Sayla: સુદામડા હાઈવે પર ટ્રક બાઇક વચ્ચેના અકસ્માતમાં યુવાનનું મોત
સાયલા - સુદામડા હાઈવે પર જતા એક બાઇક ને સામેથી પૂરપાટ ઝડપે ધસી આવેલા એક આયશર ટ્રકે અડફેટે લેતા ગમખ્વાર અકસ્માત સર્જાયો હતો.અકસ્માતમાં બાઇક સવાર યુવાનને ગંભીર ઇજાઓ થતાં તુરંત સાયલા સરકારી હોસ્પિટલ ખાતે ખસેડવામાં આવ્યો હતો પરંતુ સારવાર દરમ્યાન તેનું કમકમાટીભર્યું મોત નીપજતા પરિવારમાં ગમગીની સાથે શોકનો માહોલ વ્યાપી જવા પામ્યો હતો.મૃતક પચ્ચીસ વર્ષીય યુવાન મુકેશ ધીરાભાઈ ગોહીલ ની મળતી વિગતો મુજબ તે સાયલા તાલુકાના સાંગોઈ ગામનો રહેવાસી હોવાનું જાણવા મળી રહ્યું છે ત્યારે આશાસ્પદ યુવાનના મોતથી પરિવારે આધારસ્તંભ ગુમાવ્યો હતો.સવારના સમયે બનેલા બનેલા બનાવની જાણ થતા યુવાનના સગા સ્નેહીઓ ઘટનાસ્થળે દોડી ગયા હતા અને તેને તુરંત સારવાર અર્થે હોસ્પિટલમાં ખસેડવામાં આવ્યો હતો પરંતુ માથાના તેમજ શરીરના ભાગે ગંભીર ઇજાઓ થવા સાથે પુષ્કળ લોહી વહી જતા તેનું પ્રાણ પંખેરું ઉડી ગયું હતું.અક્સ્માત બાદ હોસ્પિટલ તેમજ પોલીસ સ્ટેશન ખાતે લોકોના ટોળા એકઠા થયા હતા અને યુવાનની જિંદગી હણી લેનાર ટ્રક ચાલક સામે આક્રોશજોવા મળ્યો હતો.ગોઝારો અક્સ્માત સર્જી ટ્રક લઈ તેનો ચાલક સાયલા પોલીસ સ્ટેશન પહોંચ્યો હતો જે બાબતે સાયલા પોલીસ દ્વારા આ બાબતે ભોગ બનનાર ના પરિવારની ફરિયાદના આધારે ટ્રક ચાલક વિરુદ્ધ ગુનો નોંધવાની તજવીજ હાથ ધરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
