Community News & Updates

Stay informed with the latest happenings, achievements, and announcements from our community.

All News

calendar_today February 3, 2026

Banaskantha News: ઠાકોર સમાજના નવા બંધારણનું ઉલ્લંઘન

બનાસકાંઠામાં ઠાકોર સમાજના નવા બંધારણના નિયમોનું ઉલ્લંઘન થતાં વિવાદ સર્જાયો છે. જાબડીયા ગામમાં ડી.જે લઈને વરઘોડો કાઢવા સામે સમાજના આગેવાનો અને સભ્યોમાં ભારે રોષ ફેલાયો છે. સિંગર ગબ્બર ઠાકોરના કાકાના ઘરે દીકરાના હતા લગ્ન ઘટનામાં સિંગર ગબ્બર ઠાકોર, તેમના ભાઈ સિંગર અર્જુન ઠાકોર અને ઠાકોર સમાજના અનેક લોકો હાજર હતા. ગબ્બર ઠાકોર અને અર્જુન ઠાકોર, તેમના કાકાના ઘરમાં દીકરાના લગ્ન પ્રસંગે ઉપસ્થિત હતા.સમાજનું બંધારણ તોડતા ઠાકોર સમાજના આગેવાનમાં રોષ જોવા મળી રહ્યો છે. DJને લઈ વરઘોડો કાઢતા ઠાકોર સમાજે બહિષ્કાર કર્યો હોવાનું ચર્ચાઇ રહ્યું છે.સિંગર ગબ્બર ઠાકોર અને અર્જુન ઠાકોરને સમાજ બહાર કરેલ છે , કોઈએ એમને સપોર્ટ ન કરવો તેવી પોસ્ટો સોશિયલ મીડિયામાં વાયરલ થઇ રહી છે.

Read Full Story arrow_forward

calendar_today February 3, 2026

Botadમાં માનવતા લજવાઈ, 12 વર્ષની સગીરાને લાલચ આપી નરાધમે આચર્યું દુષ્કર્મ

બોટાદ જિલ્લાના ગ્રામ્ય પંથકમાંથી માસૂમ બાળકી પર અત્યાચારની અત્યંત નિંદનીય ઘટના સામે આવી છે. લોહી થીજવી દે તેવી આ ઘટનામાં 12 વર્ષની સગીરાને લાલચ આપીને એક શખ્સે પોતાની હવસનો શિકાર બનાવી હોવાની ફરિયાદ પોલીસ ચોપડે નોંધાઈ છે. આ બનાવને પગલે સમગ્ર જિલ્લામાં ભારે રોષ અને ચકચાર મચી ગઈ છે.12 વર્ષની સગીરા પર એક વ્યક્તિએ ગુજાર્યું દુષ્કર્મ બોટાદ જિલ્લાના એક ગામમાં રહેતી માત્ર 12 વર્ષની માસૂમ સગીરાને આરોપીએ પૂર્વઆયોજિત રીતે નિશાન બનાવી હતી. નરાધમે સગીરાને વિવિધ લાલચો આપી પટાવી ફોસલાવીને એકાંતમાં લઈ ગયો હતો. ત્યાં સગીરાની મજબૂરી અને માસૂમિયતનો લાભ ઉઠાવી આરોપીએ તેની પર દુષ્કર્મ ગુજાર્યું હતું. આ કૃત્ય બાદ પીડિતાએ હિંમત ભેગી કરી પરિવારને જાણ કરતા સમગ્ર મામલો પોલીસ મથકે પહોંચ્યો હતો. પોલીસે આરોપીની શોધખોળ હાથ ધરી ભોગ બનનાર સગીરાના પરિવારે આ મામલે જેરામ ઈશ્વર ભાલાળા નામના શખ્સ વિરુદ્ધ પોલીસમાં વિધિવત ફરિયાદ નોંધાવી છે. પોલીસે આ ઘટનાની ગંભીરતાને સમજીને: આરોપી વિરુદ્ધ ગુનો દાખલ કર્યો છે. પીડિત સગીરાને તબીબી પરીક્ષણ માટે હોસ્પિટલ ખસેડવામાં આવી છે. ફરાર આરોપી જેરામ ભાલાળાને ઝડપી પાડવા માટે અલગ-અલગ ટીમો બનાવી ચક્રો ગતિમાન કર્યા છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today February 3, 2026

Ahmedabad માં ઘરેલું હિંસા, ગાડીના હપ્તા ભરવા પત્નીને ટોર્ચર કરતા સાસરિયા સામે ગુનો દાખલ

અમદાવાદના રાણીપમાં રહેતી એક યુવતીએ પોતાના પતિ, સાસુ અને સસરા વિરુદ્ધ શારીરિક-માનસિક ત્રાસ અને દહેજની માંગણીની ગંભીર ફરિયાદ નોંધાવી છે. યુવતીના આક્ષેપ મુજબ, લગ્ન બાદ થોડા જ સમયમાં સાસરિયાઓએ પોતાનું અસલી રૂપ બતાવવાનું શરૂ કર્યું હતું અને તેને ડગલે ને પગલે માનસિક ત્રાસ આપવામાં આવતો હતો. હદ તો ત્યારે થઈ જ્યારે પરિણીતાને જાણવા મળ્યું કે તેના પતિને અન્ય કોઈ યુવતી સાથે પ્રેમ સંબંધો છે. આ બાબતે વિરોધ કરવા છતાં પતિના વર્તનમાં કોઈ સુધારો આવ્યો ન હતો, ઉલટાનું સાસુ-સસરાએ નવી ગાડી અને અન્ય ખર્ચાઓ માટે પરિણીતા પાસે ₹15 લાખની મસમોટી રકમની માંગણી શરૂ કરી હતી.ઘરેલુ હિંસા પીડિતાએ પોલીસ ફરિયાદમાં વધુમાં જણાવ્યું છે કે, પતિએ નવી ગાડી ખરીદવા માટે તેના પાસેથી અગાઉ ₹2 લાખ રોકડા લીધા હતા. આટલેથી ન અટકતા, પતિ હવે ગાડીના માસિક હપ્તા પણ પત્નીના પગાર કે પિયરમાંથી ભરાવવા માટે સતત દબાણ કરી રહ્યો હતો. પૈસા ન લાવવા બદલ યુવતીને અવારનવાર મેણા-ટોણા મારીને હેરાન કરવામાં આવતી હતી. અંતે સાસરી પક્ષના વધતા જતા અત્યાચાર અને પતિના આડા સંબંધોથી ત્રસ્ત થઈને યુવતીએ રાણીપ પોલીસ સ્ટેશનમાં ફરિયાદ દાખલ કરી છે. પોલીસે આ મામલે સ્ત્રી અત્યાચાર અને દહેજ ધારાની વિવિધ કલમો હેઠળ ગુનો નોંધીને કાયદેસરની તપાસ શરૂ કરી છે. આ પણ વાંચો : Ahmedabad News : અધિકારી દંપતીનો વિવાદ રસ્તે આવ્યો, ઘરેલુ હિંસાની ફરિયાદથી ચકચાર

Read Full Story arrow_forward