Patan: ચાણસ્મા કોર્ટે ચેક રિટર્ન કેસમાં પાટણના શખ્સને સજા ફ્ટકારી
પાટણના એક શખ્સ દ્વારા વાહનની ખરીદી માટે ચાણસ્મા નાગરીક બેંકમાંથી લોન લીધા બાદ રૂ. 1.45 લાખ બેંકને લેણા પેટે લેવાના નિકળતાં નાણાં નહીં ચુકવાતા ચાણસ્મા કોર્ટમાં ફરીયાદ દાખલ કરવતા કોર્ટે પાટણના શખ્સને એક વર્ષની સાદી કેદની સજા અને વધારાનું દસ ટકા વળતર મળીને કુલ રૂપિયા 1.59 લાખ ચૂકવવા માટે હુકમ કર્યો છે.મળતી માહિતી મુજબ પાટણમાં રહેતાં આચાર્ય સુનિલ કુમાર બદ્રીપ્રસાદ નામના શખ્સે વાહનની ખરીદી માટે ચાણસ્મા નાગરીક બેંકમાંથી રૂપિયા 3 લાખની લોન લીધી હતી. જેને માસિક હપ્તો નક્કી કરાયો હતો. જે બાદ ચડેલા નાણાં માટે બેંક દ્વારા ચેક જમા કરાવતા ચેક રિટર્ન થતાં ચાણસ્મા કોર્ટમાં ધી નેગોશિયેબલ એક્ટ હેઠળ ફરીયાદ દાખલ કરવતા કોર્ટે ફરિયાદી બેંક તરફેના વકીલ જે.વી.ચૌધરીની દલીલો ગ્રાહ્ય રાખી પાટણના શખ્સને રૂ. 1,45,690 સાથે વધારાનું દસ ટકા વળતર મળીને કુલ રૂ. 1,59,690 ચુકવવા હુકમ કર્યો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
