Community News & Updates

Stay informed with the latest happenings, achievements, and announcements from our community.

All News

calendar_today January 22, 2026

Vadodara: કારમાં બેસી ‘જામ’ છલકાવવો ભારે પડ્યો, વાયરલ વીડિયોના આધારે પોલીસે યુવકને જેલભેગો કર્યો

વડોદરામાં કાયદો અને વ્યવસ્થાના લીરેલીરા ઉડાવતો એક વીડિયો સોશિયલ મીડિયામાં વાયરલ થયો હતો. સયાજીગંજ વિસ્તારમાં જાહેરમાં કારમાં બેસી દારૂ પીતા એક શખ્સનો વીડિયો સામે આવ્યા બાદ વડોદરા પોલીસે તાત્કાલિક એક્શન લીધા છે. પોલીસે વીડિયોના આધારે તપાસ કરી કારચાલક યુવકની ધરપકડ કરી કાયદેસરની કાર્યવાહી હાથ ધરી છે.જાહેર માર્ગ પર દારૂની મહેફિલગઈકાલે રાત્રે વડોદરાના વ્યસ્ત ગણાતા સયાજીગંજ ડેરીડેન સર્કલ પાસેનો એક વીડિયો સોશિયલ મીડિયા પર જોરશોરથી વાયરલ થયો હતો. આ વીડિયોમાં એક શખ્સ પોતાની કારમાં આરામથી બેસીને દારૂ પી રહ્યો હતો. ગુજરાતમાં દારૂબંધી હોવા છતાં જાહેર રસ્તા પર આ પ્રકારે નશાની મહેફિલ માણતા યુવકનો વીડિયો જોઈ લોકોમાં ભારે રોષ જોવા મળ્યો હતો. વીડિયો વાયરલ થતા જ પોલીસ હરકતમાં આવી હતી અને કારના નંબર તેમજ સીસીટીવીના આધારે તપાસ શરૂ કરી હતી. સયાજીગંજ પોલીસે વાયરલ વીડિયોમાં દેખાતા શખ્સની ઓળખ કરી તેને ઝડપી પાડ્યો છે.આ પણ વાંચો: ધ્રાંગધ્રા નગરપાલિકામાં હંગામો, ચીફ ઓફિસરની ચેમ્બરમાં મહિલાઓએ ગંદા પાણીના માટલા ફોડી આક્રોશ ઠાલવ્યો

Read Full Story arrow_forward

calendar_today January 22, 2026

Ahmedabad News: પોલીસની તપાસમાં NRI ટાવરના CCTV બંધ હોવાનો ખુલાસો, બીજી જાન્યુઆરીથી DVRમાં રેકોર્ડિંગ બંધ હતું

અમદાવાદના પોશ ગણાતા બોડકદેવ વિસ્તારમાં આવેલા NRI ટાવરમાં પત્નીની હત્યા કર્યા બાદ ક્લાસ વન અધિકારી પતિએ પોતે પણ આપઘાત કરી લેતા સમગ્ર પંથકમાં ચકચાર મચી ગઈ હતી.ઘટનાની જાણ થતા જ ઉચ્ચ પોલીસ અધિકારીઓનો કાફલો ઘટનાસ્થળે પહોંચી ગયો હતો અને તપાસના ચક્રો ગતિમાન કર્યા હતા. આ કેસની તપાસ ACPએ ડિવિઝનને સોંપાઇ છે. પોલીસે સીસીટીવીના આધારે તપાસ શરૂ કરી અમદાવાદમાં બોડકદેવ વિસ્તારમાં દંપતીના મોતના કેસની તપાસ ACP એ ડિવિઝનને સોંપાઇ છે. પોલીસની તપાસમાં ફ્લેટના સીસીટીવી બંધ હોવાનુ સામે આવ્યું છે. બીજી જાન્યુઆરીથી ડીવીઆરમાં રેકોર્ડિંગ બંધ હોવાનું સામે આવ્યું છે. યશરાજ પોતાને ત્યાં હથિયાર રાખતા હતાં તે દિશામાં તપાસ શરૂ કરાઈ છે. આ બનાવ પહેલા દંપતી જ્યૂસ પીવા માટે સાથે ગયા હતાં. પોલીસે સીસીટીવીના આધારે તપાસ શરૂ કરી છે. ACP જયેશ બ્રહ્મભટ્ટે મહત્વની કડીઓ જાહેર કરી અમદાવાદના બોડકદેવ વિસ્તારમાં દંપતીના મોતના મામલે એ ડિવિઝન ACP જયેશ બ્રહ્મભટ્ટે મહત્વની કડીઓ જાહેર કરી છે.પોલીસ તપાસ મુજબ ગત રાત્રે આ દંપતી પોતાના સગાને ત્યાં જમવા ગયું હતું અને ત્યાંથી પરત ફર્યા બાદ રાત્રે 12 વાગ્યાની આસપાસ આ ઘટના બની હતી.યશરાજસિંહ ગોહિલની લાયસન્સ વાળી રિવોલ્વરમાંથી ફાયરિંગ થયું હતું. જેમાં પત્નીને માથાના ભાગે ગોળી વાગતા તેનું મોત નીપજ્યું હતું.ગોળી વાગ્યા બાદ યશરાજસિંહે પોતે જ 108ને ફોન કરીને જાણ કરી હતી અને પોતાની માતાને પણ કહ્યું હતું કે ભૂલથી ગોળી વાગી ગઈ છે. જોકે પત્નીના કરુણ મોતથી આઘાતમાં આવી ગયેલા યશરાજસિંહે પોતે પણ ગોળી મારી જીવન ટૂંકાવ્યું હતું. આ પણ વાંચોઃ Ahmedabad News : કોંગ્રેસના રાજ્યસભા સાંસદના ભત્રીજાનો આપઘાત, બોડકદેવના પોશ વિસ્તારમાં બનેલી ઘટનાથી ખળભળાટ

Read Full Story arrow_forward

calendar_today January 22, 2026

Vadodara : શિક્ષણની ગુણવત્તામાં કોઈ પણ પ્રકારનું સમાધાન ચલાવી લેવાશે નહીં : શિક્ષણ રાજ્યમંત્રી રિવાબા જાડેજા

શિક્ષણ રાજ્યમંત્રી રિવાબા જાડેજાએ પોતાના વડોદરા પ્રવાસ દરમિયાન જિલ્લા શિક્ષણાધિકારીની કચેરીની મુલાકાત લીધી હતી. આ મુલાકાત દરમિયાન તેમણે જિલ્લા શિક્ષણ તંત્રના અધિકારીઓ સાથે સમીક્ષા બેઠક યોજી શિક્ષણલક્ષી કામગીરીનું સર્વગ્રાહી મૂલ્યાંકન કર્યું હતું. સમીક્ષા બેઠકમાં જિલ્લા શિક્ષણાધિકારી મહેશ પાંડેએ પ્રેઝન્ટેશનના માધ્યમથી વડોદરા જિલ્લાની શૈક્ષણિક પ્રોફાઈલ, શિક્ષણ ક્ષેત્રે હાંસલ કરેલી સિદ્ધિઓ તેમજ વિવિધ શિક્ષણલક્ષી સરકારી યોજનાઓના અમલીકરણ અંગેની વિગતો રજૂ કરી હતી.ગ્રાન્ટનો વિદ્યાર્થીઓના હિતમાં યોગ્ય અને ફરજિયાત ખર્ચ કરવા સૂચના શિક્ષણ રાજ્યમંત્રી રિવાબા જાડેજાએ બેઠકમાં ઉપસ્થિત અધિકારીઓને તાકીદ કરતા જણાવ્યું હતું કે, શિક્ષણની ગુણવત્તા બાબતે કોઈ પણ પ્રકારનું સમાધાન ચલાવી લેવામાં આવશે નહીં. તેમણે જિલ્લામાં ડ્રોપઆઉટ રેટ શૂન્ય કરવા પર ભાર મૂક્યો હતો અને શાળાઓને ફાળવવામાં આવતી ગ્રાન્ટનો વિદ્યાર્થીઓના હિતમાં યોગ્ય અને ફરજિયાત ખર્ચ કરવા સૂચના આપી હતી. સાથે જ ‘પરખ’ (PARAKH) રિપોર્ટ અને નવી રાષ્ટ્રીય શિક્ષણ નીતિ (NEP) ના અમલીકરણ સંદર્ભે અધિકારીઓ સાથે વિસ્તૃત ચર્ચા કરી હતી અને જરૂરી માર્ગદર્શન પૂરું પાડ્યું હતું. અન્ય પડકારો દૂર કરવા અધિકારીઓ પાસેથી સૂચનો માગ્યા મંત્રીએ વિશેષમાં જણાવ્યું હતું કે, રાજ્ય સરકારની પરિવહન સુવિધાનો લાભ છેવાડાના અને જરૂરિયાતમંદ વિદ્યાર્થી-વિદ્યાર્થિનીઓ સુધી પહોંચે તે સુનિશ્ચિત કરવું અનિવાર્ય છે. આ ઉપરાંત, વડોદરા જિલ્લામાં માધ્યમિક શાળાઓની સંખ્યા વધારવા માટે બી. આર. સી. અને સી. આર. સી. કોર્ડિનેટર્સને ઉકેલલક્ષી વિગતો સાથેનો રિપોર્ટ સત્વરે જમા કરાવવા આદેશ આપ્યો હતો. મંત્રીએ આ કોર્ડિનેટર્સ પાસેથી શાળામાં સુવિધાઓ અને યોજનાના અમલીકરણ સંદર્ભે પ્રતિભાવો પણ જાણ્યા હતા. મંત્રીએ શાળાઓમાં આંતરમાળખાકીય સુવિધાઓ વધારવા તેમજ યોજનાઓના અમલીકરણમાં આવતા વહીવટી કે અન્ય પડકારો દૂર કરવા અધિકારીઓ પાસેથી સૂચનો માગ્યા હતા. સમીક્ષા બેઠક બાદ મંત્રી રિવાબા જાડેજાના હસ્તે વિદ્યા સહાયકોને પ્રતિકાત્મક રૂપે નિમણૂક પત્ર એનાયત કરવામાં આવ્યા હતા. આ સમીક્ષા બેઠકમાં જિલ્લા શિક્ષણ અને તાલીમ ભવનના પ્રાચાર્ય, તાલીમ ભવનના અધિકારીઓ, શિક્ષણ નિરીક્ષકો તેમજ જિલ્લાના બી.આર.સી અને સી.આર.સી કોર્ડિનેટર્સ ઉપસ્થિત રહ્યા હતા.આ પણ વાંચો: Vadodara: કારમાં બેસી ‘જામ’ છલકાવવો ભારે પડ્યો, વાયરલ વીડિયોના આધારે પોલીસે યુવકને જેલભેગો કર્યો

Read Full Story arrow_forward