Community News & Updates

Stay informed with the latest happenings, achievements, and announcements from our community.

All News

calendar_today February 17, 2026

PM મોદીએ તારિક રહેમાનને ભારત આવવાનું આપ્યું આમંત્રણ

બાંગ્લાદેશમાં તાજેતરની સંસદીય ચૂંટણીઓમાં બાંગ્લાદેશ નેશનાલિસ્ટ પાર્ટી (BNP)ની જીત બાદ તારિક રહેમાને વડાપ્રધાન તરીકે શપથ લીધા. ત્યારબાદ વડાપ્રધાન નરેન્દ્ર મોદીએ તેમને અભિનંદન સંદેશ મોકલ્યો. લોકસભાના અધ્યક્ષ ઓમ બિરલાએ તેમની મુલાકાત દરમિયાન રહેમાનને પત્ર રજૂ કર્યો. બિરલાએ પીએમ મોદીની શુભેચ્છાઓ પાઠવવા માટે ફોન દ્વારા પણ વાત કરી. રહેમાનને ચૂંટણી જીતવા અને વડાપ્રધાન બનવા બદલ હૃદયપૂર્વક અભિનંદન આપ્યા પત્રમાં પીએમ મોદીએ રહેમાનને ચૂંટણી જીતવા અને વડાપ્રધાન બનવા બદલ હૃદયપૂર્વક અભિનંદન આપ્યા. તેમણે રહેમાન, તેમની પત્ની ડૉ. ઝુબૈદા અને પુત્રી ઝૈમાને ભારતની મુલાકાત લેવા આમંત્રણ પણ આપ્યું. તેમણે લખ્યું, "પરસ્પર અનુકૂળ સમયે ભારત આવો; અહીં તમારું ઉષ્માભર્યું સ્વાગત કરવામાં આવશે." મોદીએ વિશ્વાસ વ્યક્ત કર્યો કે રહેમાનના નેતૃત્વમાં બાંગ્લાદેશ શાંતિ, સ્થિરતા અને વિકાસના માર્ગ પર આગળ વધશે. તેમણે એમ પણ કહ્યું કે ભારત-બાંગ્લાદેશ સંબંધો સહિયારા ઈતિહાસ, સંસ્કૃતિ અને પરસ્પર વિશ્વાસ પર આધારિત છે. પીએમ મોદીએ ગયા વર્ષે પણ એક પત્ર મોકલ્યો હતો ગયા વર્ષે ડિસેમ્બરમાં પીએમ મોદીએ રહેમાનની માતા અને બાંગ્લાદેશના ભૂતપૂર્વ વડાપ્રધાન ખાલિદા ઝિયાના અવસાન બાદ વિદેશ પ્રધાન એસ. જયશંકર દ્વારા રહેમાનને શોક પત્ર મોકલ્યો હતો. 2015માં ઢાકામાં થયેલી તેમની મુલાકાતને યાદ કરતાં મોદીએ ખાલિદા ઝિયાને એક મજબૂત અને દૃઢ નેતા તરીકે વર્ણવી હતી. તેમણે કહ્યું કે તેઓ બાંગ્લાદેશના પ્રથમ મહિલા વડાપ્રધાન હતા અને ભારત-બાંગ્લાદેશ સંબંધોને મજબૂત બનાવવામાં મુખ્ય ભૂમિકા ભજવી હતી. પીએમ મોદી શપથ ગ્રહણ સમારોહમાં કેમ હાજર ન રહ્યા? અગાઉ, બાંગ્લાદેશના વચગાળાના સરકારના વડા મુહમ્મદ યુનુસે રહેમાનના શપથ ગ્રહણ સમારોહમાં પીએમ મોદીને આમંત્રણ આપ્યું હતું. જોકે, તે દિવસે મુંબઈમાં ફ્રાન્સના રાષ્ટ્રપતિ ઈમેન્યુઅલ મેક્રોન સાથે પૂર્વ-આયોજિત મુલાકાતને કારણે પીએમ મોદી હાજરી આપી શક્યા ન હતા. તેમના સ્થાને ઓમ બિરલા સમારોહમાં હાજરી આપી હતી. યુનુસની વચગાળાની સરકાર દરમિયાન, ભારત-બાંગ્લાદેશ સંબંધોમાં થોડો તણાવ જોવા મળ્યો હતો, જેમાં લઘુમતીઓ પર હુમલાના અહેવાલો હતા. હવે, બીએનપીના પ્રચંડ વિજય બાદ બંને દેશો વચ્ચેના સંબંધોમાં સુધારો થવાની અપેક્ષા છે. ભારત રહેમાન પ્રત્યે સાવધાનીપૂર્વક હકારાત્મક વલણ અપનાવી રહ્યું છે.આ પણ વાંચો : Bangladesh New Cabinet News: તારિક રહેમાન કેબિનેટમાં બે હિન્દુ ચહેરા, માતા ખાલિદા જિયા સાથે ખાસ સંબંધ

Read Full Story arrow_forward

calendar_today February 17, 2026

Gujarat News : ગેરકાયદે વેચાયેલી જમીન ત્રણ મહિનામાં મુળ ખાતેદારને પરત મળશે, જાણો વિધાનસભામાં પસાર થયેલું આ વિધેયક શું છે?

ગુજરાત વિધાનસભાનું બજેટ સત્ર શરૂ થઈ ગયું છે. આજે આ સત્ર દરમિયાન રાજ્ય સરકાર દ્વારા બે વિધેયક સર્વાનુમતે પસાર કરવામાં આવ્યા હતાં. જેમાં મહેસૂલ રાજ્યમંત્રી સંજયસિંહ મહિડા દ્વારા સૌરાષ્ટ્ર ઘરખેડ ગણોત વહીવટ પતાવટ અને ખેતીની જમીન વટહુકમ 1949ની કલમ-75 અને 75(એ)માં સુધારા સૂચવતું વિધેયક વિધાનસભા ગૃહ ખાતે રજૂ કરવામાં આવ્યું હતું. જે ગૃહમાં પસાર કરવામાં આવ્યું હતું. આ સુધારા વિધેયકને મહત્ત્વપૂર્ણ અને રાજ્યના ખેડૂતોના હિતોનું રક્ષણ કરનારું ગણાવતાં મંત્રીએ કહ્યું કે આ સુધારા થકી જમીન વ્યવહારોમાં કાયદાકીય સ્પષ્ટતા આવશે અને ગેરકાયદે જમીન તબદીલી પર અંકુશ આવશે. સરકાર હસ્તક નિહિત કરવા અંગે સ્પષ્ટ પ્રક્રિયા નથી મંત્રી સંજયસિંહ મહિડાએ કહ્યું કે રાજ્ય સરકારે હંમેશાં ખેડૂતહિત એ જ સર્વોપરિના મંત્ર સાથે ખેડૂતોના અધિકારોના રક્ષણ અને તેમના સર્વાંગી ઉત્કર્ષ માટે અનેક ક્રાંતિકારી નિર્ણયો લીધા છે.તેમણે જણાવ્યું કે રાજ્યમાં હાલ ગુજરાત ગણોત વહીવટ અને ખેતીની જમીન અધિનિયમ 1948, સૌરાષ્ટ્ર ઘરખેડ ગણોત વહીવટ પતાવટ અને ખેતીની જમીન વટહુકમ 1949 તથા ગુજરાત ગણીત વહીવટ અને ખેતીની જમીન અધિનિયમ 1958-એ ત્રણ જુદા-જુદા ગણોત કાયદાઓ અમલમાં છે. સૌરાષ્ટ્ર ઘરખેડ ગણોત વહીવટ પતાવટ અને ખેતીની જમીન વટહુકમ-1949ની કલમ-75 હેઠળ જો કોઈ વ્યક્તિ કોઈ જમીનનો અનઅધિકૃત રીતે ભોગવટો અથવા ખોટી રીતે કબજો ધરાવતી હોય, તો જિલ્લા કલેક્ટર દ્વારા સંક્ષિપ્ત કાર્યવાહી કરીને જમીન ખાલી કરાવવાની જોગવાઇ છે,પરંતુ ગેરકાયદે તબદીલીના કિસ્સામાં પુનઃસ્થાપન અને સરકાર હસ્તક નિહિત કરવા અંગે સ્પષ્ટ પ્રક્રિયા નથી. કાયદાકીય બાબતોમાં અસરકારક બચાવ શક્ય બનશે ગુજરાત ગણોત એક્ટ હેઠળ જો ખેડૂત ન હોય, તેવી વ્યક્તિ અથવા કોઈ સંસ્થાની તરફેણમાં ખેતીની જમીનની તબદીલી થયેલી હોય, તો તેવી વ્યક્તિ અથવા સંસ્થા ઉપર આવી જમીનની પ્રવર્તમાન જંત્રી કિંમતની રકમથી ત્રણ ગણી રકમનો દંડ કરવાની જોગવાઇ છે. પરંતુ, દંડની રકમ ભરપાઈ કરવા માટે કોઈ સમય મર્યાદા નથી.તેમણે ઉમેર્યું કે હાલની જોગવાઈ પ્રમાણે કલમ-૭૫ હેઠળ ગેરકાયદે તબદીલ થયેલી જમીનના પુનઃસ્થાપન અને સરકાર હસ્તક નિહિત કરવા અંગે કાયદાકીય સ્પષ્ટતા નથી. જ્યારે, કલમ-૭૫(એ) હેઠળ દંડ ચૂકવવા માટે કોઈ સમયમર્યાદા ન હોવાથી ખેડૂતને તેની જમીન પાછી મળવામાં વિલંબ થાય છે. તેમણે રાજ્યમાં અમલી અન્ય ગણોત કાયદાઓ સાથે એકરૂપતાની જરૂરિયાત દર્શાવી હતી. જ્યારે, વિવિધ કાયદાકીય બાબતોમાં અસરકારક બચાવ શક્ય બનશે. આ કારણોસર આ સુધારા વિધેયક લાવવામાં આવ્યું આ તમામ કારણોસર આ સુધારા વિધેયક લાવવામાં આવ્યું છે જેથી કાયદામાં સ્પષ્ટતા આવે, પ્રક્રિયા સરળ બને અને ખેડૂતોના હિતોનું યોગ્ય રક્ષણ થાય.આ વિધેયકમાં મહત્ત્વપૂર્ણ સુધારા સૂચવતા મંત્રીએ જણાવ્યું કે હાલની જોગવાઇમાં ફક્ત અનઅધિકૃત કબજો ખાલી કરાવવાની જ જોગવાઇ છે.આ સુધારા દ્વારા હવે ગેરકાયદેસર તબદીલીના કિસ્સામાં સ્પષ્ટ અને વ્યવસ્થિત પ્રક્રિયા નક્કી કરવામાં આવી રહી છે. જે મુજબ, કલેક્ટર આપમેળે અથવા જમીનમાં હિત ધરાવતી કોઈ વ્યક્તિની અરજીના આધારે કાર્યવાહી શરૂ કરી શકશે. જો તબદીલી ગેરકાયદે જણાય, તો કલેક્ટર ત્રણ મહિનાની મુદતમાં જમીન વેચનારને જમીન પરત કરવા જણાવશે અને ખરીદનારે તે જમીન પરત કરવાની રહેશે.જો નક્કી કરેલ મુદતમાં જમીન અગાઉની સ્થિતિમાં પરત ન કરવામાં આવે, તો કલેક્ટર તબદીલી ગેરકાયદેસર જાહેર કરશે અને આવી જમીન તમામ બોજા રહિત સરકારમાં નિહિત થશે અને આવી જમીનનો નિકાલ સરકારી પડતર જમીન તરીકે કરવામાં આવશે. ખેતીની જમીનની તબદેલીઓ પર અસરકારક નિયંત્રણ આ જ પ્રકારે, કલમ-૭૫(એ)માં સૂચિત સુધારા સૂચવતા મહિડાએ કહ્યું કે આ સુધારા દ્વારા દંડના કિસ્સામાં બિનખેડૂત વ્યક્તિ અથવા સંસ્થાએ જમીનના પ્રવર્તમાન જંત્રી કિંમતની ત્રણ ગણી રકમ એક મહિનાની મુદતમાં ભરપાઇ કરવાની રહેશે અને સદર જમીન વેચાણ આપનાર ખેડૂત ખાતેદારને અગાઉની સ્થિતિમાં પરત કરવાની રહેશે.આ સુધારાથી બિનખેડૂતોના તરફેણમાં થતી ખેતીની જમીનની તબદેલીઓ પર અસરકારક નિયંત્રણ લાવશે અને ખેડૂતોના હિતોનું રક્ષણ કરશે.વધુમાં, રાજ્યમાં અમલમાં અન્ય ગણોત કાયદાઓ સાથે એકરૂપતા જાળવવા માટે કલમ-૭૫(એ)નો સુધારો તા.૦૫/૧૨/૨૦૧૫ની અસરથી લાગુ પાડવા સૂચવ્યું હતું. બિનખેડૂતે એક મહિનામાં દંડ ચૂકવવાનો રહેશે અને જમીન પરત કરવાની રહેશે. આથી ખેડૂતોને ઝડપથી ન્યાય મળશે અને મૂળ ખાતેદારના હકનું રક્ષણ થશે. આ પણ વાંચોઃ Gandhinagar News: સ્થાનિક સ્વરાજ્યની ચૂંટણી પહેલા મુખ્યમંત્રી નિવાસ સ્થાને અમિત શાહની ડિનર ડિપ્લોમસીથી રાજકારણ ગરમાયુ

Read Full Story arrow_forward

calendar_today February 17, 2026

Vadodara News: યુવકને 'તાલિબાની સજા' આપનાર બે શખ્સો પાસે પોલીસે મંગાવી માફી

વડોદરાના અકોટા વિસ્તારમાં એક યુવકને જાહેરમાં માર મારવાનો અને તાલિબાની સજા આપતો વીડિયો વાયરલ થયો હતો. આ વીડિયોની ગંભીરતાને ધ્યાનમાં લઈને અકોટા પોલીસે તપાસનો ધમધમાટ શરૂ કર્યો હતો અને ગણતરીના કલાકોમાં જ હુમલો કરનાર બે શખ્સોને દબોચી લીધા હતા. પોલીસ તપાસમાં જે વિગતો સામે આવી છે તે ચોંકાવનારી છે.વાયરલ વીડિયો બાદ પોલીસે કરી કાર્યવાહીભોગ બનનાર અને હુમલો કરનાર બંને પક્ષો બાળપણના મિત્રો છે. જોકે, કોઈ બાબતે તેમની વચ્ચે ગેરસમજ ઊભી થઈ હતી, જેના કારણે આવેશમાં આવીને અન્ય બે યુવકોએ તેમના જ મિત્રને ઢોર માર મારીને ક્રૂર સજા આપી હતી. આ ઘટનાનો વીડિયો સોશિયલ મીડિયા પર વહેતો થતા લોકોમાં રોષ જોવા મળ્યો હતો. આશ્ચર્યજનક રીતે, ભોગ બનનાર યુવકે પોતાના જ મિત્રો હોવાને કારણે ફરિયાદ કરવાની ના પાડી હતી.ગેરસમજ થતા આપી હતી તાલિબાની સજાતેમ છતાં, કાયદો અને વ્યવસ્થા જાળવવા પોલીસે વાયરલ વીડિયોના આધારે સામે ચાલીને પગલાં લીધા હતા. અકોટા પોલીસે બંને આરોપીઓની ધરપકડ કરી તેમની પાસેથી માફી મંગાવી હતી. પોલીસે સ્પષ્ટ સંદેશ આપ્યો છે કે અંગત અદાવત કે ગેરસમજમાં કાયદો હાથમાં લેનારાઓ સામે કડક કાર્યવાહી કરવામાં આવશે. હાલ બંને આરોપીઓ પોલીસ કસ્ટડીમાં છે અને તેમની સામે કાયદેસરની કાર્યવાહી આગળ ધપાવવામાં આવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward