Patan: રાધનપુર કુંતાસરી નજીક પસાર થતી કેનાલમાં કોન્ટ્રાકટર દ્વારા પાણીની ચોરી થતી હોવાની રાવ
રાધનપુર તાલુકાના કુંતાસરી ગામ નજીકથી પસાર થતી નર્મદા વિભાગની બ્રાન્ચ કેનાલમાંથી સિંચાઈના પાણીની ચોરી થઈ રહી હોવાનું સામે આવ્યું છે. સરસ્વતી એસોસિયેટ કંપનીના કોન્ટ્રાક્ટર દ્વારા રાધનપુરથી જવાહરનગર ગામને જોડતા નવા માર્ગના નિર્માણ કાર્યમાં આ પાણીનો ઉપયોગ કરવામાં આવી રહ્યો છે.પ્રાપ્ત માહિતી અનુસાર, કોન્ટ્રાક્ટર દ્વારા નર્મદા વિભાગની કોઈપણ પ્રકારની મંજૂરી લીધા વિના બેફમ રીતે સિંચાઈના પાણીનો દુરુપયોગ કરવામાં આવી રહ્યો છે. માર્ગ નિર્માણ માટે પાણીની વ્યવસ્થા કરવાની જવાબદારી કોન્ટ્રાક્ટરની હોય છે, તેમ છતાં પોતાના ફાયદા માટે સરકારી પાણીની ચોરી થઈ રહી છે.નર્મદા વિભાગ દ્વારા ખેડૂતોના હિત માટે 24 કલાક સિંચાઈનું પાણી છોડવામાં આવે છે. જોકે, કેનાલમાંથી થતી આ પાણીચોરીને કારણે ખેડૂતોને સિંચાઈના પાણીની અછતનો સામનો કરવો પડી શકે છે. ઘણા ખેડૂતોને પૂરતું પાણી ન મળતા મુશ્કેલીઓનો ભોગ બનવું પડે છે. મહત્વની વાત એ છે કે, નર્મદા વિભાગ પાસેથી કોઈ મંજૂરી લીધા વિના પાણીની ચોરી થઈ રહી હોવા છતાં, વિભાગ દ્વારા કોન્ટ્રાક્ટર સામે હજુ સુધી કોઈ કાર્યવાહી કરવામાં આવી નથી. હવે આ મામલે નર્મદા વિભાગ કેવા પગલાં ભરે છે તે જોવું રહ્યું. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
