Community News & Updates

Stay informed with the latest happenings, achievements, and announcements from our community.

All News

calendar_today February 18, 2026

Viramgam: સળિયા ભરેલી ટ્રકનું શીર્ષાસન : 3 કલાકથી વધુ સમય ટ્રાફિક જામ

વિરમગામ-ધ્રાંગધ્રા હાઈવે પર દસાડાના કચોલીયા-મોટી મજેઠી વચ્ચે તા. 16મીના રોજ મોડી સાંજે લોખંડના સળીયા ભરીને જતા ટ્રકના ચાલકે સ્ટીયરીંગ પરથી કાબુ ગુમાવતા ટ્રક ડીવાઈડર સાથે અથડાઈને પલટી મારી ગયો હતો. જેમાં લોખંડના સળીયા માલવણ નેશનલ હાઈવે પર વિખેરાતા વાહન વ્યવહાર એક સાઈડથી બંધ થઈ ગયો હતો. બનાવની જાણ થતા બજાણા પોલીસની ટીમ દોડી ગઈ હતી. અને ક્રેન બોલાવી 3 કલાકથી વધુની જહેમત બાદ ટ્રક તથા વિખેરાયેલા લોખંડના સળીયાને દુર કરી વાહન વ્યવહાર પુર્વવત કરાયો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 18, 2026

Surendranagar: વડોદરા શહેરની નાલંદા વિદ્યાલયની સ્કૂલ બસોમાં બોમ્બ મુક્યાની ધમકી

રાજયમાં છેલ્લા થોડા સમયથી સરકારી કચેરીઓ, શાળાઓમાં બોમ્બની ધમકીના સમાચારો ચિંતાજનક રીતે સામે આવે છે. ત્યારે સુરેન્દ્રનગર જિલ્લામાંથી પસાર થતા માલવણ હાઈવે પર વડોદરાની સ્કૂલ બસોનું બોમ્બની ધમકીના પગલે ચેકીંગ કરાયુ હતુ.આ અંગેની વધુમાં મળતી માહીતી મુજબ વડોદરામાં આવેલ નાલંદા વિદ્યાલયની 3 સ્કુલ બસોમાં છાત્રોના 4 દિવસીય પ્રવાસનું આયોજન કરાયુ હતુ. જેમાં બસો પ્રવાસ દરમીયાન સુરેન્દ્રનગર જિલ્લાના પાટડી પહોંચી હતી. ત્યારે શાળાના સંચાલકોને આ બસોમાં બોમ્બ હોવાની ધમકી મળી હતી. આથી શાળા સંચાલકોએ વડોદરા પોલીસ થકી સુરેન્દ્રનગર જિલ્લા પોલીસ વડા પ્રેમસુખ ડેલુને જાણ કરી હતી. બનાવની ગંભીરતા પામી માલવણ ઈન્ચાર્જ પીઆઈ એ. કે. વાઘેલા, સુરેન્દ્રનગર બોમ્બ ડીસ્પોઝલ સ્કવોડ, ડોગ્સ સ્કવોડની ટીમે બસોના ચાલકનો સંપર્ક કરતા બસો માલવણ હાઈવે પર હોવાની માહીતી મળી હતી. આથી તેઓ માલવણ હાઈવે પર આવેલ રાધે હોટલ પાસે સ્ટોપ કરાવી છાત્રોને નીચે ઉતારી મેટલ ડીટેકટર અને સ્નીફર ડોગ્સ વડે બસની તપાસ કરાઈ હતી. પરંતુ બંને સ્કૂલ બસમાંથી કોઈ વાંધાજનક વસ્તુ ન મળતા પ્રવાસની બસોને પુનઃ રવાના કરી દેવાઈ હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 18, 2026

Dhandhuka: કેનાલમાંથી 24 કલાક બાદ સુજલનો મૃતદેહ મળ્યો

ધંધૂકા શહેર નજીકના નર્મદા કેનાલ વિસ્તારમાં તા. 16મીની બપોરે દુર્ઘટનાજનક બનાવ બન્યો હતો. બનાવની વધુમાં મળતી માહિતી મુજબ ધંધૂકાની શાળામાં ધો. 11માં અભ્યાસ કરતા ભાવેશ નાયક અને સુજલ પરમાર નામના બે મિત્રો ન્હાવા માટે કેનાલમાં ઉતર્યા હતા. દરમિયાન પાણીના પ્રવાહમાં સુજલ પરમાર ગરકાવ થયો હતો, જ્યારે ભાવેશ નાયક સલામત રીતે બહાર નીકળી ગયો હતો.ઘટના અંગે તાત્કાલિક ધોળકા ફાયરબ્રિગેડને જાણ કરવામાં આવી હતી. ફાયર વિભાગના જવાનો તાત્કાલિક ઘટનાસ્થળે પહોંચી બચાવ અને શોધખોળ કામગીરી શરૂ કરી હતી. મોડી રાત સુધી સતત પ્રયાસો કરવામાં આવ્યા હતા. શોધખોળ વધુ અસરકારક બને તે માટે રાત્રિના સમયે અત્યાધુનિક રોબોટની મદદથી કેનાલમાં તપાસ હાથ ધરવામાં આવી હતી, છતાં રાત્રે સફ્ળતા મળી નહોતી. મંગળવારે વહેલી સવારે ફરી સર્ચ ઓપરેશન શરૂ કરવામાં આવ્યું હતું. ફાયર વિભાગના જવાનો દ્વારા સતત પ્રયાસો અને ભારે જહેમત બાદ અંદાજે 24 કલાક પછી સુજલ પરમારનો મૃતદેહ કેનાલમાંથી મળી આવ્યો હતો. મૃતદેહ મળતા પોલીસ દ્વારા સ્થળ પર પહોંચી જરૂરી કાયદેસરની કાર્યવાહી હાથ ધરવામાં આવી છે અને મૃતદેહને પોસ્ટમોર્ટમ માટે મોકલવામાં આવ્યો છે. ઘટનાને પગલે વિસ્તારમાં શોકની લાગણી ફેલાઈ છે. આ ઉપરાંત સ્થાનિક તંત્ર દ્વારા નાગરિકોને કેનાલ કે નદી જેવા ઊંડા પાણીના વિસ્તારોમાં ન્હાવા જતા સમયે ખાસ સાવચેતી રાખવા અપીલ કરવામાં આવી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward