Surendranagar: જુનિયર ટાઈટન્સની ત્રીજી એડિશનની શરૂઆત
ગુજરાત ટાઈટન્સ દ્વારા જુનીયર ટાઈટન્સની ત્રીજી એડીશનની શરૂઆત સુરેન્દ્રનગરથી કરાઈ છે. શનીવારે કેમ્બ્રીજ સ્કુલમાં યોજાયેલ કાર્યક્રમમાં જિલ્લાની 20થી વધુ શાળાના 900થી વધુ 14 વર્ષથી નીચેની વયના બાળકો વીવીધ આઉટડોર રમતો રમ્યા હતા.ગુજરાત ટાઈટન્સ દ્વારા અગાઉની 2 એડીશનોમાં રાજયના વીવીધ શહેરોમાં 10 હજારથી વધુ બાળકોને જોડયા છે. ત્યારે જુનીયર ટાઈટન્સની ત્રીજી એડીશનની શરૂઆત સુરેન્દ્રનગરથી તા. 17ને શનીવારથી થઈ છે. કોઠારીયા હાઈવે પર આવેલ કેમ્બ્રીજ સ્કુલ ખાતે યોજાયેલ એક દિવસીય કોમ્યુનીટી સ્પોર્ટસ ઈવેન્ટમાં જિલ્લાની 20થી વધુ શાળાના 14 વર્ષથી નીચેના બાળકો આઉટડોર રમતો રમ્યા હતા. જુનીયર ટાઈટન્સનો પાયાનો ઉદ્દેશ બાળકોને આઉટડોર રમતો અને શારીરીક પ્રવૃતીઓમાં જોડવા પ્રોત્સાહીત કરવાનો છે. જેનાથી બાળકોમાં ટીમવર્ક, આત્મવિશ્વાસ આવે છે. આ અંગે ગુજરાત ટાઈટન્સના સીઈઓ અરવિંદરસિંહે જણાવ્યુ કે, બાળકો આઉટડોર સ્પોર્ટસ અને શારીરીક પ્રવૃતીઓનો આનંદ માણી શકે તેવા પ્લેટફોર્મ બનાવવાનો અમારો વીશ્વાસ છે. આ ઈવેન્ટ દર શનીવારે રાજયના વીવીધ શહેરોમાં યોજાશે. જેમાં તા. 24 જાન્યુઆરીએ મોરબી, તા.31ના રોજ અમરેલી, તા. 7 ફેબ્રુઆરીએ આણંદમાં યોજાશે. ત્યારબાદ તા. 14 ફેબ્રુઆરીએ અમદાવાદમાં ઈવેન્ટનું સમાપન થશે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
