Community News & Updates

Stay informed with the latest happenings, achievements, and announcements from our community.

All News

calendar_today January 11, 2026

Vibrant Regional Summit: રાજકોટમાં વાયબ્રન્ટ રિજનલ સમિટનો પ્રારંભ, DYCM હર્ષ સંઘવીએ કહી આ વાત

ગુજરાતના આર્થિક વિકાસને નવી ઊંચાઈએ લઈ જવા માટે રાજકોટ ખાતે 'વાયબ્રન્ટ રિજનલ કોન્ફરન્સ'નો ભવ્ય પ્રારંભ થયો છે. વડાપ્રધાન નરેન્દ્ર મોદીના હસ્તે કચ્છ-સૌરાષ્ટ્ર વાયબ્રન્ટ સમિટનું ઉદ્ઘાટન કરવામાં આવ્યું હતું. આ પ્રસંગે ઉદ્યોગ જગતના 5 હજારથી વધુ દિગ્ગજો, રોકાણકર્તાઓ અને નીતિ નિર્માતાઓ ઉપસ્થિત રહ્યા હતા.ગુજરાત બન્યું મેન્યુફેક્ચરિંગ હબ - હર્ષ સંઘવી કાર્યક્રમમાં ઉપસ્થિત ગૃહ રાજ્યમંત્રી હર્ષ સંઘવીએ જણાવ્યું હતું કે, વર્ષ 2003માં વડાપ્રધાન મોદીએ વાયબ્રન્ટ ગુજરાતની જે શરૂઆત કરી હતી, તેના કારણે આજે ગુજરાતના ચારેય ખૂણા મેન્યુફેક્ચરિંગ હબ બન્યા છે. તેમણે ઉમેર્યું કે, આ સમિટ દરમિયાન 1500થી વધુ MOU (સમજૂતી કરાર) થવાની શક્યતા છે, જે યુવાનો માટે રોજગારીની નવી તકો ઉભી કરશે. ધોલેરા સ્માર્ટ સિટી અને ગિફ્ટ સિટી જેવા પ્રોજેક્ટ્સ આજે વૈશ્વિક ફલક પર ચમકી રહ્યા છે.2003માં રોપાયેલું બીજ આજે વટવૃક્ષ બન્યું: હર્ષ સંઘવી સમિટ દરમિયાન મંત્રી હર્ષ સંઘવીએ જણાવ્યું હતું કે, વર્ષ 2003માં તત્કાલીન મુખ્યમંત્રી અને વર્તમાન વડાપ્રધાન નરેન્દ્ર મોદીએ વાયબ્રન્ટ ગુજરાતની જે શરૂઆત કરી હતી, તેના મીઠા ફળ આજે આખું ગુજરાત ચાખી રહ્યું છે. તેમણે ભારપૂર્વક કહ્યું કે, ગુજરાતના ચારેય ખૂણા આજે મેન્યુફેક્ચરિંગ હબ તરીકે ઉભરી આવ્યા છે. ધોલેરા આજે સ્માર્ટ સિટી તરીકે સ્થાપિત થયું છે અને ગિફ્ટ સિટીનું વડાપ્રધાનનું વિઝન પણ સાકાર થયું છે.રોકાણ માટે ગુજરાત જ કેમ પસંદ? 'ઘણીવાર લોકો પૂછે છે કે, ગુજરાતમાં જ રોકાણ કેમ કરવું?' આ પ્રશ્નનો ઉત્તર આપતા હર્ષ સંઘવીએ જણાવ્યું કે, ગુજરાતના મજબૂત રોડ રસ્તા, ઉત્તમ ઈન્ફ્રાસ્ટ્રક્ચર અને ઉદ્યોગલક્ષી નીતિઓના કારણે રોકાણકારો માટે ગુજરાત પહેલી પસંદ છે. તેમણે જાહેરાત કરી હતી કે, આ સમિટમાં 1500થી વધુ MOU (સમજૂતી કરાર) થવાની અપેક્ષા છે, જે સૌરાષ્ટ્રના સ્થાનિક ઉદ્યોગોને વૈશ્વિક સ્તરે નવી ઓળખ અપાવશે અને હજારો યુવાનો માટે રોજગારીની નવી તકો ઉભી કરશે.https://x.com/ians_india/status/2010280271229427986 વિવિધ વિષયો પર મંથન 11 થી 15 જાન્યુઆરી દરમિયાન આયોજિત આ સમિટમાં બ્લુ ઇકોનોમી, ડેટા સેન્ટર, હરિત વિકાસ અને MSME સેક્ટર પર વિશેષ ભાર મૂકવામાં આવ્યો છે. આ ઉપરાંત સિરામિક, ઓટોમોબાઈલ અને મત્સ્ય ઉદ્યોગમાં રહેલી તકો વિશે પણ રાઉન્ડ ટેબલ ચર્ચાઓ કરવામાં આવશે. સમિટમાં ટ્રેડ શો, પ્રદર્શન, નારી શક્તિ ઉદ્યોગ સંવાદ અને રિવર્સ બાયર સેલર મીટ જેવા આકર્ષણો પણ રાખવામાં આવ્યા છે, જે સૌરાષ્ટ્રના સ્થાનિક ઉદ્યોગોને વૈશ્વિક પ્લેટફોર્મ પૂરું પાડશે. આ પણ વાંચો - Gujarat News: PM મોદીએ રાજકોટમાં કચ્છ સૌરાષ્ટ્રની વાઈબ્રન્ટ સમિટનો પ્રારંભ કરાવ્યો

Read Full Story arrow_forward

calendar_today January 11, 2026

Gandhinagar News : ગાંધીનગર સ્થિત NIPER-Aમાં 10 જાન્યુઆરી 2026ના રોજ 12મો દીક્ષાંત સમારોહ યોજાયો

આ સમારોહમાં, 2023-25 બેચના 195 માસ્ટર (MS અને MBA) સ્નાતકો અને 16 Ph.D. વિદ્વાનોને તેમની ડિગ્રીઓ એનાયત કરવામાં આવી હતી. પ્રો. (ડૉ.) જી.ડી. યાદવ મુખ્ય અતિથિ હતા, જ્યારે ફાર્માસ્યુટિકલ્સ વિભાગ, રસાયણ અને ખાતર મંત્રાલયના વરિષ્ઠ આર્થિક સલાહકાર અવધેશ કુમાર ચૌધરી અને ફાર્માસ્યુટિકલ એલાયન્સ (IPA ઇન્ડિયનના સેક્રેટરી જનરલ સુદર્શન જૈન મુખ્ય અતિથિ હતા. ભૂતપૂર્વ વિધાર્થીઓ સમારોહમાં હાજર રહ્યાં આ પ્રતિષ્ઠિત મહાનુભાવો ઉપરાંત NIPER-Aના ડિરેક્ટર પ્રો. શૈલેન્દ્ર સરાફ, રજિસ્ટ્રાર, ડીન, ફેકલ્ટી સભ્યો, સ્ટાફ અને ભૂતપૂર્વ વિદ્યાર્થીઓ પણ સમારોહમાં હાજર રહ્યા હતા. દીક્ષાંત સમારોહ NIPER અમદાવાદના રજિસ્ટ્રાર અવધેશ નૌટિયાલના નેતૃત્વમાં શૈક્ષણિક શોભાયાત્રાથી શરૂ થયો, ત્યારબાદ HOD, ડીન, બોર્ડ ઓફ ગવર્નર્સ (BOG)ના સભ્યો, NIPER અમદાવાદના ડિરેક્ટર પ્રો. શૈલેન્દ્ર સરાફ અને મુખ્ય મહેમાન પ્રો. (ડૉ.) જી.ડી. યાદવે દીક્ષાંત સમારોહની ઔપચારિક જાહેરાત કરી. તેમણે NIPER-A કેમ્પસમાં એકઠા થયેલા મુખ્ય મહેમાન અને આમંત્રિત મહેમાનોનું ઉષ્માભર્યું સ્વાગત કર્યું. રાષ્ટ્રનિર્માણ પ્રત્યે સંસ્થાની પ્રતિબદ્ધતાને પુનઃપુષ્ટિ કરી ડિરેક્ટરે NIPER અમદાવાદની રાષ્ટ્રીય મહત્વની સંસ્થા તરીકે સતત પ્રગતિ પર ભાર મૂક્યો, તેના મજબૂત પ્લેસમેન્ટ પ્રદર્શન, વધતી જતી માળખાગત સુવિધા, ફેકલ્ટી નેતૃત્વ અને ગતિશીલ સંશોધન ઇકોસિસ્ટમ પર પ્રકાશ પાડ્યો. તેમણે સંસ્થાના ₹11+ કરોડના ચાલુ બાહ્ય સંશોધન પ્રોજેક્ટ્સ, 1,367 પ્રકાશનો, 34 પેટન્ટ, 43 MoU અને 98.6%ના પ્રભાવશાળી પ્લેસમેન્ટ દરની નોંધ લીધી. તેમણે NIPER અમદાવાદ દ્વારા મેક ઇન ઇન્ડિયા અને પોષણક્ષમ આરોગ્યસંભાળ જેવી રાષ્ટ્રીય પ્રાથમિકતાઓમાં તેના ₹100 કરોડ+ સેન્ટર ઓફ એક્સેલન્સ ઇન મેડિકલ ડિવાઇસીસ, બાયોફાર્મા ઇન્ક્યુબેશન અને NABL-માન્યતા પ્રાપ્ત પરીક્ષણ સુવિધાઓ દ્વારા યોગદાન પર ભાર મૂક્યો અને નવીનતા, ઉદ્યોગ-શૈક્ષણિક સહયોગ અને રાષ્ટ્રનિર્માણ પ્રત્યે સંસ્થાની પ્રતિબદ્ધતાને પુનઃપુષ્ટિ કરી, જ્યારે સ્નાતક વિદ્યાર્થીઓને હેતુ અને દ્રઢતા સાથે નેતૃત્વ કરવા માટે પ્રોત્સાહિત કર્યા. સ્નાતક વિદ્યાર્થીઓને હાર્દિક અભિનંદન પાઠવ્યા ડિગ્રી એનાયત અને ઇનામ વિતરણ પછી, મુખ્ય મહેમાન, પ્રો. (ડૉ.) જી. ડી. યાદવે સભાને સંબોધિત કરી અને સ્નાતક વિદ્યાર્થીઓને શપથ લેવડાવ્યા. શપથ ગ્રહણ સમારોહ પછી, પ્રો. (ડૉ.) જી. ડી. યાદવે એકંદર ટોપર્સ તેમજ વિભાગીય ટોપર્સને ગોલ્ડ મેડલ અર્પણ કર્યા. ત્યારબાદ, પ્રો. (ડૉ.) જી. ડી. યાદવ અને પ્રો. શૈલેન્દ્ર સરાફ, ડીન અને રજિસ્ટ્રાર, સંયુક્ત રીતે વિવિધ શૈક્ષણિક વિભાગોમાંથી પસંદ કરાયેલા વિદ્યાર્થીઓને પુસ્તક પુરસ્કારોનું વિતરણ કર્યું. ડિગ્રી એનાયત અને ઇનામ વિતરણ બાદ સમારંભના મુખ્ય મહેમાન પ્રો. (ડૉ.) ગણપતિ ડી. યાદવે સભાને સંબોધિત કરી અને તમામ સ્નાતક વિદ્યાર્થીઓને હાર્દિક અભિનંદન પાઠવ્યા. તેમના સંબોધનમાં તેમણે NIPER અમદાવાદના મહત્વ પર પ્રકાશ પાડ્યો અને વૈજ્ઞાનિક નવીનતા અને અદ્યતન સંશોધન પ્રત્યેની તેની અતૂટ પ્રતિબદ્ધતા બદલ સંસ્થાની પ્રશંસા કરી. વિશ્વની ફાર્મસી" તરીકે ભારતની સ્થિતિને મજબૂત કરવા માટે કલ્પના કરવામાં આવી છે NIPER અમદાવાદના 12મા દીક્ષાંત સમારોહમાં સંબોધન કરતા પ્રો. (ડૉ.) યાદવે 2047 સુધીમાં વિકસિત ભારત તરફ આગળ વધી રહેલા ભારતના ભવિષ્યને આકાર આપવામાં ફાર્માસ્યુટિકલ શિક્ષણ અને નવીનતાની મહત્વપૂર્ણ ભૂમિકા પર ભાર મૂક્યો. સ્નાતકોને અભિનંદન આપતા, તેમણે કહ્યું કે આ દીક્ષાંત સમારોહ શિક્ષાર્થિયોથી નેતાઓ અને જાહેર આરોગ્યના રક્ષકોમાં મહત્વપૂર્ણ પરિવર્તનનું પ્રતીક છે. તેમણે NIPERsના રાષ્ટ્રીય મહત્વ પર ભાર મૂક્યો, જે સંકલિત, બહુ-શાખાકીય સંસ્થાઓ છે જે "વિશ્વની ફાર્મસી" તરીકે ભારતની સ્થિતિને મજબૂત કરવા માટે કલ્પના કરવામાં આવી છે.જાહેર આરોગ્ય રાષ્ટ્રીય પ્રગતિનો પાયો છે બદલાતા વૈશ્વિક વેપાર ગતિશીલતા અને સપ્લાય-ચેઇન પરિવર્તનનો ઉલ્લેખ કરતા, પ્રો. યાદવે સ્વ-નિર્ભરતા, સ્વદેશી નવીનતા અને વોલ્યુમ-આધારિત જેનેરિક દવાઓથી નવી દવાઓ, બાયોસિમિલર્સ, તબીબી ઉપકરણો અને AI-સંચાલિત ફાર્માસ્યુટિકલ વિકાસ તરફ વ્યૂહાત્મક પરિવર્તનની જરૂરિયાત પર ભાર મૂક્યો. ટકાઉ ઉત્પાદન, ગ્રીન કેમિસ્ટ્રી, બાયોટેકનોલોજી અને ડિજિટલાઇઝેશન જેવા ઉભરતા ક્ષેત્રોને પ્રકાશિત કરતા, તેમણે શૈક્ષણિક અને સંશોધન સમુદાયને નૈતિક, ટકાઉ અને ટેકનોલોજી-સક્ષમ નવીનતાને અનુસરવા હાકલ કરી. સ્નાતકોને સીધા સંબોધતા, તેમણે તેમને પ્રામાણિકતા સાથે શ્રેષ્ઠતા માટે પ્રયત્ન કરવા, જીવનભર શિક્ષણને અપનાવવા અને કરુણા સાથે સમાજની સેવા કરવા અપીલ કરી, અને પુનરાવર્તિત કર્યું કે જાહેર આરોગ્ય રાષ્ટ્રીય પ્રગતિનો પાયો છે. આ પણ વાંચો : Gir Somnath SwabhimanParv : વડાપ્રધાન નરેન્દ્ર મોદીની શૌર્ય સભામાં ઓપરેશન સિંદૂરની શૌર્યતાને કલાત્મક રીતે ઉજાગર કરતી દીકરી કોમલ સોલંકી

Read Full Story arrow_forward

calendar_today January 11, 2026

Ahmedabad માં આકાર લેશે 'અર્બન લંગ્સ રોડ', વિસતથી તપોવન સર્કલ સુધી પ્રદૂષણ મુક્ત ગ્રીન હાઈવે બનશે

અમદાવાદ શહેરમાં આઇકોનિક અને ડસ્ટ ફ્રી રોડની સફળતા બાદ હવે મહાનગરપાલિકા દ્વારા 'અર્બન લંગ્સ રોડ' વિકસાવવાનું આયોજન કરવામાં આવ્યું છે. વિસત સર્કલથી તપોવન સર્કલ સુધીના 3.7 કિમીના પટ્ટાને અત્યાધુનિક સુવિધાઓ સાથે રિડેવલપ કરવામાં આવશે. આ પ્રોજેક્ટ અંતર્ગત રોડની બંને તરફ 14.7 મીટરનો ફોર લેન મુખ્ય માર્ગ તૈયાર કરાશે, જેની સાથે ટ્રાફિકની સરળતા માટે બંને બાજુ 7 મીટરના સર્વિસ રોડની પણ વ્યવસ્થા કરવામાં આવશે. આ રોડ માત્ર વાહનો માટે જ નહીં, પરંતુ પર્યાવરણ અને શહેરીજનોના સ્વાસ્થ્યને ધ્યાનમાં રાખીને ડિઝાઇન કરવામાં આવ્યો છે.પ્રદૂષણનો રામબાણ ઈલાજ આ અર્બન લંગ્સ રોડની ખાસિયત એ છે કે અહીં પ્રદૂષણ ઘટાડવા માટે માર્ગની આસપાસ 1200 થી વધુ ઘટાદાર વૃક્ષો વાવવામાં આવશે. આ ઉપરાંત, સ્વાસ્થ્ય પ્રેમીઓ માટે 2 મીટરનો અલાયદો સાયકલ ટ્રેક અને 3.5 મીટરનો વોકિંગ ટ્રેક બનાવવામાં આવશે. લોકોના આરામ માટે ખાસ સીટિંગ એરિયા પણ તૈયાર કરાશે, જેથી આ માર્ગ એક હરિયાળા હબ તરીકે ઉભરી આવશે. આ પ્રોજેક્ટ પૂર્ણ થવાથી ઉત્તર અમદાવાદમાં ટ્રાફિકનું ભારણ ઘટવાની સાથે શહેરીજનોને શુદ્ધ હવા અને મનોરંજન માટે એક ઉત્તમ સ્થળ મળી રહેશે. આ પણ વાંચો : Surat News : ઉમરગામ હત્યાકાંડનો ભેદ ઉકેલાયો, ટ્યુશનથી જતી સગીરાનું ગળું કાપનાર પંકજ પાસવાન જેલહવાલે

Read Full Story arrow_forward