Panchmahal:કંપનીની ઓરડીમાં રહેતાં પતિએ પત્નીની ગળું દબાવી હત્યા કરી
મૂળ હાલોલ તાલુકાના કંજરી ગામના અને હાલ ચંદ્રપુરા જીઆઈડીસીની ખાનગી કંપનીમાં નોકરી કરતા યુવકની પત્નીનું અગમ્ય કારણોસર મોત નિપજતા હાલોલ શહેર પોલીસે અકસ્માત મોતનો ગુનો નોંધી મૃતક પરિણીતાનું હાલોલ રેફરલ હોપિટલ ખાતે પીએમ કરાવતા મોતનું કારણ ગળું દબાવતાં મોત નિપજ્યાનું બહાર આવતા પોલીસે હત્યાનો ગુનો નોંધી તપાસ હાથ ધરતાં હત્યારો મૃતકનો પતિ હોવાનું જાણવા મળતાં પોલીસે હત્યારા પતિની ધરપકડ કરી હતી.પ્રાપ્ત માહિતી મુજબ, મૂળ હાલોલ તાલુકાના કંજરી ગામના હર્ષદ અજીતભાઈ પરમારે કંજરી ગામમાં જ રહેતી શિલ્પા સાથે વર્ષ 2016માં પ્રેમ લગ્ન કર્યા હતાં. જે બાદ અને ચંદ્રપુરા જીઆઈડીસીમાં આવેલી ખાનગી કંપની નોકરી કરવા સાથે કંપનીની રૂમમાં પરીવાર સાથે રહેતો હતો. લગ્ન જીવનમાં તેમને બે સંતાન હતા. દરમ્યાન ગત તા 7મી જાન્યુઆરીના રોજ તેની પત્ની શિલ્પાનું કોઈ કારણોસર મોત નીપજ્યું હતું. બનાવ સંદર્ભે પ્રાથમિક તબક્કે પોલીસે અકસમાત મોતનો ગુનો નોંધી મૃતકનું હાલોલ રેફરલ ખાતે પીએમ કરાવ્યું હતું. જેનો રીપોર્ટ આવતા શિલ્પાનું મોત ગળે ટૂંપો આપવાથી થયું હોવાનું બહાર આવતા, પોલીસે તપાસ હાથ ધરી હતી. જેમાં હર્ષદ અને શિલ્પા વચ્ચે અવાર નવાર કંકાસ થતો હોવાનું જણાતા પોલીસે તેની કડકાઈથી પૂછપરછ કરતા શિલ્પાની હત્યા હર્ષદે જ કરી હોવાનું બહાર આવતા પોલીસે હર્ષદની અટકાયત કરી કાયદેસરની કાર્યવાહી હાથ ધરી હતી. પત્નીની હત્યા સમયે CCTV કેમેરા બંધ કરી દીધા આરોપી પતિ હર્ષદે પત્ની શિલ્પાની હત્યા કરી હત્યાને આત્મહત્યામાં ખપાવવા માટે પોલીસને ગેરમાર્ગે દોરી હતી. જે તે સમયે કંપનીના સીસીટીવી કેમેરા પણ બંધ કરી દીધા હતા. છતાં પણ પોલીસ પૂછપરછમાં હત્યાનો ભેદ ખુલ્યો હતો. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
