Community News & Updates

Stay informed with the latest happenings, achievements, and announcements from our community.

All News

calendar_today January 23, 2026

Surendranagar: દારૂ સાથે બાઈક ચાલક ઝડપાયો, દારૂ આપનાર શખ્સના ઘરે દરોડો

સુરેન્દ્રનગર એલસીબી ટીમે દુધરેજ પુલ પરથી યુવાનને દારૂ સાથે પકડયો હતો. આ દારૂ તે ધ્રાંગધ્રાના બુટલેગર પાસેથી લાવ્યો હોવાનું ખુલતા એલસીબીની બીજી ટીમે તેના રહેણાક મકાનમાં રેડ કરી વધુ દારૂ પકડી પાડયો હતો. જિલ્લામાં દારૂના કુલ 3 દરોડામાં 2 આરોપીઓ 1,82,295ના મુદ્દામાલ સાથે ઝડપાયા છે.સુરેન્દ્રનગર એલસીબી ટીમના અજયસિંહ ઝાલા, અશ્વીનભાઈ સહિતનાઓને દુધરેજ પુલ પરથી એક શખ્સ લાલ કલરના બાઈકમાં દારૂ સાથે નીકળનાર હોવાની બાતમી મળતા વોચ રાખી હતી. જેમાં વઢવાણની સુડવેલ સોસાયટીમાં રહેતો 27 વર્ષીય મોજીત મેમુદભાઈ ભદ્રાસીયા દારૂના 46 ચપલા સાથે પકડાયો હતો. આ શખ્સની પુછપરછમાં તે દારૂ ધ્રાંગધ્રાના કુડા ફાટક પાસે રહેતા અસલમ સીદ્દીકભાઈ માણેક પાસેથી લાવ્યો હોવાનું ખુલ્યુ હતુ. આથી રૂપીયા 16,100નો દારૂ અને રૂપીયા 30 હજારના બાઈક સહિત રૂપીયા 46,100નો મુદ્દામાલ કબજે કરી બન્ને સામે એ ડીવીઝન પોલીસ મથકે ફરિયાદ નોંધવામાં આવી છે. અસલમ માણેકને ઝડપી લેવા વધુ તપાસ એએસઆઈ એસ.આર.ઘોરી ચલાવી રહ્યા છે. બીજી તરફ એલસીબી ટીમના દશરથભાઈ સહિતની ટીમે ધ્રાંગધ્રામાં અસલમ માણેકના રહેણાક મકાનમાં રેડ કરી હત. જેમાં આરોપી હાજર મળી આવ્યો ન હતો. જયારે મકાનની પાસેની ઓરડીમાંથી દારૂની 147 બોટલ કિંમત રૂપીયા 1,36,075ની જપ્ત કરાઈ હતી. આ અંગે ધ્રાંગધ્રા સીટી પોલીસ મથકે ફરિયાદ નોંધી આરોપી અસલમને ઝડપી લેવા વધુ તપાસ એચસી બી.વી.પઢીયાર ચલાવી રહ્યા છે. જયારે ધ્રાંગધ્રા સીટી પોલીસની ટીમને ફુલેશ્વર પાસે આવેલ શાક માર્કેટમાં એક શખ્સ દારૂ વેચતો હોવાની બાતમી મળતા રેડ કરાઈ હતી. જેમાં હળવદના દિવ્ય પાર્કમાં રહેતો 53 વર્ષીય રાઘવ ઉગાભાઈ પરમાર વિદેશી દારૂના 1 ચપલા કિંમત રૂપીયા 120 સાથે ઝડપાયો હતો. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 23, 2026

Mandal: દાલોદમાં કોમ્યુનીટી હોલને જમીનદોસ્ત કરાતા વિવાદ

અમદાવાદ જિલ્લામાં માંડલ તાલુકાના દાલોદ ગામે પે સેન્ટર શાળાની પાછળ આવેલ કોમ્યુનિટી હોલને ગત તા.18/11/2025ના રોજ પાડી દેવામાં આવ્યો હતો. દાલોદ ગ્રામ પંચાયતના ઉપસરપંચ કિશનભાઈ સેંધવે કોમ્યુનિટી હોલને જમીનદોસ્ત કરવાના મુદ્દે વિરોધ નોંધાવી તાલુકા વિકાસ અધિકારીથી લઈને મુખ્યમંત્રીના ઓનલાઈન સ્વાગત કાર્યક્રમ સુધી પ્રશ્નની રજૂઆત કરીને સમગ્ર મામલે યોગ્ય તપાસની માંગ કરી છે.દાલોદ ગામના ઉપસરપંચે લેખિત રજુઆતોમાં જણાવેલ હતું કે, આ કોમ્યુનિટી હોલને પાડતાં પહેલાં સરકારની ગાઈડલાઈન અનુસાર જવાબદાર તંત્ર પાસેથી મંજુરી લેવાની હોય છે પરંતુ નિતી નિયમોના પાલન કર્યા વગર આ હોલને પાડી દેવામાં આવ્યો હતો. તા.18 નવેમ્બરના રોજ સવારે જે.સી.બી મશીનથી આ હોલને જમીનદોસ્ત કરાયો અને તાત્કાલિક ઉપસરપંચે તેની પ્રાથમિક રજુઆત તાલુકા વિકાસ અધિકારી ભુમિકા પટેલને કરી હતી અને રજુઆતમાં આ કોમ્યુનિટી હોલને પાડવા માટેની મંજુરીનો લેટર, જર્જરિત હોલ નહોતો તેમ છતાં પાડવાનું કારણ અને આ હોલને જમીનદોસ્ત કરવા પાછળ જવાબદાર તંત્ર કોણ છે ? તે તમામ મુદ્દાઓને લઈ તપાસની માંગ કરી હતી. જોકે આ રજુઆતને લઈને આવનાર અરજદાર દાલોદના ઉપસરપંચને થોડા સમય બાદ સંતોષકારક જવાબ નહીં મળતાં અને કાર્યવાહી યોગ્ય દિશામાં નહીં ચાલતાં અમદાવાદ જિલ્લા વિકાસ અધિકારીને પણ 16 ડીસેમ્બરના રોજ ઉપરોક્ત વિષયને લઈને લેખિત રજુઆત કરાઈ અને મુખ્યમંત્રી ઓનલાઈન સ્વાગત કાર્યક્રમમાં પણ તા.6 જાન્યુઆરીના રોજ આ પ્રશ્નને મુકવામાં આવ્યો હતો. આ કોમ્યુનિટી હોલ જમીનદોસ્ત કરવાના વિષયને લઈ માહિતી અધિકારના નિયમો આધિન તલાટી કમ મંત્રીને આર.ટી.આઈ કરીને પણ મંજુરીની નકલો આપવી, મિલ્કતની હરાજી અને જે તે એજન્સીની નિયુક્તિ કરી હોય તેની વિગતો, આ મિલ્કતને પાડવાનો કરેલ નિયત ખર્ચની વિગતો, કાટમાળની આવક અને આવક-જાવકના રજીસ્ટરો સહિતની વિગતોની માંગ કરી હતી. દાલોદ ગામે બે માસ પુર્વે કોમ્યુનિટી હોલને પાડી દેવાયો હતો અને અરજદારે વહીવટી તંત્રમાં રજુઆતો કરેલી, આર.ટી.આઈથી પણ માહિતી માંગેલી પરંતુ આ બાબતે આજદિન સુધી યોગ્ય ન્યાયિક કાર્યવાહી નહીં થતાં દાલોદના ઉપસરપંચે ઝડપી ન્યાય આપવાની માંગ ઉભી કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 23, 2026

Surendranagar: પાંચાળની પવિત્ર ધરાના મૂળી ધામમાં સામૈયાનો પ્રારંભ

મૂળી સ્વામીનારાયણ મંદિરમાં બીરાજમાન શ્રી હરિના 203મા વાર્ષીક પાટોત્સવ અને શિક્ષાપત્રીની રચનાના 200 વર્ષ પુરા થતા મુળી સ્વામીનારાયણ મંદિર ત્રિ-દિવસીય સામૈયાનું આયોજન કરાયુ છે. જેમાં સંતોના હસ્તે પુજનથી બુધવારે કાર્યક્રમની શરૂઆત થઈ હતી. આજે તા. 23મીને શુક્રવારે પીઠાધીપતી કૌશલેન્દ્ર મહારાજ વસંતપંચમી મહોત્સવમાં ઉપસ્થિત રહેશે.પાંચાળની ઐતિહાસિક ધીંગી ધરામાં અનેક ધાર્મીક સ્થાનો આવેલા છે. જેમાં મૂળીધામમાં બિરાજમાન શ્રી રાધાકૃષ્ણ દવે હરીકૃષ્ણ મહારાજ આદિ દેવોને સ્વયં શ્રી હરિએ બાથમાં લઈને પધરાવ્યા હતા. આ મહાપ્રસંગના 203મા વાર્ષીક પાટોત્સવ અને સર્વજીવહીતવાહીની શિક્ષાપત્રીના 200મા રચના દિવસને અનુલક્ષીને મુળી સ્વામીનારાયણ મંદિર ખાતે ત્રિ-દિવસીય સામૈયાનું ગત તા. 21મીથી તા. 23મી જાન્યુઆરી દરમીયાન મૂળીધામના મહંત મુકતસ્વરૂપદાસજીની નીશ્રામાં કરાયુ છે. જેમાં બુધવારે ઠાકોરજીના મહાઅભીષેક, રાજપચાર પુજન, પોથીયાત્રા સાથે સામૈયાની શરૂઆત થઈ હતી. આ પ્રસંગે ત્રિદિનાત્મક મહાવિષ્ણુયાગ, અખંડ ધુન, પવીત્ર સંતો અને ભુદેવો દ્વારા સંહીતાના પાઠ, ઠાકોરજીની છાબ, પવિત્ર ભોગવતી ગંગાજીનું પૂજન, વ્યસનમુકિતના કાર્યક્રમો, રકતદાન કેમ્પ, વૃક્ષારોપણ, પર્યાવરણલક્ષી સેમીનાર, જરૂરિયાતમંદોને ધાબળા વિતરણ, શાળામાં ચોપડા વિતરણ સહિતના કાર્યક્રમ યોજાઈ રહ્યા છે. ત્યારે આજે તા. 23મીને શુક્રવારે વસંત પંચમીના શુભ દિને પીઠાધિપતિ કૌશલેન્દ્ર મહારાજ અને વજેન્દ્રપ્રસાદજી મહારાજના હસ્તે પ્રભુની પ્રસાદીનો એંગ લેવાનો અવસર હરિભકતોને મળશે. ત્રિ-દિવસિય સામૈયામાં ઝાલાવાડ ઉપરાંત ગુજરાત અને દેશ-વિદેશના ભકતોની ઉપસ્થિતિ જોવા મળી રહી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward