Community News & Updates

Stay informed with the latest happenings, achievements, and announcements from our community.

All News

calendar_today February 20, 2026

Ahmedabad News: સોલા સિવિલમાં 46 બાળકોને વિનામૂલ્યે કોકલીયર ઇમ્પ્લાન્ટ પ્રોસેસર ફિટિંગ કરાયું

રાજ્યના મુખ્યમંત્રી ભૂપેન્દ્ર પટેલના નેતૃત્વ હેઠળ ગુજરાત સરકાર બાળકોના સ્વાસ્થ્ય અને સુખાકારી માટે સતત કાર્યરત છે. આ દિશામાં એક મહત્વનું પગલું ભરતા, અમદાવાદની સોલા સિવિલ હોસ્પિટલ ખાતે 19 ફેબ્રુઆરીના રોજ 'કોકલીયર ઇમ્પ્લાન્ટ એસેસમેન્ટ અને ફિટિંગ કેમ્પ'નું ભવ્ય આયોજન કરવામાં આવ્યું હતું. આ કેમ્પમાં એક જ દિવસમાં 46 જેટલા બાળકોને 'એક્સટર્નલ સ્પીચ પ્રોસેસર'નું સફળતાપૂર્વક ફિટિંગ કરવામાં આવ્યું છે.કરોડોનો ખર્ચ, સારવાર એકદમ મફત આરોગ્ય વિભાગ અને GMERS મેડિકલ કોલેજ, સોલાના સંયુક્ત ઉપક્રમે યોજાયેલા આ સેવાયજ્ઞમાં અંદાજે રૂપિયા 1.26 કરોડથી વધુના ખર્ચની પ્રોસિજર બાળકોને વિનામૂલ્યે પૂરી પાડવામાં આવી હતી. રાષ્ટ્રીય બાળ સુરક્ષા કાર્યક્રમ (RBSK) અંતર્ગત આ સમગ્ર પ્રક્રિયા હાથ ધરવામાં આવી હતી. સરકારે માત્ર સારવાર જ નહીં, પરંતુ દૂર-દૂરથી આવતા બાળકો અને તેમના વાલીઓ માટે રહેવા, જમવા અને પરિવહનની પણ સુંદર વ્યવસ્થા કરી હતી. સ્પીચ પ્રોસેસર બદલવાનો ઐતિહાસિક નિર્ણય ઉલ્લેખનીય છે કે, કોકલીયર ઇમ્પ્લાન્ટ સર્જરી કરાવ્યા બાદ તેના મશીનો (સ્પીચ પ્રોસેસર) ખૂબ મોંઘા હોય છે. સામાન્ય પરિવાર માટે તેને બદલવા આર્થિક રીતે મુશ્કેલ હોય છે. રાજ્ય સરકારે સંવેદનશીલતા દાખવીને નિર્ણય કર્યો છે કે, જે બાળકોએ સરકારી હોસ્પિટલમાં સર્જરી કરાવી હોય તેમને મશીન બદલવાનો સંપૂર્ણ ખર્ચ રાજ્ય સરકાર ભોગવશે. ટેસ્ટિંગ અને માર્ગદર્શન કેમ્પ દરમિયાન મશીન ફિટિંગ બાદ બાળકોની સાંભળવાની ક્ષમતા ચકાસવા માટે ઓડિયોલોજી ટેસ્ટ કરવામાં આવ્યા હતા. સાથે જ, બાળકો જલ્દીથી બોલતા શીખે તે માટે વાલીઓને સ્પીચ થેરાપી અંગે નિષ્ણાતો દ્વારા જરૂરી માર્ગદર્શન પણ પૂરું પાડવામાં આવ્યું હતું. આ સેવાયજ્ઞથી અનેક પરિવારોના જીવનમાં ખુશીઓનો નવો સંચાર થયો છે. આ પણ વાંચો - Ahmedabad News: સાણંદ કોર્ટે લોકસાહિત્યકાર દેવાયત ખવડને છેતરપિંડીના કેસમાં નિર્દોષ જાહેર કર્યો

Read Full Story arrow_forward

calendar_today February 20, 2026

Rajkot News: પૂરપાટ ઝડપે દોડતી BRTS બસે બે કારને મારી ટક્કર

રાજકોટ શહેરના વ્યસ્ત ગણાતા 150 ફૂટ રિંગ રોડ પર આજે એક ભયાનક અકસ્માત સર્જાયો હતો. પૂરપાટ ઝડપે દોડતી BRTS બસે અચાનક રેલિંગ તોડીને માર્ગ પર જતી બે કારને જોરદાર ટક્કર મારી હતી. આ ટક્કર એટલી પ્રચંડ હતી કે બંને કારનો કચ્ચરઘાણ નીકળી ગયો હતો. સદનસીબે, આટલી મોટી દુર્ઘટનામાં કોઈ જાનહાનિ થઈ નથી, જે એક ચમત્કાર સમાન માનવામાં આવે છે.ઘટનાની વિગત ઘટનાની મળતી માહિતી અનુસાર, રાજકોટમાં BRTS બસ પોતાના ટ્રેક પરથી પૂરપાટ ઝડપે જઈ રહી હતી, ત્યારે ચાલકે કાબૂ ગુમાવ્યો હતો. બસ લોખંડની રેલિંગ તોડીને સામાન્ય ટ્રાફિક લેનમાં ઘૂસી ગઈ હતી અને ત્યાંથી પસાર થઈ રહેલી બે ખાનગી કારને અડફેટે લીધી હતી. ઘટનાના સીસીટીવી ફૂટેજ સામે આવ્યા છે, જેમાં જોઈ શકાય છે કે બસ કેટલી ઝડપે કાર સાથે અથડાઈ હતી. સ્થાનિકોમાં રોષ અકસ્માત બાદ ઘટના સ્થળે લોકોના ટોળા ઉમટી પડ્યા હતા. રાજકોટમાં સિટી બસ અને BRTS બસના ડ્રાઈવરો દ્વારા થતી બેદરકારીભરી ડ્રાઈવિંગ સામે અવારનવાર ફરિયાદો ઉઠતી રહે છે. અગાઉ પણ અનેકવાર આ બસો વિવાદમાં રહી છે. સ્થાનિકોએ તંત્ર સામે રોષ ઠાલવતા જણાવ્યું હતું કે, જો બસની ઝડપ પર લગામ નહીં મુકાય તો ભવિષ્યમાં મોટી હોનારત સર્જાઈ શકે છે. હાલમાં પોલીસે સીસીટીવી ફૂટેજના આધારે આગળની કાર્યવાહી હાથ ધરી છે અને બસ ચાલકની બેદરકારી અંગે તપાસ શરૂ કરી છે. આ પણ વાંચો - Rajkotમાં રફતારનો કહેર, 150 ફૂટ રિંગ રોડ પર ઓવરસ્પીડ કાર બની બેકાબૂ

Read Full Story arrow_forward

calendar_today February 20, 2026

Gandhinagar News : અન્ય ભાષાઓ પ્રત્યેનો આદર એ જ આપણી સંસ્કૃતિની અભિવ્યક્તિ છે : મુખ્યમંત્રી ભૂપેન્દ્ર પટેલ

મુખ્યમંત્રી ભૂપેન્દ્ર પટેલે માતૃભાષા દિવસની ગરિમામય ઉજવણીમાં સ્પષ્ટ મત વ્યક્ત કર્યો કે, માતૃભાષાના ગૌરવ ગાન સાથે અન્ય ભાષાઓ પ્રત્યેનો આદર એ જ આપણી સંસ્કૃતિની અભિવ્યક્તિ છે. આપણી માતૃભાષા “અ”થી શરૂ થઈને સૌથી ટોપ પર “જ્ઞ” એટલે કે, જ્ઞાન સુધી વિસ્તરી છે. હૃદયના ભાવ અને સંવેદનાઓને ભાષાથી પ્રગટ કરવાનો આપણો પ્રયાસ માતૃભાષાના આવા સમૃદ્ધ જ્ઞાન દ્વારા જ વ્યક્ત થઈ શકે છે. આપણી ભાષા અને સંસ્કૃતિને જીવંત રાખી આગામી પેઢી સુધી પહોંચાડવી એ સમયની માંગ છે. કચ્છી ભાષા સાહિત્ય માટેના પુરસ્કારોથી સન્માનિત “મા, માતૃભૂમિ અને માતૃભાષાનો કોઈ જોટો જડે તેમ નથી” એવા વડાપ્રધાન મોદીના આ કથનનો ઉલ્લેખ કરતા મુખ્યમંત્રી કહ્યું કે, માતૃભાષાનું ગૌરવ કરનારો કોઈ પણ વ્યક્તિ તેમના માટે ગૌરવરૂપ છે.આ અવસરે મુખ્યમંત્રી ભૂપેન્દ્ર પટેલે 2024ના વર્ષ માટેનો સાહિત્ય ગૌરવ પુરસ્કાર ગુજરાતી ભાષા માટે પ્રવીણ દરજીને તથા કચ્છી ભાષા માટે માવજી મહેશ્વરીને એનાયત કર્યો હતો. ગુજરાત સાહિત્ય અકાદમી દ્વારા યુવા લેખકો-સાહિત્યકારોને અપાતા યુવા ગૌરવ પુરસ્કાર અન્વયે અજય સોની અને દિપક નંદાને 2024ના વર્ષ માટેના ગુજરાતી તથા કચ્છી ભાષા સાહિત્ય માટેના પુરસ્કારોથી સન્માનિત કરવામાં આવ્યા હતા. વિકસિત ભારત માટે વિકસિત ગુજરાત મુખ્યમંત્રીએ માતૃભાષાને સામૂહિક અસ્તિત્વ અને સ્વાભિમાનનું પ્રતિક ગણાવતાં કહ્યું કે, વડાપ્રધાન મોદીએ દેશવાસીઓમાં આવું જ સ્વાભિમાન સોમનાથ સ્વાભિમાન પર્વ અને વિરાસતો તથા સંસ્કૃતિના પૂનરૂત્થાનથી જગાવ્યું છે. તેમણે વિકસિત ભારત 2047 માટેના વડાપ્રધાનના વિઝનમાં પણ સંસ્કૃતિ, ભાષા અને જ્ઞાન પરંપરાના વિશેષ સ્થાનનો ઉલ્લેખ કર્યો હતો. વિકસિત ભારત માટે વિકસિત ગુજરાતના નિર્માણથી લીડ લેવા માતૃભાષા અને સંસ્કૃતિના જતન સંવર્ધનથી યોગદાન આપવા મુખ્યમંત્રીએ સૌ માતૃભાષા પ્રેમીઓ, સાહિત્યરસિકો, લેખકો, સર્જકો અને પ્રબુદ્ધ નાગરિકોને આહવાન કર્યું હતું. આ પણ વાંચોઃ Ahmedabad News: વહેલી સવારે દૂધની ચોરી કરનારા બે આરોપીઓની ધરપકડ, પોલીસે 35 નંગ કેરેટ જપ્ત કર્યા

Read Full Story arrow_forward