Suratની મુલાકાતે યુપીના મુખ્યમંત્રી યોગી આદિત્યનાથ, ઉદ્યોગપતિના પારિવારિક પ્રસંગમાં આપી હાજરી
ઉત્તર પ્રદેશના લોકપ્રિય મુખ્યમંત્રી યોગી આદિત્યનાથ આજે ડાયમંડ સિટી સુરતની ટૂંકી મુલાકાતે આવ્યા હતા. તેમની આ મુલાકાત સંપૂર્ણપણે અંગત અને સામાજિક રહી હતી. સુરત એરપોર્ટ પર તેમનું આગમન થતા જ ભાજપના દિગ્ગજ નેતાઓ, સાંસદ અને સુરતના મેયર સહિતના પદાધિકારીઓએ તેમનું ભવ્ય સ્વાગત કર્યું હતું.યોગી ઉદ્યોગપતિના પ્રસંગમાં હાજરી આપવા પહોંચ્યા મુખ્યમંત્રી યોગી આદિત્યનાથ સુરતના જાણીતા ઉદ્યોગપતિના પુત્રની સગાઈના પ્રસંગમાં હાજરી આપવા માટે ખાસ પધાર્યા હતા. શહેરના પોશ વિસ્તાર ગણાતા પાર્લે પોઈન્ટ ખાતે આવેલી ખાનગી હોટલ 'મેરિયોટ' (Marriott) માં આ ભવ્ય પ્રસંગનું આયોજન કરવામાં આવ્યું હતું. મુખ્યમંત્રીએ હોટલ પહોંચીને નવદંપતીને આશીર્વાદ પાઠવ્યા હતા અને ઉદ્યોગપતિના પરિવાર સાથે શુભેચ્છા મુલાકાત કરી હતી. યોગી આદિત્યનાથ પ્રસંગમાં હાજરી આપી યુપી રવાના યોગી આદિત્યનાથની મુલાકાતને પગલે સુરત પોલીસ દ્વારા એરપોર્ટથી લઈને પાર્લે પોઈન્ટ સુધીના માર્ગ પર અને હોટલની આસપાસ લોખંડી બંદોબસ્ત ગોઠવવામાં આવ્યો હતો. તેમની એક ઝલક મેળવવા માટે હોટલની બહાર લોકોના ટોળા ઉમટ્યા હતા. પ્રસંગમાં હાજરી આપ્યા બાદ તેઓ તુરંત જ સુરત એરપોર્ટથી ઉત્તર પ્રદેશ જવા રવાના થયા હતા. જોકે, આ ટૂંકી મુલાકાત દરમિયાન તેમણે કોઈ જાહેર સભા કે રાજકીય કાર્યક્રમમાં હાજરી આપી ન હતી. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
