Community News & Updates

Stay informed with the latest happenings, achievements, and announcements from our community.

All News

calendar_today January 6, 2026

UP Draft Voter List 2026: કપાયા 2 કરોડથી વધુ નામ, જાણો ક્યાં શહેરમાંથી કેટલા નામ

ઉત્તર પ્રદેશમાં આજે મંગળવારે, SIR પ્રક્રિયા પૂર્ણ થયા બાદ ડ્રાફ્ટ મતદાર યાદી જાહેર કરવામાં આવી છે. આ અપડેટેડ મતદાર યાદીમાં 125.5  મિલિયન મતદારોનો સમાવેશ થાય છે. સ્પેશિયલ ઇન્ટેન્સિવ રિવિઝન (SIR) હેઠળ 28.8  મિલિયન મતદારોના નામ દૂર કરવામાં આવ્યા છે. લખનૌ, પ્રયાગરાજ અને કાનપુર જેવા મુખ્ય શહેરોમાં લાખો મતદારોના નામ દૂર કરવામાં આવ્યા છે.  28.8 મિલિયન મતદારોના નામ કરાયા દૂર ઉત્તર પ્રદેશમાં નવી ડ્રાફ્ટ મતદાર યાદી જાહેર કરવામાં આવી છે. તેમાં 125.5 મિલિયન મતદારોના નામ શામેલ છે, જે પ્રક્રિયા પૂર્ણ થયા પહેલા 15 કરોડથી વધુ હતા. સ્પેશિયલ ઇન્ટેન્સિવ રિવિઝન (SIR) દરમિયાન 28.8  મિલિયન મતદારોના નામ દૂર કરવામાં આવ્યા છે. બધા જિલ્લાઓમાં ડ્રાફ્ટ મતદાર યાદી જાહેર કરવામાં આવી છે. હવે, ફક્ત ઔપચારિકતાઓ બાકી છે. મુખ્ય ચૂંટણી અધિકારી નવદીપ રિનવા આજે બપોરે 3 વાગ્યે પત્રકાર પરિષદમાં માહિતી આપશે. જિલ્લા મેજિસ્ટ્રેટને સચોટ અને ભૂલમુક્ત મતદાર યાદીઓ જાહેર કરવા માટે કડક સૂચના આપવામાં આવી છે. કેટલા નામ ક્યાં દૂર કરવામાં આવ્યા છે? ઉત્તર પ્રદેશમાં જિલ્લાવાર SIR રિપોર્ટમાં, મુખ્ય શહેરો પાછળ છે. રાજ્યની રાજધાની લખનૌ, ઉત્તર પ્રદેશ SIR કરતાં પાછળ છે. રાજ્યની રાજધાની લખનૌમાં 120,000 થી વધુ મતો રદ કરવામાં આવ્યા હતા. 1,156,339 મતો રદ કરવામાં આવ્યા હતા, જેમાં પ્રયાગરાજ બીજા ક્રમે હતું. કાનપુરમાં 900,000 થી વધુ મતો રદ કરવામાં આવ્યા હતા. આગ્રામાં 836,965 મતો રદ કરવામાં આવ્યા હતા. ગાઝિયાબાદમાં 818,325 મતો રદ કરવામાં આવ્યા હતા. બરેલીમાં 714,768 મતો રદ કરવામાં આવ્યા હતા. SIRના પહેલા રાઉન્ડમાં મેરઠમાં 665,647 મતો રદ કરવામાં આવ્યા હતા. જૌનપુરમાં 589,546 મતો રદ કરવામાં આવ્યા હતા. વારાણસીમાં 573,217 મતો રદ કરવામાં આવ્યા હતા. ગોરખપુરમાં 645,634 મતો રદ કરવામાં આવ્યા હતા. SIRના ગૌતમ બુદ્ધ નગરમાં 447,479 મત રદ થયા હતા. ચૂંટણી પંચે તારીખ લંબાવી ચૂંટણી પંચે અગાઉ ડ્રાફ્ટ યાદી જાહેર કરવાની તારીખમાં ફેરફાર કર્યો હતો. આનું કારણ એ હતું કે SIR પ્રક્રિયા પૂર્ણ થઈ ન હતી. રાજ્યના મોટા કદ અને મતદારોની મોટી સંખ્યાને કારણે, કાર્ય પૂર્ણ થઈ શક્યું ન હતું. મતગણતરી ફોર્મ ભરવાની અંતિમ તારીખ પહેલા 12 ડિસેમ્બર અને પછી 26 ડિસેમ્બર સુધી લંબાવવામાં આવી હતી. ડ્રાફ્ટ મતદાર યાદી 31 ડિસેમ્બરે જાહેર થવાની હતી. જોકે, તેને 6 જાન્યુઆરી સુધી લંબાવવામાં આવી હતી.

Read Full Story arrow_forward

calendar_today January 6, 2026

Bomb Threat : ગુજરાત હાઈકોર્ટ સહિત રાજ્યની અનેક અદાલતોને RDX થી ઉડાવી દેવાની ધમકી, પોલીસ તંત્રમાં દોડધામ

ગુજરાતની ન્યાયિક સંસ્થાઓ માટે આજનો દિવસ અત્યંત સુરક્ષા ચિંતાજનક સાબિત થયો છે. ગુજરાત હાઈકોર્ટ સહિત અમદાવાદ સિટી સિવિલ કોર્ટ, સુરત, રાજકોટ, ભરૂચ અને આણંદની જિલ્લા અદાલતોને RDX જેવા શક્તિશાળી વિસ્ફોટકોથી ઉડાવી દેવાની નનામી ધમકી મળતા રાજ્યભરમાં હડકંપ મચી ગયો છે. ધમકી મળતાની સાથે જ જે-તે શહેરની પોલીસ અને ક્રાઈમ બ્રાન્ચ હરકતમાં આવી ગઈ હતી. સાવચેતીના ભાગરૂપે તમામ કોર્ટ સંકુલને તાત્કાલિક ખાલી કરાવવામાં આવ્યા હતા અને ન્યાયાધીશો, વકીલો તેમજ અરજદારોને સુરક્ષિત બહાર કાઢી પોલીસ દ્વારા સમગ્ર પરિસરને સીલ કરી દેવામાં આવ્યું હતું.રાજ્યવ્યાપી બોમ્બ થ્રેટ ઘટનાની ગંભીરતાને જોતા દરેક અસરગ્રસ્ત જિલ્લામાં બોમ્બ ડિસ્પોઝલ સ્ક્વોડ (BDS) અને ડોગ સ્ક્વોડ દ્વારા સર્ચ ઓપરેશન હાથ ધરવામાં આવ્યું છે. પોલીસ સૂત્રોના જણાવ્યા અનુસાર, એકસાથે અનેક કોર્ટોને નિશાન બનાવવાની ધમકી મળતા આ કોઈ મોટું ષડયંત્ર હોવાની આશંકા છે. સાયબર સેલ અને ગુપ્તચર એજન્સીઓ આ ધમકી ક્યાંથી અને કોણે મોકલી તેની તપાસમાં લાગી ગઈ છે. રાજ્યની તમામ અદાલતોમાં પ્રવેશતા લોકોનું સઘન ચેકિંગ કરવામાં આવી રહ્યું છે અને સંવેદનશીલ વિસ્તારોમાં પોલીસનો ચુસ્ત બંદોબસ્ત ગોઠવી દેવામાં આવ્યો છે. આ પણ વાંચો : Ahmedabad News : સુરત બાદ હવે અમદાવાદ સેશન્સ કોર્ટને બોમ્બથી ઉડાવી દેવાની ધમકી

Read Full Story arrow_forward

calendar_today January 6, 2026

Gujarat News : 3691 આંગણવાડી બહેનોની તાલીમ સાથે શિક્ષિત અને સુપોષિત ગુજરાતનો સંકલ્પ

ગુજરાત સરકાર દ્વારા આઈ.સી.ડી.એસ યોજના હેઠળ રાજ્યની આંગણવાડીઓને વધુ સક્ષમ બનાવવાના હેતુથી નવનિયુક્ત 3,691 આંગણવાડી કાર્યકરો માટે આયોજિત બે દિવસીય તાલીમ કાર્યક્રમ સફળતાપૂર્વક સંપન્ન થયો છે. મુખ્યમંત્રી ભૂપેન્દ્ર પટેલના માર્ગદર્શન હેઠળ તાજેતરમાં 9,000 થી વધુ બહેનોને નિમણૂક પત્રો અપાયા હતા, જે પૈકીના આ નવનિયુક્ત કાર્યકરો હવે રાજ્યના બાળકોના સર્વાંગી વિકાસ માટે સજ્જ થયા છે. બે દિવસીય કાર્યક્રમમાં અપાઇ આ તાલીમ આ તાલીમનો મુખ્ય ઉદ્દેશ્ય આંગણવાડીઓને માત્ર પોષણ કેન્દ્ર નહીં, પણ એક સક્ષમ પ્રી-સ્કૂલ તરીકે વિકસાવવાનો છે. હવે કાર્યકરો આધુનિક શૈક્ષણિક પદ્ધતિઓ અને રમત-ગમત દ્વારા બાળકોને પાયાનું શિક્ષણ આપશે, જેથી બાળકોમાં શાળા પ્રત્યે રુચિ વધશે. ડિજિટલ યુગ સાથે તાલ મિલાવવાની અપાઇ તાલીમ ડિજિટલ યુગ સાથે તાલ મિલાવવા માટે કાર્યકરોને વિવિધ સરકારી એપ્લિકેશન અને મોડ્યુલની તાલીમ આપવામાં આવી છે. NNM કો-ઓર્ડીનેટર્સ અને નિષ્ણાંતો દ્વારા બાળકોની પ્રગતિ, કિશોરીઓની યોજનાઓ અને પોષણ સ્તરનું ડિજિટલ ટ્રેકિંગ કેવી રીતે કરવું તેનું માર્ગદર્શન અપાયું છે. નિષ્ણાંતોઓએ આપ્યું માર્ગદર્શન તાલીમ દરમિયાન માસ્ટર ટ્રેનર્સ, CDPO અને સુપરવાઈઝરો દ્વારા પોષણ સંગમ અને અન્ય યોજનાઓની વિસ્તૃત માહિતી આપવામાં આવી હતી. આ ઉપરાંત, બાળકોના માનસિક અને સામાજિક વિકાસ માટે વિશેષ પ્રવૃત્તિઓના આયોજન પર ભાર મૂકવામાં આવ્યો હતો. કાર્યકરો પોતાની જવાબદારીઓ પ્રત્યે વધુ સજ્જ બન્યા આ તાલીમ બાદ નવનિયુક્ત કાર્યકરો પોતાની જવાબદારીઓ પ્રત્યે વધુ સજ્જ બન્યા છે. ટેકનોલોજી અને આધુનિક શિક્ષણ પદ્ધતિના સમન્વયથી ગ્રામીણ અને શહેરી વિસ્તારોમાં બાળકોના પોષણ સ્તરમાં સુધારો થશે. આ પહેલ 'વિકસિત ગુજરાત'ના સંકલ્પને સાકાર કરવામાં અને રાજ્યના ભાવિ પેઢીના પાયાને મજબૂત કરવામાં પથદર્શક સાબિત થશે. આ પણ વાંચોઃ Gujarat News : મિશન ડેઇલી વૉટર, ગુજરાતના શહેરોમાં હવે નળથી જળનો નવો સૂર્યોદય

Read Full Story arrow_forward