Jamnagar News: સિક્કાના દરિયામાં ભરતીના પાણી વચ્ચે ફસાયેલા પરપ્રાંતિય યુવાનનું દિલધડક રેસ્ક્યુ
જામનગર નજીક આવેલા સિક્કાના દરિયાકિનારે એક યુવાન માટે ફરવા જવાનું ભારે પડી ગયું હતું. સિક્કા જેટી પાસે દરિયામાં અંદર સુધી ફરવા ગયેલો એક પરપ્રાંતિય યુવાન અચાનક ભરતીના પાણી આવી જતાં મધદરિયે ફસાઈ ગયો હતો. જોકે, પોલીસ અને 108ની ટીમે સમયસૂચકતા વાપરી સ્થાનિક તરવૈયાઓની મદદથી આ યુવાનનું દિલધડક રેસ્ક્યુ કરી તેને નવજીવન આપ્યું છે.પરપ્રાંતિય અજીમ શેખ દરિયાઈ પાણીમાં ફસાયો જામનગરના મોટી ખાવડી વિસ્તારમાં રહીને એક ખાનગી કંપનીમાં કામ કરતો 30 વર્ષીય અજીમ મુક્તારખાન શેખ સિક્કા જેટી પાસે ફરવા ગયો હતો. તે દરિયામાં અંદરના ભાગે હતો ત્યારે અચાનક પાણીનું સ્તર વધવા લાગ્યું હતું. યુવાનના કમર અને છાતી સુધી પાણી પહોંચી ગયું હતું. દરિયામાં રહેલા અણીદાર પથ્થરો પગમાં વાગવાના કારણે અજીમ ઈજાગ્રસ્ત થયો હતો અને ચાલી શકે તેવી સ્થિતિમાં નહોતો. ઈજાગ્રસ્ત યુવાનને હોસ્પિટલ ખસેડવામાં આવ્યો ઘટનાની જાણ થતા જ સિક્કા પોલીસની ટીમ અને 108ની ટીમ ઘટનાસ્થળે દોડી ગઈ હતી. સ્થાનિક તરવૈયાઓની મદદ લઈને પોલીસ અને પેરામેડિકલ સ્ટાફે ભારે જહેમત બાદ પાણીની વચ્ચેથી અજીમને હેમખેમ બહાર કાઢ્યો હતો. યુવાનને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો છે. સ્થાનિકો અને વહીવટી તંત્રની ત્વરિત કામગીરીને કારણે એક મોટી જાનહાનિ ટળી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
