Halvad: નગરપાલિકામાં વિકાસકામોના નામે બેફામ ભ્રષ્ટાચારનો ખેલ થતો હોવાનો વિપક્ષનો આક્ષેપ
હળવદ નગરપાલિકાના દરેક વિભાગોમાં બેફામ ભ્રષ્ટાચાર ઘર કરી ગયો હોવાનો કોંગ્રેસ દ્વારા આક્ષેપ કરવામાં આવ્યો છે. આ મામલે ઉચ્ચકક્ષાએ રજૂઆતો પણ કરવામાં આવશે. છતાં સ્થિતિમાં કોઈ સુધારો નહિ આવે તો હલ્લાબોલ અને તાળાબંધી જેવા ઉગ્ર કાર્યક્રમો પણ કરવાનું વિપક્ષ કોંગ્રેસે એલાન કર્યું છે.આ અંગે હળવદ શહેર કોંગ્રેસ પ્રમુખ ગોપાલભાઈ દોરાલાએ જણાવ્યું કે હળવદ નગરપાલિકાની સામાન્ય સભા માત્ર ઔપચારિક રીતે જ મળે છે. 10 મિનિટમાં જ એજન્ડા વાંચીને મંજુર કરવામાં આવે છે. કારોબારીની સભા આજ સુધી મળી નથી. માત્ર કહેવા પૂરતી સહીઓ લેવામાં આવે છે. દરેક વિભાગોમાં બેફામ ભ્રષ્ટાચાર થઈ રહ્યો છે. અમે રેન્ડમ બિલો તપસ્યા હતા. જેમાં અનેક બાબતો શંકા ઉપજાવે તેવી છે. વર્ષ 2025માં જ્યારે બોડી ન હતી ત્યારે વહીવટદાર સાશન હતું. આ સમયે રૂ.1.49 લાખનું ડીઝલ દોઢ મહિનો ચાલ્યું હતું. એ જ ડીઝલ સાતમો મહિનો આવતા રૂ.2 લાખે પહોંચી ગયું. વધુમાં તેઓએ ઉમેર્યું કે સભ્યો, ચીફ્ ઓફ્સિર અને હોદેદારો વચ્ચે સંકલનનો અભાવ છે. પ્રજા કરોડોનો ટેક્સ ભરે છે. છતાં પાણી, રોડ, ગટર, સાફ્ સફાઈ સહિતના અનેક પ્રશ્નો છે. અરજદારો અને સભ્યોને પ્રશ્ન કરવા હોય તો કર્મચારીઓ હાજર હોતા નથી. ઈન્ટરનલ ઓડિટરની જગ્યા ખાલી છે. માત્ર વાઉચર રજૂ કરી બિલોની રકમ લેવામાં આવી રહી છે. મોટાભાગના સરકારી કામોમાં સભ્યો જ કામ લ્યે છે અને કમિશન પણ ભરપૂર અપાય છે. જેથી કામની ગુણવત્તા સામે પણ પ્રશ્નો ઉભા થાય છે. આ અંગે ઉચ્ચકક્ષાએ રજૂઆતો કરીશું તેમ છતાં નિરાકરણ નહીં આવે તો નગરપાલિકા કચેરીએ ધરણાં, હલ્લાબોલ અને તાળાબંધી જેવા કાર્યક્રમો પણ કરીશું. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
