્રયાસ કરવા છતાં પણ બહાર ન આવી શકતાં તેનું મોત નિપજ્યું હતું. જેની જાણ તળાવ પાસે રમી રહેલા બાળકોને થતાં તેમણે યુવકના પરિવારજનોને જાણ કરતા તેઓ દોડી આવ્યા હતા. અને યુવકને પાણીમાંથી બહાર કાઢી 108 મારફ્તે હારીજ રેફરલ હોસ્પિટલમાં લાવવામાં આવ્યો હતો. જ્યાં ફરજ પરના તબીબે મૃત જાહેર કર્યો હતો. અને પોસ્ટમોર્ટમ કર્યા બાદ મૃતદેહ પરિવારને સોંપ્યો હતો. જુવાન દિકરાના મોતને પગલે પરિવારમાં આક્રંદ સાથે શોકનું મોજું ફરી વળ્યુ હતું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 26, 2026

Anand: જિલ્લાના પરીક્ષા કેન્દ્રો પર વિદ્યાર્થીઓનું કેન્દ્ર પર સ્વાગત કરાયું

આણંદ જિલ્લામાં આજે ગુજરાત માધ્યમિક ઉચ્ચતર માધ્યમિક શિક્ષણ બોર્ડની ધોરણ 10 અને 12 ની 66 કેન્દ્રોના 178 બિલ્ડીંગોના 1834 બ્લોકમાં સીસી કેમેરા સજ્જ તેમજ ચુસ્ત પોલીસ બંદોબસ્ત હેઠળ પરીક્ષાનો પ્રારંભ થયો છે. જેમાં ધોરણ 10માં ગુજરાતી, અંગ્રેજી અને સાહિત્યમ વિષયમાં 29602 પૈકી 489 વિદ્યાર્થીઓ પરીક્ષામાં ગેરહાજર રહ્યા હતા. જ્યારે ધો. 12 વિજ્ઞાન પ્રવાહના ભૌતિક વિજ્ઞાન વિષયમાં 4134 પૈકી 34 વિદ્યાર્થીઓ ગેરહાજર રહ્યા હતા. જ્યારે ધોરણ 12 સામાન્ય પ્રવાહના અર્થશાસ્ત્ર અને ઉદ્યોગ સાહસિકતાના અંગ્રેજી અને ગુજરાતી માધ્યમના 12508 વિદ્યાર્થીઓ પૈકી 100 વિદ્યાર્થીઓ ગેરહાજર રહ્યા હતા. તેવી જ રીતે સંસ્કૃત મધ્યમાંના અનિવાર્ય વ્યાકરણ વિષયમાં તમામ 21 છાત્રોએ પરીક્ષા આપી છે. ત્યારે પરીક્ષાના પ્રથમ દિવસે 623 વિદ્યાર્થીઓએ ગાપચી મારી છે. આણંદ કલેક્ટર પ્રવિણ ચૌધરીએ આણંદ હાઇસ્કૂલ ખાતે અને આણંદના સાસંદ મિતેશ પટેલે વાસદની સરદાર પટેલ વિનય મંદિર ખાતે વિદ્યાર્થીઓને તીલક કરીને ગુલાબનું ફુલ અને પેન આપીને આવકાર્યા હતા.જિલ્લામાં સવારેના 10.30 થી ધોરણ 10ની ગુજરાતી, અંગ્રેજી ફર્સ્ટ લેંગ્વેજ સહિતની ભાષાઓની પરીક્ષા યોજાઇ હતી. જેમા આણંદ ઝોનમાં બન્ને માધ્યમમા નોધાયેલા 11955 માંથી 11797 વિદ્યાર્થીઓએ પરીક્ષા આપી હતી. જયારે 198 વિદ્યાર્થીઓ ગેરહાજર નોધાયા હતા. જયારે પેટલાદ ઝોનમાં ગુજરાતી, અંગ્રેજી સસ્કૃત્ત પ્રથમાના માધ્યમમાં કુલ 9155 પરીક્ષાર્થીઓનુ રજીસ્ટ્રેશન થયુ હતુ. જેમાં 8989 વિદ્યાર્થીઓએ પરીક્ષા આપી હતી. તેમજ 166 વિદ્યાર્થીઓ ગેરહાજર રહ્યા હતા. તેવી જ રીતે આંકલાવ ઝોનમાં ગુજરાતી અંગ્રેજી માધ્યમમાં નોધાયેલા 8452માંથી 8327 વિદ્યાર્થીઓએ પરીક્ષા આપી હતી. જયારે 125 પરીક્ષાર્થીઓ ગેરહાજર રહ્યા હતા. જયારે સવારના સેશનમાં ધો.12 સામાન્ય પ્રવાહના સંસ્કૃત મધ્યમાંના અનિવાર્ય વ્યાકરણમ વિષયની પરીક્ષા યોજાઇ હતી. જેમાં 21માંથી 21 વિદ્યાર્થીઓએ ઉપસ્થિત રહીને પરીક્ષા પુર્ણ કરી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward