Community News & Updates

Stay informed with the latest happenings, achievements, and announcements from our community.

All News

calendar_today February 11, 2026

Dahod : ગરબાડાના છરછોડામાં પ્રોહિબિશન રેડ દરમિયાન પોલીસ પર હુમલો કરાયો, શર્ટનું કોલર ફાડી નાખી મારી નાખવાની ધમકી આપી

દાહોદ જિલ્લાના ગરબાડા તાલુકાના છરછોડા ગામે પ્રોહિબિશન રેડ દરમિયાન પોલીસ પર હુમલાની ગંભીર ઘટના સામે આવી છે. આ મામલે હુમલો કરનારા 6 શખ્સ સામે ગુનો દાખલ કરવામાં આવ્યો છે.પ્રોહિબિશન રેડ દરમિયાન પોલીસ કર્મી પર હુમલો છરછોડા ગામે પ્રોહિબિશન રેડ દરમિયાન જેસાવાડા પોલીસ મથકની ટીમ ઉપર મહિલા સહિત 6 શખ્સોએ એકસંપ થઈ હુમલો કર્યો હતો આરોપીઓએ શર્ટનું કોલર ફાડી નાંખ્યું  આ હુમલામાં એ.એસ.આઇ. સિરાજ અબ્દુલ્લા શેખને ઇજા પહોંચી, અને આરોપીઓએ પોલીસ કર્મીના શર્ટનું કોલર ફાડી નાખીને જાનથી મારી નાખવાની ધમકી આપી હતી દારૂની 51 બોટલો કબજે કરી હતી પોલીસે રેડ દરમિયાન રૂ. 16,546ની કિંમતની વિદેશી દારૂની 51 બોટલો કબજે કરી હતી. મુદ્દામાલ કબજે કર્યા બાદ પંચનામાની કાર્યવાહી દરમ્યાન આરોપીઓએ પોલીસ સાથે ઝપાઝપી કરી હતી છ આરોપીઓ સામે નામજોગ ફરિયાદ દાખલ આ ઘટનામાં મહિલા સહિત છ આરોપીઓ સામે નામજોગ ગુનો નોંધી પોલીસ આગળની કાયદેસરની કાર્યવાહી હાથ ધરવામાં આવી છે.આ પણ વાંચો----    Surendranagar : સ્થાનિક સ્વરાજની ચૂંટણી પહેલાં AAPને મોટો ઝટકો, રાજુ કરપડાએ AAP માંથી રાજીનામું આપ્યું

Read Full Story arrow_forward

calendar_today February 11, 2026

Kutch News : કચ્છના નાના રણમાં આશરે 1.35 કરોડ લિટર વરસાદી પાણીના સંગ્રહ સાથે વન્યજીવોના આવાસની થશે કાયાકલ્પ

જે અંતર્ગત શુષ્ક વાતાવરણ માટે જાણીતા આ વિસ્તારમાં પાણીનો સંગ્રહ કરી, જમીનનું ધોવાણ અટકાવી તેમજ વન્યપ્રાણીઓ-પક્ષીઓ માટે આવાસની ગુણવત્તા સુધારવા માટે મહત્વપૂર્ણ કામગીરી હાથ ધરવામાં આવી રહી છે, તેમ વન અને પર્યાવરણ મંત્રી અર્જુનભાઇ મોઢવાડીયાએ જણાવ્યું હતું. શિયાળા સુધી વન્યપ્રાણીઓને કુદરતી રીતે પીવાનું પાણી મળી રહેશે મંત્રી મોઢવાડીયાએ વિગતો આપતા કહ્યું હતું કે, કચ્છના નાના રણ વિસ્તારમાં વન્યજીવોના સંરક્ષણ, સંવર્ધન તેમજ પર્યાવરણીય સંતુલન જાળવવા માટે માટી-ભેજ સંરક્ષણ સંબંધિત કામગીરી કરવામાં આવી રહી છે. જે અન્વયે આશરે એક કિ.મી.ના વિસ્તારમાં ત્રણ જેટલા ખાસ પ્રકારના પાળા તૈયાર કરવામાં આવી રહ્યા છે, જેમાં ભવિષ્યમાં વધારો કરવામાં આવશે. આ કામગીરીના પરિણામે ચોમાસામાં વહી જતા આશરે ૧.૩૫ કરોડ લિટર વરસાદી પાણીનો સંગ્રહ થશે, જેથી શિયાળા સુધી વન્યપ્રાણીઓને કુદરતી રીતે પીવાનું પાણી મળી રહેશે. દેશ-વિદેશથી આવતા યાયાવર પક્ષીઓ માટે ઉત્તમ આવાસ સાબિતરૂપ થશે આગામી બીજા-ત્રીજા વર્ષથી આ પાણી પીવાલાયક બની જશે, જે રણના શુષ્ક વાતાવરણમાં જીવસૃષ્ટિ માટે ‘અમૃત’ સમાન સાબિત થશે. મંત્રી શ્રી મોઢવાડીયાએ ઉમેર્યું હતું કે, આ પ્રોજેક્ટ માત્ર પાણી બચાવવા પૂરતો નથી, પરંતુ કચ્છના રણમાં એક સંપૂર્ણ ઇકો સિસ્ટમ વિકસાવવાનો પ્રયાસ છે. અહી માટીમાં ભેજનું પ્રમાણ વધવાથી જમીનની ફળદ્રુપતા સુધરશે અને વિવિધ સ્થાનિક ઘાસનો કુદરતી રીતે વિકાસ થશે. જેના પરિણામે વધુ ઘાસચારો ઉપલબ્ધ થશે, તૃણહારી પ્રાણીઓને પૂરતો ખોરાક મળશે અને તેમની સંખ્યામાં સતત વૃદ્ધિ થશે. આ આયોજનથી તળાવ અને જળાશયો એ વન્યજીવો, સ્થાનિક પક્ષીઓ અને દેશ-વિદેશથી આવતા યાયાવર પક્ષીઓ માટે ઉત્તમ આવાસ સાબિતરૂપ થશે. આ ઉપરાંત તળાવની વચ્ચે બનાવવામાં આવેલા 'માઉન્ટ' – ટેકરા પક્ષીઓ-પ્રાણીઓ માટે સુરક્ષિત અને આરામદાયક વિશ્રામ સ્થાન બની રહેશે.કચ્છના નાના રણની ઓળખ વધુ સમૃદ્ધ અને પર્યાવરણ પ્રેમી પ્રવાસન ક્ષેત્ર તરીકે પણ ઊભરી આવશે વન અને પર્યાવરણ રાજ્ય મંત્રી પ્રવિણ માળીએ આ સંદર્ભે કહ્યું હતું કે, વૈજ્ઞાનિક રીતે તૈયાર કરવામાં આવેલા આ પાળાઓ જમીનનું ધોવાણ અટકાવશે અને રણ વિસ્તારમાં ભેજનું પ્રમાણ જાળવી રાખશે. શુષ્ક અને અર્ધ-શુષ્ક વિસ્તારોમાં હવામાન પરિવર્તન સામે ટકી રહેવા માટે આ કામગીરી ખૂબ જ મહત્વની સાબિત થશે, જે લાંબા ગાળે જૈવવૈવિધ્ય અને પર્યાવરણીય સંતુલન સુધારવામાં મદદરૂપ થશે. આમ, આ આયોજનથી કચ્છના નાના રણની ઓળખ વધુ સમૃદ્ધ અને પર્યાવરણ પ્રેમી પ્રવાસન ક્ષેત્ર તરીકે પણ ઊભરી આવશે, તેમ મંત્રીએ ઉમેર્યું હતું. આ પણ વાંચો : Botad News : ભાવનગરમાં સસ્પેન્ડ થયેલ મહિલા કોન્સ્ટેબલ નયના બારૈયાએ આપઘાતનો કર્યો પ્રયાસ, DYSP રીમા ઝાલા ત્રાસ આપતા હોવાનો આક્ષેપ

Read Full Story arrow_forward

calendar_today February 11, 2026

Gold Price Today: સોના ચાંદીના ભાવમાં વધારો, જાણી લો 24 કેરેટનો લેટેસ્ટ રેટ

સોના અને ચાંદીના ભાવમાં વધઘટ ચાલુ છે. આ વર્ષની 29 જાન્યુઆરીએ આજીવન ઉચ્ચતમ સ્તર પર પહોંચ્યા પછી, બંને કિંમતી ધાતુઓની કિંમતમાં અચાનક ઘટાડો થયો. પરંતુ બુધવારે તેમાં ફરી તીવ્ર વધારો જોવા મળ્યો. મલ્ટી કોમોડિટી એક્સચેન્જ પર ખુલતા જ ચાંદીના ભાવ ₹8,200 થી વધુ વધ્યા. બીજી તરફ સોનાના ભાવમાં પણ વધારો થયો. જોકે સોના અને ચાંદીના હાઇએસ્ટ રેટ સાથે તુલના કરીએ તો, ચાંદી અત્યારે ₹1.60 લાખ પ્રતિ કિલોથી વધુ સસ્તી છે. આ ચાંદીનો નવીનતમ ભાવ શું ? સૌપ્રથમ ચાલો MCX પર સપ્તાહના ત્રીજા ટ્રેડિંગ દિવસે બુધવારે ચાંદીના ખુલવા વિશે વાત કરીએ તો 5 માર્ચે એક્સપાયરી થતુ MCX સિલ્વર પ્રાઇઝ પાછલા કારોબારી બંધ 252548 રૂપિયાની તુલનાએ ખૂલતા જ એક જ ઝટકામાં 260838 રૂપિયાના સ્તરે પહોચી ગયો. આ હિસાબે ગણીએ તો 1 કિલો સિલ્વર 8290 રૂપિયા મોંઘી થઇ. ચાંદી રેકોર્ડ સ્તર કરતા સસ્તી જોકે બુધવારે ચાંદીના ભાવમાં તીવ્ર વધારો જોવા મળ્યો હતો, તે હજુ પણ તેના જીવનકાળના ઉચ્ચતમ સ્તર કરતા લગભગ ₹1.60 લાખ સસ્તી છે. હકીકતમાં, 29 જાન્યુઆરીએ, ચાંદીમાં એક ભયાનક ગતિએ ઉછાળો આવ્યો, પ્રથમ વખત ₹4 લાખનો આંકડો પાર કરીને ₹4,20,048 ની ઊંચી સપાટીએ પહોંચી. જોકે, આ સ્તરે પહોંચ્યા પછી, ચાંદીમાં ઘટાડો શરૂ થયો. હાલમાં, તેના ઉચ્ચતમ સ્તરથી ઘટાડાને ધ્યાનમાં લેતા, ચાંદી ₹1,59,210 પ્રતિ કિલો સસ્તી છે. આજનો સોનાનો ભાવ  મલ્ટી કોમોડિટી એક્સચેન્જ (MCX) પર 2જી એપ્રિલની સમાપ્તિ તારીખ માટે સોનાના વાયદાના ભાવ વિશે વાત કરીએ. બુધવારે શરૂઆતના ભાવે સોનાનો ભાવ ₹1,633 વધ્યો. મંગળવારે, પાછલા ટ્રેડિંગ દિવસે, 10 ગ્રામ 24 કેરેટ સોનાનો ભાવ ₹1,56,803 પર બંધ થયો, અને તરત જ ₹1,58,436 પર પહોંચી ગયો. સોનું તેના ઉચ્ચ સ્તર કરતાં ઘણું સસ્તું છે ચાંદીની જેમ સોનાના ભાવમાં તાજેતરમાં વધારો થયો હોવા છતાં કિંમતી ધાતુ તેના જીવનકાળના ઉચ્ચ સ્તર કરતાં સસ્તી રહે છે. હા, 29 જાન્યુઆરીએ, જ્યારે ચાંદીનો ભાવ ₹4 લાખને વટાવી ગયો, ત્યારે સોનાનો ભાવ પણ તેના અનુકરણમાં આવ્યો, જે ₹1,93,096 પ્રતિ 10 ગ્રામના રેકોર્ડ ઉચ્ચ સ્તર પર પહોંચ્યો. સોનાનો વાયદો આ ઉચ્ચ સ્તર કરતાં ₹34,660 સસ્તો રહ્યો.મોટા શહેરોમાં આજનો સોનાનો ભાવ (ગુડ રિટર્ન્સ અનુસાર)શહેર  24 કેરેટ પ્રતિ 10ગ્રામ 22 કેરેટ પ્રતિ 10 ગ્રામઅમદાવાદ 1,58,560 1,45,350 રાજકોટ 1,58,560 1,45,350વડોદરા 1,58,560 1,45,350સુરત 1,58,560 1,45,350દિલ્હી 1,58,660 1,45,450મુંબઈ 1,58,510 1,45,300

Read Full Story arrow_forward