Community News & Updates

Stay informed with the latest happenings, achievements, and announcements from our community.

All News

calendar_today February 15, 2026

Bhavnagar News: કાંટાની વાડમાં આગ ભભૂકતા નાસભાગ, 11 KV ના વાયરો બળીને જમીનદોસ્ત

ભાવનગર જિલ્લાના તળાજા હાઈવે પર આજે આગની લાગવાની ઘટના સામે આવી છે. તળાજા હાઈવે પર શેત્રુંજી નદીનો પુલ પસાર કરતા પાતીમાના પાટિયા પાસે આવેલી દેવીપૂજક પરિવારોની વસાહત નજીક અચાનક આગ ફાટી નીકળતા અફરાતફરીનો માહોલ સર્જાયો હતો. આ આગ એટલી વિકરાળ હતી કે ઉપરથી પસાર થતા હાઈટેન્શન વીજ લાઈનના વાયરો બળીને નીચે ખાબક્યા હતા.ઘટનાની વિગત અને નાસભાગ ઘટનાની મળતી માહિતી અનુસાર, તળાજાથી શેત્રુંજી નદીનો પુલ પસાર કર્યા બાદ પ્રારંભ રિસોર્ટ પહેલા આવેલી દેવીપૂજક વસાહત પાસેની બાવળની કાંટમાં અગમ્ય કારણોસર આગ લાગી હતી. સૂકા લાકડા અને કાંટાની વાડ હોવાથી આગે જોતજોતામાં રૌદ્ર સ્વરૂપ ધારણ કર્યું હતું. આગના સ્થળથી માત્ર 20 ફૂટના અંતરે રહેણાંક મકાનો હોવાથી રહીશોમાં જીવ બચાવવા દોડધામ મચી ગઈ હતી. વસાહતના લોકોએ પોતાના બાંધેલા દૂધાળા પશુઓને બચાવવા માટે તાત્કાલિક છોડી મૂક્યા હતા. વીજ વાયરો તૂટતા સર્જાયું જોખમ આગની ઝપેટમાં ભાલર ફીડરની 11 KV (કિલો વોલ્ટ) ની લાઈન આવી ગઈ હતી. ચાલુ વીજ પુરવઠા વચ્ચે વાયરો બળીને તીખારા સાથે જમીન પર પડતા ત્યાં હાજર લોકોમાં ફાળ પડી હતી. સદનસીબે કોઈ જાનહાનિ થઈ ન હતી. આ અંગે ડેપ્યુટી કલેક્ટર સોલંકી, ફાયર વિભાગ અને વીજતંત્રને જાણ કરવામાં આવતા વીજ પુરવઠો તાત્કાલિક બંધ કરી દેવામાં આવ્યો હતો, જેનાથી મોટી હોનારત ટળી હતી. તંત્ર અને સેવાભાવીઓની કામગીરી તળાજા ફાયર વિભાગની ટીમે સમયસર ઘટના સ્થળે પહોંચી ભારે જહેમત બાદ આગ પર કાબૂ મેળવ્યો હતો, જેના કારણે આગ મકાનો સુધી પ્રસરી શકી ન હતી. હાઈવે પરથી પસાર થતા વેળાવદર ગામના પૂર્વ સરપંચ જગદીશભાઈ પાલીવાલ સહિતના સેવાભાવી લોકો પણ મદદે દોડી આવ્યા હતા. હાલમાં આગ લાગવાનું ચોક્કસ કારણ જાણી શકાયું નથી, પરંતુ વીજતંત્ર દ્વારા નુકસાન પામેલા વાયરોનું સમારકામ હાથ ધરવામાં આવ્યું છે. આ પણ વાંચો - Bhavnagar : તળાજામાં વીજ ચેકિંગ ટીમની દાદાગીરી, મહિલાને માર્યાના આક્ષેપ

Read Full Story arrow_forward

calendar_today February 15, 2026

Himachal Accident: સરજમાં મહાશિવરાત્રી પર જીપ અકસ્માતમાં ત્રણ યુવાનોના મોત, એક ગંભીર ઘાયલ

જ્યારે સમગ્ર દેશ મહાશિવરાત્રીના ભક્તિમય માહોલમાં ડૂબેલું હતું, ત્યારે હિમાચલ પ્રદેશના મંડી જિલ્લાના થુનાગ વિસ્તારમાંથી એક અત્યંત દુઃખદ સમાચાર સામે આવ્યા છે. શિવરાત્રીની વહેલી સવારે થયેલા એક ભયાનક જીપ અકસ્માતે ત્રણ પરિવારોના વહાલસોયા દીકરાઓને છીનવી લીધા છે. આ ઘટનાને પગલે સમગ્ર વિસ્તારમાં શોકનું મોજું ફરી વળ્યું છે અને તહેવારની ખુશીઓ માતમમાં ફેરવાઈ ગઈ છે.ડ્રાઈવરે જીપ પરથી કાબૂ ગુમાવતા સર્જાયો અકસ્માત પ્રાપ્ત વિગતો અનુસાર, આ કરૂણ અકસ્માત શુક્રવારે વહેલી સવારે આશરે 4:00 વાગ્યે MDR-91 લમ્બાથચ-કલ્હાની રોડ પર બુનાલીધર નજીક સર્જાયો હતો. બગસ્યાદ-રહીધર વિસ્તારના ચાર મિત્રો જીપમાં સવાર થઈને જઈ રહ્યા હતા. પહાડી રસ્તા પર વહેલી સવારના અંધારામાં ડ્રાઈવરે જીપ પરથી કાબૂ ગુમાવતા, વાહન રસ્તા પરથી નીચે ખાબક્યું હતું. અકસ્માત એટલો ભયાનક હતો કે જીપના કુરચા બોલી ગયા હતા. મૃતકો અને ઈજાગ્રસ્તોની માહિતી આ દુર્ઘટનામાં બે યુવાનોના ઘટનાસ્થળે જ કમકમાટીભર્યા મોત નીપજ્યા હતા. જ્યારે અન્ય એક યુવાને હોસ્પિટલ લઈ જતી વખતે રસ્તામાં જ દમ તોડ્યો હતો. મૃતકોની ઓળખ નીચે મુજબ છે: ઋત્વિક ઠાકુર (19 વર્ષ): રહેવાસી ગામ રાહીધર, તહસીલ થુનાગ. સુનિલ (17 વર્ષ): રહેવાસી ગામ વાહ, તહસીલ ચાચિયોટ. ઇશાન (18 વર્ષ): રહેવાસી ગામ થર્જુન, તહસીલ ચાચિયોટ. આ અકસ્માતમાં ૧૮ વર્ષીય કુશલ (રહેવાસી ગામ વાહ) ગંભીર રીતે ઘાયલ થયો છે. તેને તાત્કાલિક સ્થાનિક હોસ્પિટલમાં પ્રાથમિક સારવાર આપ્યા બાદ વધુ સારવાર માટે નેરચોક મેડિકલ કોલેજમાં રિફર કરવામાં આવ્યો છે, જ્યાં તેની હાલત અત્યંત નાજુક હોવાનું જણાવાયું છે. પોલીસની ટીમ ઘટનાસ્થળે પહોંચી અકસ્માતની જાણ થતા જ જાંજેલી પોલીસની ટીમ ઘટનાસ્થળે પહોંચી ગઈ હતી. પોલીસે ત્રણેય મૃતદેહોનો કબજો મેળવી પોસ્ટમોર્ટમ માટે મોકલી આપ્યા છે. પ્રાથમિક દ્રષ્ટિએ ડ્રાઈવરે વાહન પરથી કાબૂ ગુમાવ્યો હોવાનું જણાય છે, પરંતુ પોલીસ અકસ્માતના ચોક્કસ કારણો જાણવા માટે ઊંડી તપાસ કરી રહી છે. શું અકસ્માત પાછળ ધુમ્મસ જવાબદાર હતું કે વાહનમાં કોઈ યાંત્રિક ખામી સર્જાઈ હતી, તે દિશામાં પણ તપાસ હાથ ધરવામાં આવી છે. આ પણ વાંચોઃ Bangladesh: રહમાન તારિક 17 ફેબ્રુઆરીએ લેશે PM પદના શપથ,ભારતને પણ આપ્યું આમંત્રણ

Read Full Story arrow_forward

calendar_today February 15, 2026

Jasdan: ઘેલા સોમનાથ મંદિર શિવમય બન્યું, પાલખી યાત્રા, રુદ્રાભિષેક અને 1008 દીવડાના શૃંગાર સાથે મહાશિવરાત્રીની ઉજવણી

મહાશિવરાત્રીના પાવન અવસરે જસદણ પાસે આવેલા સૌરાષ્ટ્રના સુપ્રસિદ્ધ તીર્થધામ ઘેલા સોમનાથ મહાદેવ મંદિરે શ્રદ્ધા અને ભક્તિનો ત્રિવેણી સંગમ રચાયો હતો. વહેલી સવારથી જ 'હર હર મહાદેવ'ના જયઘોષ સાથે ભક્તોનું ઘોડાપૂર ઉમટી પડ્યું હતું.વિવિધ ધાર્મિક કાર્યક્રમોનું આયોજનમહાશિવરાત્રી નિમિત્તે ઘેલા સોમનાથ મંદિરમાં વિવિધ ધાર્મિક કાર્યક્રમોની હારમાળા યોજાઈ હતી. વહેલી સવારે મંગળા આરતી બાદ ભગવાન સોમનાથનો ભવ્ય રુદ્રાભિષેક કરવામાં આવ્યો હતો. આ વર્ષે ભક્તો માટે સવારે અને બપોરે એમ બે વખત રુદ્રાભિષેકની વિશેષ વ્યવસ્થા કરવામાં આવી હતી. આ ઉપરાંત મંદિરમાં શિખર પૂજન અને ધ્વજારોહણ પણ કરવામાં આવ્યું હતું.કેબિનેટ મંત્રીની ઉપસ્થિતિઆ ધાર્મિક મહોત્સવમાં રાજ્યના કેબિનેટ મંત્રી કુંવરજીભાઈ બાવળિયાએ ખાસ હાજરી આપી હતી. તેમણે ભગવાન ઘેલા સોમનાથની મંગળા આરતી અને રુદ્રાભિષેક પૂજનમાં ભાગ લઈ આશીર્વાદ મેળવ્યા હતા અને સમગ્ર રાજ્યની સુખ-શાંતિ માટે પ્રાર્થના કરી હતી. પાલખી યાત્રા અને દીપમાળામંદિર પરિસરમાં દાદાની ભવ્ય પાલખી યાત્રા કાઢવામાં આવી હતી, જેમાં મોટી સંખ્યામાં શ્રદ્ધાળુઓ જોડાયા હતા. સાંજની આરતી સમયે મંદિર પરિસરને 1008 દીવડાઓ પ્રજ્વલિત કરી ઝળહળતું કરવામાં આવ્યું હતું. ભગવાનને કરવામાં આવેલા વિશિષ્ટ શૃંગાર દર્શનનો લાહવો લેવા માટે આખું જસદણ અને પંથકના ગ્રામ્ય વિસ્તારોમાંથી માનવ મહેરામણ ઉમટી પડ્યું હતું.આ પણ વાંચો: Bharuch: આમોદના કેરવાડા-બુવા રોડ પર અકસ્માત, ડમ્પરની ટક્કરે બાઈક સવાર વૃદ્ધનું ઘટનાસ્થળે જ કમકમાટીભર્યું મોત

Read Full Story arrow_forward