Gir Somnath News: વેરાવળ-કોડીનાર હાઇવે પર જોવા મળ્યા વનરાજના આંટાફેરા
ગીર સોમનાથ જિલ્લામાં વન્ય પ્રાણીઓ હવે જંગલ વિસ્તાર છોડીને માનવ વસ્તી અને હાઇવે તરફ સ્થળાંતર કરી રહ્યા હોય તેવા દ્રશ્યો વધુને વધુ સામે આવી રહ્યા છે. વેરાવળ-કોડીનાર નેશનલ હાઇવે પર આવેલા પ્રાચી નજીક ઘંટીયા ફાટક પાસે એક વિશાળકાય સિંહ ચઢી આવતા અફરાતફરી મચી ગઈ હતી.સર્વિસ રોડ પર સિંહની શાહી સવારી પ્રાચી નજીક હાઇવેના સર્વિસ રોડ પર જ્યારે સિંહ આવી ચઢ્યો, ત્યારે ત્યાંથી પસાર થતા રાહદારીઓ અને વાહનચાલકો દંગ રહી ગયા હતા. વનરાજે કોઈ પણ ડર વગર રસ્તા પર ટહેલવાનું શરૂ કર્યું હતું. સિંહને જોતા જ હાઇવે પર વાહનોના પૈડાં થંભી ગયા હતા. કેટલાક સાહસિક રાહદારીઓએ આ મનમોહક અને ડરામણા દ્રશ્યોને પોતાના મોબાઈલ કેમેરામાં કેદ કર્યા હતા, જેનો વીડિયો હાલ સોશિયલ મીડિયામાં વાયરલ થઈ રહ્યો છે. ખોરાકની શોધમાં આવી રહ્યા છે વન્ય જીવો ગીરના જંગલની સરહદ નજીક હોવાથી અવારનવાર ખોરાક અને પાણીની શોધમાં સિંહ અને દીપડા જેવા વન્ય પ્રાણીઓ ગ્રામ્ય વિસ્તારોમાં અને મુખ્ય રસ્તાઓ પર આવી ચઢતા હોય છે. સદનસીબે, આ ઘટનામાં કોઈ અનિચ્છનીય બનાવ બન્યો નહોતો. વાહનો ઉભા રહી જતા સિંહે શાંતિથી રસ્તો પસાર કરી દીધો હતો અને વગડા તરફ રવાના થયો હતો. સિંહ પસાર થઈ ગયા બાદ વાહનચાલકોએ હાશકારો અનુભવ્યો હતો. વન વિભાગ દ્વારા આ વિસ્તારમાં પેટ્રોલિંગ વધારવાની પણ માંગ ઉઠી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
