Community News & Updates

Stay informed with the latest happenings, achievements, and announcements from our community.

All News

calendar_today February 5, 2026

Patan: કોરડામાં 'રાસ-ગરબા'નો રંગ વિવાદમાં ફેરવાયો ઠાકોર સમાજના બંધારણના ઉલ્લંઘનનો આરોપ!

સાંતલપુર તાલુકાના કોરડા ગામના યુવા સરપંચના લગ્નપ્રસંગે આયોજિત રાસ ગરબા અંગે સોશિયલ મીડિયામાં વિડિઓ વાયરલ થતા વિવાદ ઉભો થયો છે. વાયરલ થયેલા વિડિઓ બાદ ઠાકોર સમાજના બંધારણ તોડવામાં આવ્યું હોવાના આક્ષેપો સોશિયલ મીડિયામાં વ્યાપક રીતે ચર્ચામાં આવ્યા છે.લગ્નપ્રસંગે માતાજીનો પ્રસંગ જોડાયેલો હોવાથી રાસ ગરબાનું આયોજન કરવામાં આવ્યું હોવાનું યુવા સરપંચના પિતા મગનજી ઠાકોરે જણાવ્યું હતું. તેમણે સ્પષ્ટતા કરતા કહ્યું કે ધાર્મિક પરંપરા અને આસ્થાને ધ્યાનમાં રાખીને જ કાર્યક્રમ યોજાયો હતો, સમાજના કોઈપણ બંધારણને તોડવાનો ઉદ્દેશ્ય ન હતો. આ ઘટનાને લઈને સ્થાનિક સ્તરે ચર્ચા તેજ બની છે. બીજી તરફ્, સ્થાનિક મત વિસ્તારના ધારાસભ્ય લવિંગજી સોલંકી પણ આ લગ્નપ્રસંગે હાજર રહ્યા હોવાનું સામે આવતા મુદ્દો વધુ ચર્ચાસ્પદ બન્યો છે. સોશિયલ મીડિયામાં ઉઠેલા વિવાદ બાદ ગામ અને સમાજમાં વિવિધ મતભેદો સામે આવી રહ્યા છે, ત્યારે સમગ્ર મામલે શાંતિ જળવાય તે માટે સમજદારીપૂર્ણ વલણ અપનાવવાની અપીલ પણ થઈ રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 5, 2026

Patan: વરાણા ગામેથી ચોરીના ગુનામાં સંડોવાયેલા બે શખ્સો ઝડપાયા

સાંતલપુર તાલુકાના વારાહી પોલીસ સ્ટેશનની હદ વિસ્તારમાં થયેલા ચોરીના ગુનામાં પોલીસ દ્વારા ઝડપી કાર્યવાહી કરવામાં આવી છે. ખેંચવાની મોટી કંપનીના ગોડાઉનમાંથી ચોરી કરાયેલા મોટર તથા રોકડ રકમ અને ચોરી કરવામાં આવેલ રીક્ષા સાથે બે આરોપી મલેક અનિશખાન અલેફખાન રહે.વારાહી જીવરાણીવાસ તા. સાંતલપુર, જિ. પાટણ અને કલ્પેશ ઉર્ફે ચીલુ મુકેશભાઈ ઠાકોરવારાહી પોલીસે ઝડપી લીધા છે.વારાહી પોલીસ સ્ટેશનના પોલીસ ઇન્સ્પેક્ટર વાય.એમ. પટેલના માર્ગદર્શન હેઠળ પોલીસ સ્ટાફે મળેલ ગુપ્ત માહિતીના આધારે તપાસ હાથ ધરી હતી. તપાસ દરમ્યાન મકાન અનિષ્ણાત અપરાધમાં સંડોવાયેલા બે આરોપીઓની ધરપકડ કરવામાં આવી છે. પોલીસ તપાસમાં ખુલ્યું છે કે આરોપીઓએ વરાણા ગામેથી ચોરી કરવામાં આવેલ રિક્ષામાં પાણી ખેંચવાની મોટી કંપનીની એક હોર્સ પાવરની મોટર તથા અન્ય સામાનની ચોરી કરી હતી. પોલીસે આરોપીઓ પાસેથી અંદાજે રૂ. 3.75 લાખ જેટલો મુદ્દામાલ જપ્ત કર્યો છે, જેમાં ચોરી કરેલી મોટર તેમજ રોકડ રકમનો સમાવેશ થાય છે. આ કેસમાં વારાહી પોલીસ સ્ટેશન ખાતે બી.એન.એસ કલમ 303(2) મુજબ ગુનો નોંધવામાં આવ્યો છે. આરોપીઓ સામે અગાઉ પણ ચોરીના ગુનાઓ નોંધાયેલા હોવાની માહિતી સામે આવી છે. આ સમગ્ર કાર્યવાહી દરમિયાન વારાહી પોલીસ સ્ટેશનના અધિકારીઓ અને કર્મચારીઓની મહત્વપૂર્ણ ભૂમિકા રહી હતી. પોલીસે વધુ તપાસ હાથ ધરી છે અને અન્ય સંડોવાયેલા શખ્સોની શોધખોળ હાથ ધરવામાં આવી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 5, 2026

Patan: કલ્યાણપુરા નજીક ટ્રેલરની અડફેટે બાઈક સવારમહિલાનું મોત

રાધનપુર વારાહી હાઈવે પર આવેલ કલ્યાણપુરા નજીક એક અકસ્માતની ઘટના બનવા પામી હતી. જેમાં માર્ગ પર જતાં બાઈકને ટ્રેલરે અડફેટે લેતાં બાઇકમાં સવાર આધેડ મહિલાનું મોત નિપજ્યું હતું. જ્યારે અન્ય બે વ્યક્તિઓને ઈજાઓ પહોંચી હોવાનું જાણવા મળ્યું હતું. રાધનપુર વારાહી હાઈવે પર આવેલ કલ્યાણપુરા નજીક પસાર થતી વેળાએ હાઈવે પર આવી રહેલ ટ્રેલરે અડફેટે લેતાં બાઈક સવાર 50 વર્ષિય સોનાબેન બાબુભાઈ ઠાકોર નામની મહિલાનું મોત થયું હતું. તો બીજી તરફ્ સવાર અન્ય બે વ્યક્તિઓને પણ ઈજાઓ પહોંચતા સારવાર માટે રાધનપુર ખસેડાયા હોવાની પ્રાથમિક માહિતી મળવા પામી હતી. અકસ્માતમાં મૃત્યુ પામેલ મહિલાનું પીએમ રાધનપુર સરકારી હોસ્પિટલ ખાતે કરવામાં આવ્યું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward