Community News & Updates

Stay informed with the latest happenings, achievements, and announcements from our community.

All News

calendar_today February 11, 2026

Banaskantha News: મહિલાને છૂટાછેડા કરાવી આપવાની લાલચ આપી ભુવાએ દુષ્કર્મ આચર્યું

બનાસકાંઠાના દિયોદરમાં ભુવા સામે દુષ્કર્મની ફરિયાદ કરવામાં આવી છે. ભુવા સહિત ત્રણ શખ્સો સામે એક મહિલાએ દુષ્કર્મની ફરિયાદ નોંધાવી છે. ફરિયાદી મહિલા પર અલગ અલગ જગ્યાએ દુષ્કર્મ ગુજાર્યું હોવાની ફરિયાદ થતાં પોલીસે ભુવા સહિત ત્રણ આરોપીઓની અટકાયત કરી વધુ તપાસ હાથ ધરી છે. પોલીસે ભુવા સહિત 3 આરોપીઓની અટકાયત કરી બનાસકાંઠાના દિયોદરમાં એક મહિલાએ ભુવા સહિત ત્રણ શખ્સો સામે દુષ્કર્મની ફરિયાદ નોંધાવી છે. ફરિયાદી મહિલાને તેનો પતિ નહીં ગમતો હોવાથી તેણે ભુવાનો સંપર્ક કર્યો હતો. આ ભુવાએ મહિલાને છૂટાછેડા અપાવવાની લાલચ આપી હતી. ત્યાર બાદ તેને અલગ અલગ સ્થળો પર લઈ જઈને તેની સાથે દુષ્કર્મ આચર્યું હતું. ત્રણેય આરોપીઓ યુવતીના સગા સંબંધી હોવાનું પણ જાણવા મળ્યું છે. દિયોદર પોલીસે સમગ્ર મામલે પરીણિતાની ફરિયાદના આધારે તપાસ કરી ભુવા સહિત ત્રણ આરોપીઓની અટકાયત કરીને વધુ તપાસ હાથ ધરી છે.આ પણ વાંચોઃ Ahmedabad News: બાળ તસ્કરી કેસમાં વધુ બે આરોપીઓની સંડોવણી હોવાનો ખુલાસો, અત્યાર સુધી ચાર શખ્સોની ધરપકડ

Read Full Story arrow_forward

calendar_today February 11, 2026

Gandhinagar : મહાત્મા મંદિર ખાતે સહકાર મંત્રીની રાષ્ટ્રીય પરિષદ યોજાશે, અમિત શાહ કરશે પરિષદનું ઉદ્ઘાટન

દેશના તમામ રાજ્યોના સહકારી મંત્રીઓ આગામી 17 અને 18 ફેબ્રુઆરીના રોજ ગુજરાતમાં એકત્રિત થવા જઈ રહ્યા છે. ગાંધીનગર સ્થિત મહાત્મા મંદિર ખાતે સહકાર મંત્રીઓની બીજી રાષ્ટ્રીય પરિષદ યોજાવવાની છે. આ મહત્ત્વપૂર્ણ પરિષદમાં દેશભરના સહકારી ક્ષેત્રને મજબૂત બનાવવાના મુદ્દાઓ પર વિગતવાર ચર્ચા અને મંત્રણાનું આયોજન કરવામાં આવ્યું છે.સહકારી આંદોલનને વધુ સશક્ત બનાવાશે કેન્દ્રીય સહકાર મંત્રી અમિત શાહ આ પરિષદનું ઉદ્ઘાટન કરશે અને સહકારી આંદોલનને વધુ સશક્ત બનાવવાના દિશામાં માર્ગદર્શન આપશે. પરિષદ દરમિયાન વિવિધ રાજ્યોના અનુભવો, નવી નીતિઓ, સહકારી સંસ્થાઓની પારદર્શિતા, ટેકનોલોજીના ઉપયોગ અને ગ્રામિણ અર્થતંત્રને પ્રોત્સાહન જેવા મુદ્દાઓ પર ચર્ચા થવાની શક્યતા છે. સહકાર મંત્રાલય દ્વારા તમામ રાજ્યોના મુખ્ય સચિવોને સત્તાવાર પત્ર લખીને પરિષદ અંગે જાણ કરવામાં આવી છે. સહકાર સચિવોને આમંત્રિત કરવામાં આવ્યા સાથે જ તમામ રાજ્યોના સહકાર મંત્રી અને સહકાર સચિવોને આમંત્રિત કરવામાં આવ્યા છે. દેશવ્યાપી સહકારી માળખાને વધુ અસરકારક બનાવવા અને રાજ્યો વચ્ચે સમન્વય વધારવા આ પરિષદને મહત્વપૂર્ણ માનવામાં આવી રહી છે. આ રાષ્ટ્રીય પરિષદ સહકારી ક્ષેત્રમાં સુધારાઓ, નવી પહેલ અને સહકાર આધારિત વિકાસ મોડલને ગતિ આપવાના ઉદ્દેશ સાથે યોજાઈ રહી છે. કાર્યક્રમની વિગતવાર રૂપરેખા ટૂંક સમયમાં જાહેર કરવામાં આવશે. ગુજરાતમાં યોજાનારી આ મહાસભા સહકારી ક્ષેત્ર માટે એક મહત્વપૂર્ણ મંચ સાબિત થશે. આ પણ વાંચો : Somnath : મહાશિવરાત્રીએ શ્રી સોમનાથ મહાદેવનું મંદિર સતત 42 કલાક ભક્તો માટે ખુલ્લું રહેશે, યાત્રિકો માટે વિશેષ આયોજન

Read Full Story arrow_forward

calendar_today February 11, 2026

Ahmedabad News: ધોળકામાં વટામણ ચોકડી પાસે જીવના જોખમે કામ કરતા શ્રમિકો, ઓવરબ્રિજની કામગીરીમાં મોટી બેદરકારી

ધોળકામાં બ્રિજ નિર્માણ કામગીરી વખતે બેદરકારીના દ્રશ્યો સામે આવ્યા છે. બ્રિજ પર શ્રમિકો કોઈ પણ પ્રકારની સેફ્ટી વિના જ કામ કરતા નજરે પડ્યા છે. વટામણ ચોકડી પાસે ઓવરબ્રિજ બનાવવાની કામગીરી ચાલી રહી છે. બ્રિજની ઊંચાઈ પર સુરક્ષાના સાધનો વિના જ શ્રમિકો કામગીરી કરી રહ્યાં છે. હેલ્મેટ, સેફટી શુઝ, સેફ્ટી નેટનો અભાવ જોવા મળ્યો ધોળકા પાસે વટામણ ચોકડી પર ઓવરબ્રિજ પર કામ કરતા શ્રમિકો કોઈ પણ પ્રકારની સેફ્ટી વિના કામ કરતા જોવા મળ્યાં છે. વટામણ ચોકડી ખાતે બની રહેલા નવા ઓવરબ્રિજના કામમાં મોટી બેદરકારી સામે આવી છે. વિકાસના કામોની ઉતાવળમાં શ્રમિકોના જીવને જોખમમાં મુકવામાં આવતા હોવાના દ્રશ્યો સામે આવ્યા છે. શ્રમિકો પાસે હેલ્મેટ, સેફ્ટી શૂઝ, સેફ્ટી નેટ સહિતના સાધનો ઉપલબ્ધ નહીં હોવાનું પણ સામે આવ્યું છે. જો કોઈપણ પ્રકારની દુર્ઘટના ઘટે તો જવાબદારી કોની એવા અનેક સવાલો ઉભા થયાં છે. આ પણ વાંચોઃ Gandhinagar News: રાજ્યમાં પહેલા ઘર પછી વસતીની ગણતરી થશે, આ 33 સવાલોના લોકોએ જવાબો આપવા પડશે

Read Full Story arrow_forward