android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Dhandhuka: ફેદરા માર્ગ પર કારની ખેતરમાં લટાર
calendar_today February 18, 2026

Dhandhuka: ફેદરા માર્ગ પર કારની ખેતરમાં લટાર

ધંધૂકા-ફેદરા માર્ગ પર હરિપુરા નજીક આજે એક અકસ્માત સર્જાયો હતો, જેમાં કારનું સ્ટીયરિંગ અચાનક લોક થઈ જતા કાર રોડની સાઈડમાં આવેલ ખેતરમાં ઉતરી ગઈ હતી. વધુમાં મળતી માહિતી મુજબ કાર ચાલક સાળંગપુર ખાતે દર્શન કરીને પરત અમદાવાદ તરફ્ જઈ રહ્યો હતો. દરમિયાન હરીપુરા નજીક કારનું સ્ટીયરિંગ લોક થઈ જતા ચાલકે કાર પરનો કાબૂ ગુમાવ્યો હતો અને કાર રસ્તાની બાજુના ખેતરમાં ઉતરી ગઈ હતી. અકસ્માતમાં કારને નુકસાન થયું હતું, પરંતુ સદનસીબે ચાલકનો બચાવ થયો હતો. આ સિવાય ધોલેરા નજીક ઈકો કારને પણ અકસ્માત નડયો હતો. બનાવમાં કારમાં સવાર ત્રણ લોકોને સામાન્ય ઇજા પહોંચી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Dakor: સફાઈ કર્મચારીઓેનો હોબાળો
calendar_today February 18, 2026

Dakor: સફાઈ કર્મચારીઓેનો હોબાળો

ડાકોર નગરપાલિકામાં મંગળવારે સફાઇકર્મચારીઓએ ભારે હોબાળો મચાવ્યો હતો. પાલિકા તંત્ર દ્વારા સફાઇકર્મચારીઓને છેલ્લા પાંચ માસથી પગાર નહીં ચુકવતાં અને પડતર પ્રશ્નોનું નિરાકરણ નહીં થતાં ભારે રોષ વ્યાપી ગયો છે. સમસ્ત વાલ્મીકી સમાજ ગુજરાત દ્વારા ઉપરોકત બાબતે ચીફઓફિસરને આવેદનપત્ર આપીને રજૂઆત કરી હતી. સાત દિવસમાં યોગ્ય ઉકેલ નહીં આવે તો ઉગ્ર આંદોલન કરવામાં આવશે તેવી ચીમકી સફાઇકર્મચારીઓએ ઉચ્ચારી છે.યાત્રાધામ ડાકોર પાલિકાનો વહીવટ ખાડે ગયો છે. પાલિકા તંત્ર દ્વારા સફાઇકર્મચારીઓને નિયમિત પગાર ચુકવવામાં આવતો નથી. તંત્ર દ્વારા છેલ્લા પાંચ માસની પગાર નહીં આપતાં અને પડતર પ્રશ્નોનું નિરાકરણ કરવામાં આવતું ન હતું. જેને લઇને કર્મચારીમાં ભારે રોષ ભભૂકી ઉઠયો હતો. મંગળવારે સમસ્ત વાલ્મીકી સમાજ ગુજરાત પ્રદેશ પ્રમુખ જીતુ બારૈયા અને સફાઇ કર્મચારીઓ દ્વારા નગરપાલિકામાં ભારે હોબાળો મચાવ્યો હતો. ત્યારબાદ સમાજના પ્રમુખ અને સફાઇ કર્મચારીઓના આગેવાનો દ્વારા ચીફઓફિસરને આપેલા આવેદનપત્રમાં જણાવવામાં આવ્યું હતું કે, પાલિકામાં ફરજ બજાવતાં સફાઇ કર્મચારીઓને છેલ્લા પાંચ માસથી પગાર ચુકવવામાં આવ્યો નથી તેવો ગંભીર આક્ષેપ કરવામાં આવ્યો હતો. કર્મચારીઓને પગાર નહી મળવાની આર્થિક સંકળામણ અનુભવી રહ્યા છે. તેમજ પાલિકા તંત્ર દ્વારા સફાઇ કામદારાને લઘુત્તમ વેતન ધારા મુજબ પગાર આપવામાં આવતો નથી. અને કામદારોનું શોષણ કરવામાં આવે છે. આ ઉપરાંત સફાઇ કામદારો તરીકે જેમની નિમણૂક થઇ હોય તેમની પાસે વારસદારના પરિપત્ર મુજબ સફાઇની કામગીરી ફરજિયાત કરાવવાની માગ કરવામા આવી છે. સેટએપની ખાલી પડેલી જગ્યાઓમાં વાલ્મીકી સમાજના લોકોનો જ સમાવેશ કરવામાં આવે.જે કામદારો ફરજ દરમિયાન નિવૃત થયા છે. તેમના હિસાબો અને નિવૃતિ બાદના લાભો પણ હજુ સુધી આપવામાં આવ્યા નથી. આ ઉપરાંત વિવિધ પડતર પ્રશ્નોનું સાત દિવસમાં સફાઇ કર્મચારીના હિત નિર્ણય લઇને યોગ્ય ઉકેલ કરવામાં નહીં આવતો ગાંધી ચિંધ્યા માર્ગે આંદોલન કરવામાં આવશે તેવી ચીમકી ઉચ્ચારી છે. નગરપાલિકા ચીફ આફિસર સંજય પટેલે જણાવ્યું હતું કે, સફાઇ કામદારોને તેમનો બાકીનો પગાર સત્વરે મળી જશે અને તેમના પડતર પ્રશ્નોનો પણ યોગ્ય નિરાકરણ કરવામા આવશે તેવી ખાતરી આપી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Nadiad: સ્પોર્ટ્સ એકેડમીના કોચની સ્વિટ્ઝરલેન્ડના પ્રતિષ્ઠિત કોર્ષ માટે પસંદગી
calendar_today February 18, 2026

Nadiad: સ્પોર્ટ્સ એકેડમીના કોચની સ્વિટ્ઝરલેન્ડના પ્રતિષ્ઠિત કોર્ષ માટે પસંદગી

નડિયાદના હાઈપરફોર્મન્સ સેન્ટર નડિયાદના સ્પોર્ટ્સ એકેડમી ખાતે આર્ચરીના કોચ સંદિપકુમાર રાજેશકુમાર જયસ્વાલ (ઉં.વ.28) (રહે.કડુલી-મહુડી ગામ, તા.નસવાડી, જિ.છોટા ઉદેપુર)ની સ્વિટ્ઝરલેન્ડના પ્રતિષ્ઠીત કોર્ષ માટે પસંદગી થઈ છે. આ વર્ષે યોજાયેલ પરીક્ષામાં દેશભરમાંથી 500થી વધુ ઉમેદવારોએ ભાગ લીધો હતો. જેમાંથી 26 ઉમેદવારો જ પરીક્ષા પાસ કરી શક્યા હતા. જે 26 ઉમેદવારોમાં એક નામ સંદિપકુમાર જયસ્વાલ (ગુજરાત)નું છે. તા.14 માર્ચથી તા.21 માર્ચ 2026 દરમિયાન સ્વિટ્ઝરલેન્ડમાં યોજાનાર આ પ્રતિષ્ઠીત કોર્ષની તાલીમ લઈને તે નડિયાદ સ્પોર્ટ્સ એકેડમીમાં આવી અહીંના ખેલાડીઓને વધુ સારુ માર્ગદર્શન આપી આંતરરાષ્ટ્રીય લેવલ માટે તૈયાર કરી શકશે તેમ તેમણે ઉમેર્યું હતું. સંદિપભાઈની આ સિદ્ધિથી નડિયાદ, તેમના વતન કડુલી-મહુડી અને ગુજરાતભરમાં ગૌરવની લાગણી વ્યાપી જવા પામી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward