Rajkot: દેશવ્યાપી હડતાળમાં 40 હજાર કર્મચારીઓ જોડાયા, સ્ટાફની ઘટ અને પડતર માંગણીઓ મુદ્દે દેખાવો
ભારતીય જીવન વીમા નિગમ (LIC) ના કર્મચારીઓએ આજે પોતાની વિવિધ પડતર માંગણીઓને લઈને દેશવ્યાપી હડતાળનું શસ્ત્ર ઉગામ્યું છે. રાજકોટ સહિત દેશભરના અંદાજે 40 હજારથી વધુ કર્મચારીઓ આ એક દિવસીય હડતાળમાં જોડાતા વીમા સેવાઓને વ્યાપક અસર પહોંચી છે.રાજકોટમાં LICના કર્મીઓની હડતાળહડતાળમાં જોડાયેલા યુનિયનના અગ્રણીઓના જણાવ્યા મુજબ, લાંબા સમયથી ક્લાસ-3 અને ક્લાસ-4 ના કર્મચારીઓની ભરતી કરવામાં આવી નથી, જેના કારણે સ્ટાફની ભારે અછત વર્તાઈ રહી છે. કામનું ભારણ વધવા છતાં નવી નિમણૂકો ન થતા અને અન્ય પડતર આર્થિક તથા વહીવટી પ્રશ્નોનું નિરાકરણ ન આવતા કર્મચારીઓએ આક્રમક વલણ અપનાવ્યું છે.LIC ના વહીવટી માળખા પર તેની સીધી અસર રાજકોટ સ્થિત LIC ની વિવિધ કચેરીઓ બહાર આજે સવારથી જ કર્મચારીઓએ એકઠા થઈને સૂત્રોચ્ચાર કર્યા હતા. 'અમારી માંગણીઓ પૂરી કરો' ના નારા સાથે વાતાવરણ ગુંજી ઉઠ્યું હતું. વર્ગ-3 અને વર્ગ-4 ના કર્મચારીઓ સંપૂર્ણપણે કામથી અળગા રહેતા પ્રીમિયમ ભરવા કે અન્ય કામકાજ માટે આવતા ગ્રાહકોને મુશ્કેલીનો સામનો કરવો પડ્યો હતો. આ માત્ર સ્થાનિક નહીં પણ દેશવ્યાપી આંદોલન હોવાથી LIC ના વહીવટી માળખા પર તેની સીધી અસર જોવા મળી છે. જો આગામી દિવસોમાં તંત્ર દ્વારા આ પડતર પ્રશ્નોનો યોગ્ય ઉકેલ લાવવામાં નહીં આવે, તો આગામી સમયમાં વધુ ઉગ્ર આંદોલન કરવાની ચીમકી પણ કર્મચારી સંગઠનો દ્વારા આપવામાં આવી છે.આ પણ વાંચો: Kutch: ખાવડા રિન્યુએબલ એનર્જી પાર્કમાંથી 7 લાખના કિંમતી કેબલની ચોરી, પોલીસમાં ફરિયાદ
Read Full Story arrow_forward
